# အကယ်ဒမီ ရင်ခုန်သံ
.
မနက်ဖြန် (6.2.2010)နေ့မှာ မြန်မာ့ရုပ်ရှင် အကယ်ဒမီ ဆုပေးပွဲ ကျင်းပမယ် ဆိုပါလား။ ရုပ်ရှင်အကယ်ဒမီဆုနဲ့ ပက်သက်ပြီး နီးစပ်ရာ အပေါင်းအသင်း တွေက ဒီနှစ် ဘယ်သူတွေ ရနိုင်လဲ မေးလာကြသဗျ။
အမှန်အတိုင်း ပြောရရင် မြန်မာရုပ်ရှင် မကြည့်ဖြစ်တာလည်း အနှစ် (၂၀)လောက် ရှိသွားပြီမို့ ဘယ်မင်းသမီး မင်းသားတွေက နာမည်ကြီးနေတယ် , ဘယ်ဇာတ်ကားတော့ ဘယ်လိုကောင်းတယ် ဆိုတာတွေလည်း မသိတော့ပါဘူး။ ဟိုတုန်းက ကြားဖူးတဲ့ “ထက်ထက်မိုးဦး” တို့ “ဒွေး” တို့ “နန္ဒာလှိုင်” တို့လောက်ကလွဲပြီး နောက်ပေါက် မင်းသား မင်းသမီး အသစ်တွေကိုလည်း မသိ တော့ပါဘူး။ နာမည်မှ ကောင်းကောင်း မသိတော့ ဘယ်သူရမယ်ဆိုတာ ခန့်မှန်းဖို့လည်း ခက်ပါတယ်။
ကျွန်တော်က “ဂီတ” ကို ၀ါသနာ ကြီးသလောက် ရုပ်ရှင်ဘက်မှာတော့ အင်မတန် ၀ါသနာ နည်းပါတယ်။
နောက်တစ်ခု အခက်အခဲက အနုပညာလောက (အထူးသဖြင့် ရုပ်ရှင်လောက) ထဲက လူတွေကလည်း အသက်ကို အမှန် မပြောချင်ကြဘူးဗျ။ ကျွန်တော်က သုတေသန ၀ါသနာပါတော့ ထင်ပေါ်ကျော်ကြားသူတွေရဲ့ မွေးသက္ကရာဇ်တွေ လိုက်ပြီး စုဆောင်းတဲ့ နေရာမှာ အခက်အခဲဆုံးက “မြန်မာနိုင်ငံ” ဘဲဗျ။
ဘယ်နိုင်ငံက ထင်ပေါ်ကျော်ကြားသူဖြစ်ဖြစ် “အင်တာနက်” ပေါ်မှာ “ကလစ်” တစ်ချက်ခေါက်လိုက်တာနဲ့ သူ့ရဲ့ မွေးနေ့ သက္ကရာဇ် အပြည့်အစုံ နဲ့ ကိုယ်ရေးအထုပ္ပတ္တိကို အလွယ်တကူ သိနိုင်ပါတယ်။
February 5, 2010
Tags: မြန်မာ့ရိုးရာဗေဒင် ` Posted in: မဟာဘုတ်, ဗေဒင်ဆောင်းပါး 
15 Comments
# (၇)ရက်သားသမီးများအတွက် ဖေဖေါ်ဝါရီလဟောကိန်းများ
ယခုဟောစာတမ်းများဟာ ၂၀၁၀ ခုနှစ် ဖေဖေါ်ဝါရီလ အတွက် ဖြစ်ပါတယ်။ ဒီလထဲမှာ ထူးခြားတာက ပြီးခဲ့တဲ့ ဇန်န၀ါရီလတုန်းက အညံ့ဆုံး ပြခဲ့တဲ့ “ကြာသပတေးသားသမီး” များဟာ ယခုလမှာ “အကောင်းဆုံး” နံပါတ်တစ် မှာ ရှိနေတာကို တွေ့ရပါတယ်။ ဒါပေမယ့် ပြီးခဲ့တဲ့လ, မှာလည်း “သက္ခတ်” ကောင်းများမှာ ရောက်နေတဲ့ ကြာသပတေး သားသမီးများ ကတော့ ဆိုးအား သိပ်မရှိလှပါဘူး။ သက္ခတ် ညံ့ထဲရောက်နေသူ (အချို့) တော့ ၀မ်းနည်း ကြေကွဲ ဘွယ်ရာတွေ ဖြစ်ခဲ့တာကိုတွေ့ရပါတယ်။
နောက်ဆုံးတော့ အရေးကြီးဆုံးက ကိုယ်လက်ရှိရောက်နေတဲ့ “သက္ခတ်” ဘဲဖြစ်ပါတယ်။ “အင်္ဂါ၊ ဗုဒ္ဓဟူး၊ စနေ” သက္ခတ်များထဲ ရောက်နေသူများ လစဉ် ဟောကိန်းတွေမှာ အညံ့ပြရင် ဂရုပြုပါ။ ဒီ သက္ခတ်များအတွင်း မရှိရင်တော့ အညံ့ပြပေမယ့် သိပ်စိုးရိမ်စရာ မရှိပါ။
.
