.

ယခုလ (စက်တင်ဘာလ) ဟာလည်း ယခင်လ (သြဂုတ်လ) လို (၇)ရက်သားသမီးများအတွက် ကောင်းအား/ဆိုးအား ပြင်းထန်နိုင်တဲ့ လ, တစ်လ ဆက်ဖြစ်နေဖွယ်ရာ ရှိပါတယ်။ ပြီးခဲ့တဲ့လက သသာဝဘေးဥပဒ် အတော်များများ ကြုံတွေ့ဖွယ်ရှိတာကို တွေ့ရပေမယ့် ဘယ်နိုင်ငံဖြစ်မယ်ဆိုတာကို မခန့်မှန်းနိုင်ခဲ့ပါဘူး။  ကံကောင်းထောက်မစွာ မြန်မာနိုင်ငံ လွတ်သွားတာကို တွေ့ရပါတယ်။ ဒီလမှာလည်း သဘာဝဘေးဥပဒ်တွေ ဆက်ပြီး လာနိုင် ပါသေးတယ်။  ဘယ်နိုင်ငံလည်းတော့ မသိသေးပါ။

ယခု လ, မှာ (၇)ရက် သားသမီးများအနက် – စနေ ၊ ဗုဒ္ဓဟူး (ရာဟု) ၊ ကြာသပတေး သားသမီးများ ကံဇာတာ အထူးညံ့ဖွယ် ရှိပြီး  တနင်္ဂနွေ  ၊ တနင်္လာ၊ အင်္ဂါ နှင့် သောကြာ သားသမီးများ ကံဇာတာ တိုးတက်ကောင်းမွန်ဖွယ် ရှိပါတယ်။ တနင်္လာ သားသမီး အချို့မှာ ထိခိုက်ရှနာမှု ၊ Accident ၊ အသေးစား ခွဲစိတ် ကုသခံရမှုများ ရှိနိုင်ပါတယ်။

ကဲ- ထုံးစံအတိုင်း အသေးစိတ် အဟောလေးတွေ ဖတ်ကြည့်ကြရအောင်လား ။

.

တနင်္ဂနွေ သားသမီးများ

တနင်္ဂနွေ သားသမီးများအတွက် ယခုလဟာ အကောင်းဘက်ကို ရောက်လာပြီ ဖြစ်ပါတယ်။ အလုပ်အကိုင် စီးပွားရေး အခွင့်အလမ်းများ တိုးတက်ခြင်း ၊ ရာထူး နေရာထိုင်ခင်းများ တိုးတက်ပြောင်းလဲခြင်းများ ကြုံရဖွယ် ရှိပါတယ်။ တနင်္ဂနွေ သားသမီးများဟာ ဒီလမှာတော့ အေးငြိမ်းသက်သာစွာ နေရဖို့တော့ မရှိပါဘူး။ အလုပ် အလွန်များမယ်။ တာဝန်တွေ ဖိစီးမယ် ။  လူပင်ပန်းမယ် / စိတ်နွမ်းနယ်မယ်။ အထက်လူကြီးတွေရဲ့ အမိန့်ကို မလွန်ဆန်နိုင်ဘဲ မနိုင်တဲ့ ၀န်တွေ ထမ်းနေရမယ်။

လူကြီးတွေရဲ့ ချီးမွမ်းမှုရော/ ဆဲဆိုမှုကိုပါ ပူးတွဲပြီး ခံရလိမ့်မယ်။ ဒါပေမယ့် ဒီလဟာ အပင်ပန်း ခံရကြိုး နပ်မယ့် လ, ဖြစ်ပါတယ်။ ဒီလမှာ ကိုယ်ရဲ့ ကြိုးစားအားထုတ်မှုတွေရဲ့ အသီးအပွင့်တွေကို ရှေ့လာမယ့် ကာလများမှာ ခံစား/စံစား ရတော့မှာ ဖြစ်ပါတယ်။ အချို့ တနင်္ဂနွေ သားသမီးများမှာ ယခုလ ထဲမှာပင် အကျိုးရလဒ်ကို ပြန်လည် ရရှိနိုင်မှာ ဖြစ်ပါတယ်။ ငွေရေးကြေးရေးကံလည်း အတော်လေး ကောင်းနေမယ်။ အစိုးရ၀န်ထမ်း၊ ကုမ္ပဏီ ၀န်ထမ်းဖြစ်ရင် လစာ တိုးတက်နိုင်တယ်။ သို့မဟုတ် ဘောက်ဆူးငွေ ဖြစ်ဖြစ် / အခြား အကျိုးအမြတ်တစ်ခုဖြစ်ဖြစ် ရရှိနိုင်တယ်။