နောက်တစ်ခု မှားယွင်းတာကတော့ ဇန်န၀ါရီလမှာ (၇)ရက် သားသမီးများ ကောင်းအား/ဆိုးအား သိပ်မပြင်းထန်လောက်ဘူး လို့ ခန့်မှန်းထားပေမယ့် “ဟေတီငလျှင်ကြီး” လှုပ်ခတ်လိုက်တာကြောင့် ကမ္ဘာ့လူသား နှစ်သိန်း လောက် သေကြေ ပျက်စီး သွားရတာမို့ ဒီခန့်မှန်းချက်ကတော့ လွဲမှားသွား ပါတယ်။ ဒါကြောင့် “ဗေဒင်ဆိုတာ မှားတတ်တာမျိုးဘဲ” လို့ ခံယူကြပြီး မကောင်းဘူး အဟောထွက်တဲ့ နေ့သားသမီးများလည်း သိပ်ကြီး စိတ် အနှောင့်အယှက် မဖြစ်ကြပါနဲ့။ ကမ္ဘာ့လူဦးရေ သန်းပေါင်း (၆၀၀၀)ကျော် ကို အမျိုးအစား (၈)ခုထဲခွဲပြီး အကောင်း/အဆိုး ဟောထားတာဖြစ်လို့ လူတိုင်းအတွက် မမှန်နိုင်ပါဘူး။ အပျော်ဖတ်လို့ဘဲ သဘောထားပါ။
.
ယခုလ(ဖေဖေါ်ဝါရီလ) ၇ ရက်သားသမီး ကံဇာတာ အကျဉ်းချုပ်
= ကြာသပတေးသားသမီး (အလွန်ပင် ကောင်း)
= ရာဟု သားသမီး (အလွန်ကောင်း)
= တနင်္ဂနွေ ၊ ဗုဒ္ဓဟူး သားသမီး (ကောင်း)
= အင်္ဂါ ၊ စနေ သားသမီး (အကောင်း/အညံ့ ရောထွေး)
= တနင်္လာ သားသမီး (အလွန် ညံ့)
= သောကြာ သားသမီး (အလွန်ပင် ညံ့) ဆိုပြီးတော့ တွေ့ရပါတယ်။
.
နောက်ပြီး နာမည် တွဲလုံးအရ ကောင်းကျိုး/ဆိုးကျိုး အထူးပြုနိုင်တဲ့ နာမည်အတွဲတွေကတော့ -
January 31, 2010
Tags: (၇)ရက်သားသမီးများအတွက် ဖေဖေါ်ဝါရီလဟောကိန်းများ, myanmar astro, မြန်မာ့ရိုးရာဗေဒင် ` Posted in: အင်္ဂ၀ိဇ္ဖာ/မဟာကာလ 17 Comments
# ဘ၀အတွက် အကောင်းဆုံးယတြာ . . အပိုင်း (၄)
ဘ၀အတွက် အကောင်းဆုံးယတြာကို ရေးလာတာ ဘာလိုလိုနဲ့ အပိုင်း(၄)ကို ရောက်လာပါပြီ။ ဖတ်တဲ့လူတွေတော့ ငြီးငွေ့နေကြပြီလား မသိပါဘူး။ တစ်ချို့တွေ ငြီးငွေ့ကောင်း ငြီးငွေ့နိုင်ပေမယ့် တစ်ချို့ကတော့ အလွန် စိတ်အားထက်သန်စွာ စောင့်မျှော် ဖတ်ရှု နေကြမယ် ထင်ပါတယ်။ ဒီကနေ့ ပြောချင်တဲ့ အကြောင်းလေးကတော့ အပိုင်း (၃)မှာ မပြောလိုက်ရတဲ့ “ဣသာမစ္ဆရိယ” အကြောင်းလေးကို ပြောပြချင်ပါတယ်။
ပါဠိစကားဖြစ်တဲ့ “ဣသာမစ္ဆရိယ” ဆိုတာ မြန်မာလိုတော့ – “မနာလို ၀န်တိုစိတ်” ပါဘဲ။ “သူတစ်ပါး ကောင်းစားတာကို မနာလိုခြင်း၊ မရှုစိမ့်နိုင်ခြင်း၊ ပျက်စီးစေလိုခြင်း၊ ပျက်စီးအောင်ကြံစည်ခြင်း၊ ၀န်တိုခြင်း၊ ညူစူခြင်း၊ နှမြော တွန့်တိုခြင်း” ဆိုတဲ့ အနက်အဓိပ္ပါယ်တွေ ပါဝင်နေ ပါတယ်။
“ဘ၀အတွက် အကောင်းဆုံးယတြာ” (တနည်း) “Best Life Style” အကြောင်းကို ပြောမယ်ဆိုပြီး တရားများဟောတော့မှာလား လို့လည်း မထင်ကြပါနဲ့ဦး။ တရားမဟောပါဘူး။ ဒါပေမယ့် အဆင်ပြေ ချောမွေ့တဲ့ ဘ၀တစ်ခု ပိုင်ဆိုင်ရရှိဖို့ ကိစ္စမှာ ဒီ “ဣသာမစ္ဆရိယ” ဟာ “လောဘ” တရားလိုဘဲ အရေးကြီးလှတာမို့ တင်ပြဖို့ လိုပါတယ်။
“ဣသာမစ္ဆရိယ” နဲ့ ပတ်သက်ပြီး ဘုရားဟော ဒေသနာတွေမှာ “မှတ်လောက် သားလောက်” ရှိလှတဲ့ ပြဿနာ(၂)ခု တွေ့ဘူး ပါတယ်။ ပထမ ပြဿနာက - သုံးလောကထွဋ်ထား ဂေါတမဘုရားရှင် မပွင့်မှီ အချိန်ကာလများစွာကတည်းက “တာဝတိံသာ” နတ်ပြည်ကို အစိုးရတဲ့ “သိကြားမင်း” ဟာ လူ့ပြည်ကိုများ လှမ်းကြည့်လိုက်ရင် လူတွေဟာ အန္တရာယ်မကင်း၊ ဘေးမရှင်း ၊ ဆင်းရဲ ဒုက္ခမျိုးစုံတွေ့ ၊ ရောဂါများ ၊ အသက်တို ကြတာတွေကို မြင်ရတော့ ဒီလိုဖြစ်ရတာ ဘာကြောင့်လဲ ဆိုတာ သူ, တွေးဆလို့ မရဘူးတဲ့။ အကြောင်းတရားကို ရှာလို့မရဘူးတဲ့။
ဒါနဲ့ လူ့ပြည်မှာ ဂေါတမဘုရားရှင် ပွင့်တော်မူလာမှ သူ သိပ်သိချင်နေတဲ့ ပြဿနာကို ဗုဒ္ဓရှင်ထံမှာ လျှောက်ထား မေးမြန်း ကြည့်ပါတော့တယ်။ ဒီတော့ ဘုရားက “ဟေ့ – သိကြားရေ၊ လူတွေမှာ အန္တရာယ်မကင်း၊ ဘေးမရှင်း၊ ဒုက္ခရောက်၊ ရောဂါများ၊ အသက်တို နေကြတာ တခြားတရားကြောင့် မဟုတ်ဘူးဟေ့။ “ဣသာမစ္ဆရိယ” ဆိုတဲ့ တရားကြောင့်ကွ” လို့ ဟောတော် မူလိုက်ပါတယ် တဲ့။
January 24, 2010
Tags: Best Life Style, ဘ၀အတွက်အကောင်းဆုံးယတြာ . . အပိုင်း (၃) Posted in: ဘ၀ ဒဿန 29 Comments
# ထူးခြားသော သာသနာ့အာဇာနည်တစ်ပါး
.
စာရေးသူဟာ (၁၀)တန်းကျောင်းသား ဘ၀လောက်ကတည်းက “၀ိပဿနာ” နဲ့ စ, ပြီး ထိတွေ့ခဲ့ပါတယ်။ ဒါပေမယ့် “အသိ” သာရှိပြီး လက်တွေ့ သိပ်မလုပ် နိုင်ခဲ့ပါဘူး။ တရားစခန်း (၃) (၄)ကြိမ်လောက် ၀င်ခဲ့ပေမယ့် တရားစခန်းလည်း ထွက်ရော ဒုံရင်း ဒုံရင်းပါဘဲ။ အသက်ကလည်း ငယ်သေးတာကိုး။
အသက် (၃၅) နဲ့ (၄၀)ကြားမှာ အင်မတန်ကြီးမားတဲ့ ဘ၀လောကဓံတွေ နဲ့ ကျန်းမာရေး ချို့ယွင်းမှုတွေကို ကြုံတွေ့ လာရချိန်မှာတော့ (လောကဓံကို ခံရသူတွေရဲ့ ထုံးစံအတိုင်း) တရားကိုဘဲ ပြေးဖက်မိပါတော့တယ်။ ၀ိပဿနာ နည်းလမ်း တွေ အများကြီး ရှိပေမယ့် ဘယ်ဟာကိုမှ အစွဲမထားဘဲ ကောင်းတဲ့ တရားမှန်သမျှ လေ့လာကြည့်မိတာ ချည်းပါဘဲ။
“မိုးကုတ်” နည်းကို အဓိကထားတယ် ဆိုပေမယ့် “မဟာစည်” ကိုလည်း လေ့လာပါတယ်။ “သဲအင်းဂူ” လည်း တီးခေါက် မိပါတယ်။ “စွန်းလွန်း” နည်းကိုလည်း ကျင့်ဘူးပါတယ်။ “လယ်တီနည်း၊ ဦးဂိုအင်ကာနည်း” တွေလည်း ချန်မထားပါဘူး။ နောက်ပိုင်း ပေါ်လာတဲ့ “အ၀ိဇ္ဇာမှ ၀ိဇ္ဇာ” သို့ တို့၊ “ချစ်ငယ် ဒဿန” တို့၊ “သန့်၊ တည်၊ ပွား” တို့လည်း လေ့လာပါတယ်။ (မိုးပြာဂိုဏ်းတော့ မပါပါဘူး၊ ဒီဂိုဏ်းက ဗုဒ္ဓဘာသာလုံးဝ မဟုတ်ပါဘူး၊ ဗုဒ္ဓကို ဘန်းပြပြီး ဘာသာအသစ်တစ်ခု တည်ထောင် နေတာလို့ဘဲ မြင်ပါတယ်)
January 22, 2010
Tags: အမှာ သတင်းစကား, အရှင် ၀ါယာမိန္ဒ, မြောက်ဦး ဆရာတော် Posted in: အမှာ သတင်းစကား 16 Comments
# ဟေတီ ငလျှင် နှင့် ဆရာကြီး ကာလာစန်
.