အိမ်ထောင်ရှိသူများ အိမ်တွင်းရေး အနည်းငယ် မပြေမလည် ဖြစ်ကိန်း ရှိပေမယ့် ဆိုးဆိုးဝါးဝါးတော့ မဟုတ်ပါ။ ဗုဒ္ဓဟူး  နဲ့ စနေ သက္ခတ်အတွင်းမှာ ရောက်နေတဲ့ တနင်္ဂနွေ သားသမီးများ ကျန်းမာရေး ညံ့ဖျင်းစရာ ရှိပါတယ်။ ကျန်တာတော့ သိပ်မဆိုးလှပါဘူး။ ငယ်ရွယ်သူများ အချစ်ရေး ကိစ္စ အဆင်ပြေမယ်။ ပညာသင်ကြားနေကြ သူများ ပညာရေး ကံကောင်းဖို့ ရှိပေမယ့် စာမေးပွဲ ဖြေဆိုရာမှ “လျှမ်း” တတ်တာကိုတော့ သတိထားပါ။

ယတြာပြုလုပ်လိုသူများအတွက် -  မွေးနေ့ တနင်္ဂနွေနေ့မှာ တနင်္ဂနွေ နံဘုရားမှာ ဖြစ်စေ၊ မိမိနေအိမ်ဘုရားမှာ ဖြစ်စေ “ဟော်လန်-သစ္စာပန်း” အနီရောင် နှင့် ပန်းရောင် နှစ်မျိုးစပ်ပြီး ကပ်လှူပေးပါ။

.

တနင်္လာသားသမီးများ

တနင်္လာသားသမီးများအတွက် ယခုလဟာ ကံဇာတာ တိုးတက်ကောင်းမွန်မယ့် လ, တစ်လဖြစ်ပါတယ်။ အထူးသဖြင့် အစိုးရ ၀န်ထမ်းများ၊ အစိုးရ နှင့် ဆက်သွယ်နေသော စီးပွားရေးလုပ်ငန်းများ လုပ်ကိုင်သူများ အထူးအခွင့်အရေး ရှိနိုင်ပါတယ်။ နာမည်နဲ့ လုပ်စားသူများ နာမည်ကျော်ကြားမယ်။ ဒီလမှာ ဘွဲ့တံဆိပ်များ၊ ဂုဏ်ထူးဆောင် ဆုတံဆိပ်များ ၊ ပညာသင်ဆုများ စတဲ့ အထူးအခွင့်ရေး ဆိုင်ရာ ကိစ္စများ ခံစားခွင့် ရှိနိုင်ပါတယ်။

ပြည်ဝင်ခွင့် ဗီဇာ ၊ ကျောင်းသား ဗီဇာ ၊ အလုပ် ဗီဇာ ကိစ္စများ ၊ အလုပ်နှင့် နေထိုင်ခွင့် (PR) လျှောက်ထားခြင်း ကိစ္စများမှာ မမျှော်လင့်ဘဲ ရုတ်တရက် အဆင်ပြေသွားခြင်းမျိုးများ ကြုံရနိုင်ပါတယ်။ နိုင်ငံရပ်ခြားကို အခုမှ စ,ပြီး ထွက်ဖို့ လုပ်နေသူများ ယခုလ ထဲမှာ (အခက်မျိုးစုံကြုံပြီးမှ) ထွက်ရတတ်ပါတယ်။ ဒီလမှာ မကောင်းတာ တစ်ခုက နဂိုကတည်းက အိမ်ထောင်ရေး သိပ်အဆင်မပြေလှသူများ ယခုလမှာ အိမ်ထောင်ရေး ပြဿနာ ပိုကြီးလာတတ်ပါတယ်။  ငယ်ရွယ်သူ လူလွတ် များမှာပင် မိဘ အကြီးအကဲများ နှင့် အတိုက်အခံ ဖြစ်ရတတ်ပါတယ်။

အမျိုးသားများ ယခုလအတွင်း စက်ပစ္စည်း ၊ လျှပ်စစ်ပစ္စည်းများ အသစ်ဝင်ရောက်ဖို့ ရှိသလို အမျိုးသမီးများမှာလည်း “စိန်” “ကျောက်စိမ်း” စတဲ့ အင်္ဂါနံပါတဲ့ အဖိုးတန် လက်ဝတ်လက်စားများ ၀င်ရောက်ကိန်း ရှိပါတယ်။ ငွေရေးကြေးရေး ထူးထူး ခြားခြား ကံကောင်းနေပြီး အချို့ တနင်္လာ သားသမီးများမှာ ငွေစုငွေပုံ ၀င်ရောက်ကိန်း ရှိနေပါတယ်။ သတိပြုရမှာ တစ်ချက်က “တနင်္လာ ၊ ဗုဒ္ဓဟူး ၊ သောကြာ ၊ စနေ သက္ခတ်များအတွင်း ရောက်နေသူများမှာ” အသေးစား ထိခိုက်မှု ၊ Car Accident ၊ ခွဲစိတ် ကုသခံရမှုများ ရှိတတ်ပေမယ့် စိုးရိမ်ရလောက်အောင်တော့ မဟုတ်ပါဘူး။

ယတြာ ပြုလုပ်လိုသူများ အတွက် – ခရီးသွားမည့် ရဟန်း သံဃာတော်တစ်ပါး (သို့) သီလရှင် တစ်ပါးအား ခရီးစားရိတ် ကုန်ကျငွေ ကို လှူဒါန်းလိုက်ပါ။ သို့မဟုတ် အသက်အရွယ် ကြီးရင့်နေသည့် သံဃာတော် တစ်ပါးကို “ဖိနပ်” တစ်ရံ လှူဒါန်းလိုက်ပါ။ နှစ်မျိုးစလုံး ပြုလုပ်နိုင်လျှင် ပိုမိုကောင်းမွန်ပါသည်။

.

အင်္ဂါ သားသမီးများ

ယခင်လက အင်္ဂါသားသမီး အတော်များများ ကံဇာတာ ညံ့ဖျင်းခဲ့ကြပေမယ့် ယခုလမှာတော့ ကံဇာတာ ရုတ်တရက် တိုးတက်ကောင်းမွန်လာမှုကို ကြုံရဖွယ် ရှိပါတယ်။ အင်္ဂါသားသမီးများအတွက် ယခုလမှာ “စုတ်” ရော “လာဘ်” ပါ ပွင့်လန်းဖို့ ရှိပါတယ်။ ငယ်ရွယ်သူများရော ၊ အိမ်ထောင်ရှင်များပါ အချစ်ရေး ၊ အိမ်ထောင်ရေး အဆင်ပြေမှုကို ရရှိနိုင်တယ်။ ငယ်ရွယ်သူများမှာ စန်းအလွန်ပွင့်နေတာကြောင့် ကိုယ့်ကို  ချစ်ရေးဆိုခံရခြင်း ၊ ကိုယ် ချစ်ခွင့်ပန်ထားသူထံမှ ၀မ်းသာစရာ အဖြေစကား ကြားရခြင်းများ ကြုံတွေ့နိုင်တယ်။ ၀န်ထမ်းလုပ်ကိုင်နေသူများအတွက် အခွင့်အရေးကောင်းများ တိုးတက်ကြုံဆုံရကိန်း ရှိနိုင် ပါတယ်။