ကာရစ်ဘီယံ ကျွန်းစုနိုင်ငံတွေထဲမှာ ပါဝင်တဲ့ “ဟေတီ” နိုင်ငံမှာ အခုပြီးခဲ့တဲ့ ဇန်န၀ါရီ (၁၂)ရက်နေ့မှာ ပြင်းအားအဆင့် (၇) ကျော်တဲ့ ငလျှင်ကြီး လှုပ်ခတ်သွားခဲ့ပါပြီ။ လူအသေအပျောက် စာရင်းမကောက်နိုင်လောက်အောင် ကသောင်းကနင်းတွေ ဖြစ်နေတာမို့ ဒီကနေ့ (၁၇)ရက်နေ့ကျမှ လူအသေအပျောက်ကို (အနီးစပ်ဆုံး) ခန့်မှန်းနိုင်ပါတော့တယ်။ အနည်းဆုံး လူငါးသောင်း အထက်မှာ သေကြေပျက်စီးဖွယ် ရှိနေပါတယ်။ ကပ်ဘေးဒုက္ခတွေရဲ့ ထုံးစံအတိုင်း လူအသေအပျောက်စာရင်းဟာ ဒီထက် တိုးလာဖွယ် ရှိပါတယ်။ (ဒီဆောင်းပါးရေးပြီး နောက်ထပ် ၆နာရီအကြာမှာ သိရတဲ့သတင်းအရ လူဦးရေ သေဆုံးမှုဟာ ၂-သိန်း အထိ ရှိနိုင်တယ် လို့ သိရပါတယ်)
“နူရာဝဲစွဲ ၊ လဲရာ သူခိုးထောင်း” ဆိုသလို ဟေတီနိုင်ငံဟာ မနှစ်ကမှ မုန်တိုင်းအန္တရာယ်နဲ့ ရင်ဆိုင်ခဲ့လို့မှ မပြီးသေးဘူး အခု ကြောက်စရာကောင်းတဲ့ ငလျှင်ကြီးက ထပ်ဆင့်လာတာဟာ လူတွေရဲ့ ကံကြမ္မာကိုက နိမ့်လွန်းလို့လား၊ ကမ္ဘာကြီးဘဲ ပျက်စီးချိန် နီးလာလို့ ဘဲလား ဆိုတာ မပြောတတ်တော့ပါဘူးဗျာ။ ကမ္ဘာကြီးရဲ့ တစ်နေ့ထက်တစ်နေ့ ဆိုးဝါးလာတဲ့ ရာသီဥတု ဖောက်ပြန်မှုဟာ ဒီအတိုင်းဆို အတော်ကြီးကို သတိပြုရမယ့် အနေအထားကို ရောက်နေပါပြီ။
ဒီငလျှင်ကြီးကို လှုပ်မယ့် နေရာဒေသ အနီးစပ်ဆုံးရော၊ လှုပ်မယ့် လ,ပိုင်းရော တိတိကျကျ ခန့်မှန်းနိုင်ခဲ့သူကတော့ “ဆရာကြီး ကာလာစန်” ဖြစ်ပါတယ်။ ဆရာကြီးကာလာစန်ဟာ ကျွန်တော့်ရဲ့ဗေဒင်ပညာသင်ဘ၀ ဖြတ်သန်းလာရတဲ့ ခရီးတစ်လျှောက်၊ တွေ့ဘူးသမျှ နက္ခတ်ဗေဒင်ပညာရှင်များမှာတော့ “ပညာအရာမှာလည်း အတော်ဆုံး၊ စိတ်သဘောထားအရာမှာလည်း အပြည့်ဝဆုံး” ဆရာကြီးတစ်ယောက်ပါ။
January 17, 2010
Tags: myanmar astro, ဟေတီ ငလျှင် နှင့် ဆရာကြီး ကာလာစန် Posted in: ဗေဒင်ဆောင်းပါး 8 Comments
# ဘ၀အတွက် အကောင်းဆုံးယတြာ . . အပိုင်း (၃)
ပြီးခဲ့တဲ့ ဆောင်းပါးအပိုင်း(၂)ကို စိတ်ပါလက်ပါ ၀င်ရောက်အားပေး ဖတ်ရှုကြပြီး အူလှိုက်သဲလှိုက် အားပေးသွားကြတဲ့ စာဖတ်သူများကို ကျေးဇူး အထူးတင်ပါတယ်။ ကိုယ့်စေတနာ ထိရောက်မှုအတွက် အလွန်ဝမ်းသာပီတိ ဖြစ်ရပါတယ်။ သဘောမတူသူများ ရှိနိုင်ပေမယ့် ဒီလောက်လူဦးရေမျှ သဘောတူ လက်ခံတယ်ဆိုရင်ဘဲ ၀မ်းမြောက်လှပါပြီ။ စိတ်ကူးတဲ့ရာ လျှောက်ရေးတာ မဟုတ်ဘဲ ကိုယ်တိုင်ခံစားခဲ့ရတဲ့ အတွေ့အကြုံနဲ့ရင်းပြီး ရေးထားခြင်းဖြစ်တယ် ဆိုတာကိုတော့ အားလုံးကို နားလည်စေချင် ပါတယ်။ အများအတွက်အကျိုးမရှိတဲ့ စာသားများကို ရေးပြီး အချိန်မဖြုန်းလိုပါ။ တကယ် အကျိုးရှိတာ ဧကန်မုချမို့ တကယ် ယုံကြည်အောင် ကိုယ်စွမ်း ဉာဏ်စွမ်းရှိသလောက် အားထုတ်ပြီး ရေးပြခြင်း ဖြစ်ပါတယ်။ စာဖတ်သူ အတော်များများက လက်မခံဘူး ဆိုရင်တော့ အကြောင်းအရာက မမှန်လို့ မဟုတ်ဘဲ မိမိရဲ့ တင်ပြပုံ ညံ့ဖျင်းမှု ကြောင့်သာလျှင် ဖြစ်ပါလိမ့်မယ် ခင်ဗျား။
.
အပိုင်း (၃)
အောက်က စာသားလေးတွေကတော့ – လောကကြီးမှာ ဆန္ဒပြင်းပြတိုင်း/ရည်မှန်းချက်ထားတိုင်း/လိုချင်စိတ် ရှိတိုင်းလည်း မရတတ်ပုံနဲ့ မလိုချင်တာမှ ဖြစ်တတ်ပုံ လေးတွေပါ။ ကိုယ့်ရဲ့ အတွေ့အကြုံတွေထဲမှာလည်း ရှိတတ်ကြ ပါတယ်။ ကိုယ့်ပတ်ဝန်းကျင်မှာလည်း ရှိတတ်ပါတယ်။ ဖတ်ကြည့်ကြရအောင်လားဗျာ။
January 16, 2010
Tags: Best Life Style, ဘ၀အတွက်အကောင်းဆုံးယတြာ . . အပိုင်း (၃) Posted in: ဘ၀ ဒဿန 40 Comments
# ဘ၀အတွက် အကောင်းဆုံးယတြာ . . အပိုင်း (၂)
ဘ၀အတွက် အကောင်းဆုံး ယတြာ အပိုင်း (၁)ကို ဖတ်ပြီး “ဘာလဲဟ၊ ဘာလဲဟ” ဆိုပြီး ဆန့်တငင်ငင် ဖြစ်နေကြတဲ့ စာဖတ် ပရိတ်သတ် များကို ရှေးဦးစွာ တောင်းပန်လိုပါတယ်။ တမင်သက်သက် အချိန်ဆွဲထားတာတော့ မဟုတ်ပါ။ ကိုယ့်အနေနဲ့ ဒီယတြာကို လက်တွေ့ ကျင့်သုံးနေပြီး လက်တွေ့ အကျိုးထူးများခံစားနေရပေမယ့် ဒီလို သိပ်ကောင်း ပါတယ်ဆိုတာ အခြားသူ တွေ လက်ခံလာအောင် (စာနဲ့) ရှင်းပြရတဲ့နေရာမှာ အခက်အခဲ ရှိပါတယ်။
အခြား အဆောင်လက်ဖွဲ့ တွေလို “ရော့- အင့်” ဆိုပြီး လက်ထဲ ထည့်ပေးလို့ရတာမျိုးကလည်း မဟုတ်ပြန်။ “ထိုက်တဲ့လူ ယူကြကွာ” ဆိုပြီး “ဘ၀အတွက် အကောင်းဆုံး ယတြာဆိုတာ ဒါဘဲကွ” ဆိုပြီး ဆရာကြီး အပြောမျိုးနဲ့ ပြီးစလွယ် ပေးလိုက်ရင်ကော မဖြစ်ဘူးလားဆိုရင် ဖြစ်တော့ ဖြစ်ပါတယ်။ ဒါပေမယ့် ကျွန်တော့်ရဲ့ စေတနာက လူအများစု တကယ်လက်ခံ ကျင့်သုံးချင်လာအောင် စည်းရုံးလှုံ့ဆော်ပေးချင်တဲ့ ဆန္ဒကြောင့် လူတိုင်း လက်ခံချင်လာမယ့် စကားအသုံးအနှုံး ၊ ဥပမာ- ဥပမေယျ တွေကို ရွေးချယ်နေရတာမို့ နဲနဲ အချိန်ယူနေရပါတယ်။ မိမိရဲ့ ဆိုလိုရင်းကို စာဖတ်သူ ရှင်းလင်းပြတ်သားစွာ နားလည်သွားစေမယ့် တင်ပြပုံ (Presentation) မျိုးဖြစ်အောင် အားထုတ် နေရပါတယ်။
တကယ်တော့ “ယတြာ”လို့သာ တင်စားပြောလိုက်ပေမယ့် အများနားလည်နေကြတဲ့ “ယတြာ” မျိုး လုံးဝ မဟုတ်ပါဘူး။ လူတွေဟာ အဆိုးကြုံလာရင် “ယတြာ” ချေဖို့သာ စဉ်းစားနေကြတာမို့ ယတြာနေရာမှာ အစားထိုးလို့ရမယ့် စကား အနေနဲ့ သုံးနှုံးတင်စား လိုက်တာပါ။ အမှန်တကယ်ကတော့ ယတြာမဟုတ်ပါဘူး။ “ဘ၀နေနည်း” တစ်မျိုးပါ။ “ဘို” လို ပြောရရင်တော့ “Life Style” တစ်မျိုးပေါ့။ ဒါပေမယ့် ကမ္ဘာပေါ်မှာရှိတဲ့ ဘယ် “Life Style” နဲ့မှမတူတဲ့ “Life Style” ပါ။
ဒီ “Life Style” နဲ့သာ ကျင့်သုံးနေထိုင်သွားမယ်ဆိုရင် ဘ၀ဟာ ယတြာချေဖို့ မလိုလောက်အောင် ချောမွေ့သာယာလာမှာမို့ “ဘ၀အတွက် အကောင်းဆုံးယတြာ” လို့ တင်စားလိုက်တာပါ။
January 13, 2010
Tags: Best Life Style, ဘ၀အတွက် အကောင်းဆုံးယတြာ Posted in: ဘ၀ ဒဿန 50 Comments
# (၇)ရက်သားသမီးများအတွက် ဇန်န၀ါရီလဟောကိန်းများ
.
ယခုလ ဇန်န၀ါရီလဟာ ၂၀၁၀ ခုနှစ်ရဲ့ ပထမဆုံးလ လည်းဖြစ်ပါတယ် ။ ဒီလထဲမှာ ထူးခြားတာက (၇)ရက်သားသမီးများအနက် “ဗုဒ္ဓဟူး နဲ့ ရာဟု သားသမီး” များသာ လွတ်လွတ်ကျွတ်ကျွတ် ကောင်းမွန်ပြီး ကျန်နေ့ သားမီးများမှာ အကောင်း နဲ့ အဆိုး ဒွန်တွဲ နေကြမယ့် လ, ဖြစ်ပါတယ်။ ဒါပေမယ့် ကောင်းအား/ဆိုးအား ပြင်းထန်မှုတော့ သိပ်မရှိ လှပါဘူး။ သက္ခတ်အညံ့ထဲမှာ ရှိမနေသူများ သာမန်အညံ့ လောက်ပါဘဲ။ သက္ခတ် ကောင်းမှာ ရောက်နေရင်တော့ အညံ့တောင်မှ သိပ်ပြီး မရှိ နိုင်ပါဘူး။
ပြီးခဲ့တဲ့ (၂၀၀၉) ဒီဇင်ဘာလတုန်းက (၇)ရက်သားသမီးများအတွက် ကောင်းအား/ဆိုးအား ပြင်းထန်လိမ့်မယ်လို့ ရေးခဲ့တဲ့အတိုင်း ဒီဇင်ဘာ လထဲမှာ ကမ္ဘာအ၀ှမ်း ကပွဲရုံမီးလောင်မှု၊ ရထားဗုံးကွဲမှု၊ အသေခံ ဗုံးခွဲမှု များကြောင့် အစုလိုက် အပြုံလိုက် သေကြေ ပျက်စီးမှုတွေ ဖြစ်ခဲ့တာကို သတိထားမိကြမယ် ထင်ပါတယ်။
.