မမျှော်လင့်ဘဲ နာမည်ကျော်ကြားရမယ့် ကိန်းမျိုး လည်း ရှိနေတာကြောင့် အနုပညာရှင်များ ၊ နာမည်နှင့် လုပ်စား ရသူများ ယခုလမှာ အထူးကံကောင်းဖွယ် ရှိပါတယ်။ အလုပ်သစ် အကိုင်သစ်များ အစ,ပျိုးဖို့ ကြံရွယ်နေသူများ ယခုလ ဟာ လုပ်ငန်းစ,တင်ဖို့ ကောင်းမွန်တဲ့ အချိန်ဖြစ်တယ်။ အလုပ်ရှာနေသူများ ယခုလအတွင်း အလုပ်ခန့်ထားမှုမျိုး ကြုံဆုံနိုင်ပါတယ်။ အိုးအိမ် အဆောက်အဦး နဲ့ ပတ်သက်တဲ့ ကိစ္စများမှာ ကံကောင်းမှု ကြုံရမယ်။ သက္ခတ်ကောင်းများ မှာ ရောက်ရှိနေသူများ အိုးအိမ် ၊ အဆောက်အဦး ၀င်ကိန်း ရှိတယ်။ အိုးအိမ်ဆောက်လုပ်ရေး လုပ်ငန်းများ ၊ အိုးအိမ် ရောင်း/၀ယ်/ငှား လုပ်ငန်း လုပ်ကိုင် နေသူများ အထူးအကျိုးများနိုင်တဲ့ လ, ဖြစ်တယ်။

ယခုလအတွင်း ကြာသပတေးသက္ခတ် (ဘုမ္မိသက္ခတ်) အတွင်း ရောက်နေသူများ ကျန်းမာရေး ကိစ္စသော်၎င်း ၊ ဘေးဥပဒ် အန္တရာယ် တစ်ခုခုသော်၎င်း ကျရောက်ဖွယ် ရှိနေပါတယ်။ (သို့မဟုတ်) ကိုယ့်ရဲ့ အကြီးအကဲ မိဘ တစ်ဦးဦး အလုပ်ရာထူး ထိခိုက်ခြင်းသော်၎င်း ၊ ကျန်းမာရေး ထိခိုက် ခြင်းသော်၎င်း ကြုံရဖွယ် ရှိပါတယ်။ စနေ နဲ့ ဗုဒ္ဓဟူး သက္ခတ်များအတွင်း ရောက်နေသူများလည်း ကျန်းမာရေး အညံ့ရှိပါတယ်။ အခြား သက္ခတ်များအတွင်း ရောက်နေသူများ အညံ့တစုံတရာ မရှိပါ။

ယတြာပြုလုပ် လိုသူများအတွက် – အင်္ဂါနေ့ ည အိပ်ယာမ၀င်မှီတွင် “ပေါင်မုန့်” တစ်လုံးထဲတွင် မိမိ ဆံပင် အနည်းငယ် ညှပ်ထည့်ပြီး မိမိလက်ဝဲဖက် တွင် ထားပြီး အိပ်လိုက်ပါ။ နောက်နေ့ နံနက်စောစောတွင် ထိုပေါင်မုန့်ကို စက္ကူအိပ်တစ်လုံးတွင် ထည့်ပြီး မိမိနေအိမ်၏ အနောက်အရပ်တဲ့တဲ့သို့ သွားရောက် လွှင့်ပစ်လိုက်ပါ။

.

ဗုဒ္ဓဟူး သားသမီးများ

ဗုဒ္ဓဟူး သားသမီးများအတွက် ယခုလဟာ ကံဇာတာ အလွန် နိမ့်ပါးဖွယ် ဖြစ်မယ့် လ, တစ်လ ဖြစ်ပါတယ်။ ဗုဒ္ဓဟူး သက္ခတ် နဲ့ စနေ သက္ခတ်များအတွင်း ရောက်ရှိနေသူများ ယခုလမှာ အလွန် ညံ့ပါတယ်။ မကျန်းမာခြင်း ၊ ဆေးရုံဆေးခန်း ရောက်ရခြင်း ၊ အမှုအခင်း ဖြစ်ပွားခြင်း ၊ ခိုက်ရန် ဖြစ်ပွားခြင်း ၊  စီးပွားရေး အလုပ်အကိုင်များ ရပ်တံ့ ဆုံးရှုံးခြင်းများ ကြုံရဖွယ် ရှိပါတယ်။ ဒီလဟာ ဗုဒ္ဓဟူး သားသမီးများအတွက် ဘုရားတရားကိုသာ နာနာ ဖိလုပ်ရမယ့် ကာလ ဖြစ်ပါတယ်။ ကိုယ်တိုင် ချေလို့ ရတဲ့ ယတြာများကိုလည်း မကြာခဏ ချေပေးသင့်ပါတယ်။