နောက်ပြီး ဒီဇင်ဘာလဟောကိန်းထဲမှာ အကောင်းဆုံးနေ့သားသမီးအဖြစ် အင်္ဂါသားသမီး ကို သတ်မှတ်ပေးထားပါတယ်။ ပေးထားတဲ့အတိုင်း “သက္ခတ်” ကောင်းထဲမှာ ရောက်နေကြတဲ့ အင်္ဂါသားသမီး အတော်များများ ကံကောင်းကြတာကို တွေ့ခဲ့ရ ပါတယ်။ အထူးခြားဆုံးကတော့ “သောကြာ” သက္ခတ်ထဲမှာရောက်နေတဲ့ အင်္ဂါသားဖြစ်တဲ့ “ဆရာကြီး ဒေါက်တာဒဂုန်” ဟာ ဒီဇင်ဘာလ ထဲမှာဘဲ နိုင်ငံတော်က ချီးမြှင့်ခဲ့တဲ့ “အမျိုးသားစာပေဆုကြီး” ကို ဆွတ်ခူးနိုင်ခဲ့ပါတယ်။ စာရေးဆရာ သက်တမ်း အနှစ်(၄၀) ကျော်အတွင်း မှာ ပထမဆုံးအကြိမ်ဆွတ်ခူးနိုင်တာဖြစ်လို့ ထူးခြားလှပါတယ်။ ဒါကြောင့် ယေဘူယျတော့ ယေဘူယျပါဘဲ။ ဒါပေမယ့် လူအများစုနဲ့ သက်ဆိုင်နေတာကို တွေ့ရပါလိမ့်မယ်။
.
ယခုလ(ဇန်န၀ါရီလ) ၇ရက်သားသမီး ကံဇာတာ အကျဉ်းချုပ်
= ကြာသပတေးသားသမီး (အလွန်ညံ့)
= စနေ သားသမီး (အကောင်း/အညံ့ ဒွန်တွဲနေ၊ အညံ့များ)
= တနင်္ဂနွေ၊ တနင်္လာ၊ အင်္ဂါ၊ သောကြာ သားသမီး (ကောင်း/ဆိုး သင့်ရုံ)
= ဗုဒ္ဓဟူး ၊ ရာဟု သားသမီး (အလွန်ကောင်း) ဆိုပြီးတော့ တွေ့ရပါတယ်။
ကျန် အသေးစိတ်ကိုတော့ အပေါ်ဖက် “လစဉ်ဟောကိန်းများ” ထဲက ဇန်န၀ါရီလ(၂၀၁၀) ထဲမှာ ၀င်ဖတ်ပါ။ ဒါမှမဟုတ် ဒီနေရာကို Click လုပ်လိုက်ပါ။
January 10, 2010
Tags: (၇)ရက်သားသမီးများအတွက် ဇန်န၀ါရီလဟောကိန်းများ, myanmar astro, မြန်မာ့ရိုးရာဗေဒင် Posted in: အင်္ဂ၀ိဇ္ဖာ/မဟာကာလ 4 Comments
# ဂုဏ်ယူပါသည် . . ဆရာကြီး ဒေါက်တာဒဂုန် သို့
.
.
မိမိဘ၀တွင် ဗေဒင်ပညာကို သင်ယူရာ၌ “သင်ဆရာ၊ မြင်ဆရာ၊ ကြားဆရာ” ဟူ၍ ရှိသည့်အနက် “သင်ဆရာ” မဟုတ်သော်ငြား လည်း “မြင်ဆရာ” များထဲတွင် မိမိအပေါ်၌ ကျေးဇူးအကြီးမားဆုံးဖြစ်သော “ဆရာကြီး ဒေါက်တာဒဂုန်” သည် 2009 ခုနှစ် ဒီဇင်ဘာလတွင် “ရာဇ၀င်ထဲမှာပုဏ္ဏား” စာအုပ်ဖြင့် အမျိုးသားစာပေဆု (သုတပဒေသာ-၀ိဇ္ဇာ) ကို ဆွတ်ခူးနိုင်ခဲ့ခြင်းအတွက် ဆရာ၊ ဆရာ့မိသားစုများ နှင့် အတူ ထပ်တူထပ်မျှ ၀မ်းမြောက်ဂုဏ်ယူမိပါကြောင်း။
ရှေ့ဆက်၍လည်း ကျန်းမာသက်ရှည်စွာဖြင့် စာကောင်းပေမွန်များ ဆက်လက်ရေးသားနိုင်ပြီး စာပေဆုများ အကြိမ်ကြိမ်ရရှိ နိုင်ပါစေဟု ဆုမွန်များစွာဖြင့် တောင်းဆုပြုလိုက်ပါသည်ခင်ဗျား။
.
ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)
.
= ဆရာကြီး ဒေါက်တာဒဂုန်၏ ကိုယ်ရေး ရာဇ၀င်အကျဉ်းကို အောက်တွင် ဆက်လက်ဖတ်ရှု နိုင်ပါသည်။
January 6, 2010
Tags: ဆရာကြီး ဒေါက်တာဒဂုန်, အမှာ သတင်းစကား Posted in: အမှာ သတင်းစကား One Comment
# ဘ၀အတွက် အကောင်းဆုံးယတြာ . . အပိုင်း (၁)
စာရေးသူရဲ့ ဗေဒင်လေ့လာမှု သက်တမ်းအနှစ် (၃၀)အတွင်းမှာ စိတ်ဝင်စားမှု အနည်းဆုံး ဘာသာရပ်ကတော့ “ယတြာ” ပညာဘဲ ဖြစ်ပါတယ်။ ဗေဒင်ပညာကို “မ.ထ.သ” “လိုင်းပေါင်းစုံ” လို့ ခေါ်ရ လောက်အောင် အကုန်လျှောက်ပြီး လေ့လာခဲ့ပါတယ်။ လက္ခဏာ၊ သင်္ချာဗေဒ၊ အရှေ့တိုင်းလက်ရိုးနက္ခတ်၊ အနောက်တိုင်းနက္ခတ်၊ K.P ဟူးရား၊ မဟာဘုတ်၊ သုံးတန်ပေါ်နိစ်၊ ဆန်း၊ အင်္ဂ၀ိဇ္ဇာ၊ အယူတော်မင်္ဂလာ၊ အာယုစန်း၊ သရောဒယ၊ တားရော့ . . . ရှိရှိသမျှ အားလုံးကို လေ့လာခဲ့ပါတယ်။ ကြွားပြောတာမျိုး မဟုတ်ပါဘူး။ လိုင်းပေါင်းစုံတဲ့ အကြောင်းကို ပြောပြတာပါ။ ဒီလို လိုင်းပေါင်းစုံတာလည်း တကယ်တော့ မကောင်းပါဘူး။ ဒါပေမယ့် ကိုယ်ကဘယ်ပညာဘဲ ဖြစ်ဖြစ် တီးမိခေါက်မိ ရှိချင်လို့ပါ။ အကုန်လုံးတော့လည်း မကျွမ်းကျင် ပါဘူး။
ဒါပေမယ့် “ယတြာ” ပညာကိုတော့ ၀ါသနာသိပ်မပါခဲ့သလို ၊ သိပ်ပြီး မလိုက်စားဖြစ်ခဲ့ပါဘူး။ မှန်တဲ့အတိုင်းပြောရရင် ဗေဒင်ပညာကိုသာ လိုက်စားနေပေမယ့် ယတြာပညာကိုတော့ သိပ်ပြီး အယုံအကြည် မရှိခဲ့ ပါဘူး။
စာရေးသူဟာ “ကမ္မနိယာမ” ကို အလွန်ယုံကြည်သူဖြစ်လို့ ကံတရားအတိုင်း “ကိုယ်စိုက်ပျိုးသမျှ ကိုယ်ပြန်ရိတ်သိမ်း” ရမယ့် နိယာမကို ကောင်းစွာလက်ခံ ယုံကြည်ပါတယ်။ အခုအချိန်ထိအောင် စိတ်ဓာတ်က“ခပ်ရွတ်ရွတ် ခပ်ပေပေ” ဖြစ်တော့ “ကိုယ်လုပ်ခဲ့တာ ကိုယ်ပြန်ခံလိုက်ပေါ့” ဆိုတဲ့ သဘောထားမျိုး ထားခဲ့ပါတယ်။ “လုပ်ရဲရင် ခံရဲရမယ်” ဆိုတဲ့ သတ္တိမျိုး ငယ်ငယ်ကတည်းက ရှိသူဖြစ်လေတော့ ယတြာနဲ့ ကြောက်အားလန့်အား ကာကွယ်နေတာမျိုးကို ကိုယ်တိုင် မလုပ်ချင်သလို သူများကိုလည်း လုပ်မပေးခဲ့ပါဘူး။ သူများကိုသာ ဗေဒင်ဟောပေးပေမယ့် ကိုယ့်ဟာကိုယ် ဗေဒင်တွက်မကြည့်ဘဲ လုပ်ချင်ရာ စွတ်လုပ်လို့ အမှားတွေ့ခဲ့ပေါင်းလည်း များခဲ့ပါပြီ။ ဒီတော့ ၀ါသနာအရသာ “ယတြာပညာပိုင်းစာအုပ်တွေ” မျိုးစုံအောင် စုဆောင်းထားပေမယ့် သေသေချာချာ မလေ့လာဖြစ်ခဲ့ပါဘူး။
January 1, 2010
Tags: Best Life Style, ဘ၀အတွက် အကောင်းဆုံးယတြာ Posted in: နက္ခတ်ဗေဒင်, ဘ၀ ဒဿန 20 Comments