မတော်တဆ ထိခိုက် ဒဏ်ရာ ရခြင်း ၊ ခွဲစိတ် ကုသခံရခြင်း ၊ ကျန်းမာရေး အလွန်အမင်း ချို့ယွင်းခြင်းများ ကြုံရဖွယ် ရှိပါတယ်။ နဂိုက ရောဂါဟောင်း အခံရှိသူများ ရောဂါဟောင်းများ ပြန်ပေါ်တတ်ပါတယ်။ သွေးတိုး လေဖြတ် ၊ ဦးနှောက် အာရုံကြော ၊ အဆုတ် ၊ လည်ချောင်း နဲ့ ပက်သတ်ပြီး ရောဂါ ဖြစ်ဘူးသူများ ပိုမို သတိထားရပါမယ်။ မိသားစု ရှိသူများ ကိုယ့်ရဲ့ သားသမီးများရဲ့ ကျန်းမာရေး အတွက်ဖြစ်ဖြစ်၊ အခြားကိစ္စတစ်ခုအတွက် ဖြစ်ဖြစ် အလွန်ပူပန် ကြောင့်ကြစရာ ကိစ္စ ပေါ်ပေါက်တတ်ပါတယ်။

ပြောရရင်တော့ ဒီလထဲမှာ ဗုဒ္ဓဟူး သားသမီးများအတွက် ကောင်းကွက်ရယ်လို့ကို ပြောစရာ မရှိတဲ့  လ, တစ်လ ဖြစ်သွားနိုင်ပါတယ်။ ဥပဒေ မကင်းသော အလုပ်များကို လုပ်ကိုင်နေသူများ ၊ နိုင်ငံရပ်ခြားတွင် တရားမ၀င် နေထိုင် အလုပ်လုပ်နေသူများ ရုတ်တရက် အဖမ်းအဆီးခံရတတ်ပြီး ထောင်အချုပ် ကျကိန်း ရှိတတ်ပါတယ်။ အသွားအလာ ၊ အနေအထိုင် ဆင်ခြင်ရပါမယ်။

ယတြာပြုလုပ်လိုသူများအတွက် – မြန်မာနိုင်ငံတွင် နေထိုင်သူများ တန်ခိုးကြီးဘုရား တစ်ဆူ၏ ဂြိုဟ်ပြေနံပြေ ဘုရား(ရှစ်မျက်နှာဘုရား) တွင် – မွေးနံ ဗုဒ္ဓဟူးက စ,၍ (ဗုဒ္ဓဟူး-စနေ-ကြာသပတေး-ရာဟု-သောကြာ-တနင်္ဂနွေ-တနင်္လာ-အင်္ဂါ) အစီအစဉ် အတိုင်း = ဘုရား တစ်ဆူလျှင် ရေ(၉)ခွက် / ဂြိုဟ်တိုင် (၉)ခွက် /ဂြိုဟ်ရုပ်(၉)ခွက် စီ သပ္ပါယ်ပေးပါ။ မွေးနေ့ဗုဒ္ဓဟူးနေ့ (သို့မဟုတ်) စနေနေ့ နံနက် (၉)နာရီတွင် ပြုလုပ်ရပါမည်။ တစ်လလုံး အနည်းဆုံး (၂)ကြိမ် (၃)ကြိမ် ပြုလုပ်ပေးပါ။ နိုင်ငံရပ်ခြားများ၌ ရောက်နေသူများ မိမိနေအိမ်မှ ဘုရားကိုပင် ဗုဒ္ဓဟူးနေ့ / စနေနေ့များတွင် “ရေသက်စေ့” သပ္ပါယ် ပူဇော်ပေးပါ။

.

ကြာသပတေး သားသမီးများ

ကြာသပတေး သားသမီးများအတွက် ယခုလ, ကံဇာတာ အကောင်း/အဆိုး ချိန်ရင် အဆိုးဘက်က အားများနေတဲ့ လ, ဖြစ်ပါတယ်။ အထူးသဖြင့် “အင်္ဂါသက္ခတ်” အတွင်း ရောက်နေသူများ အထူးသတိထားရပါမယ်။ ကိုယ့်ရဲ့ နာမည် ဂုဏ်သတင်း ညှိုးနွမ်းကျဆင်းစရာ ကိစ္စတွေ ပေါ်ပေါက် တတ်ပါတယ်။ မိမိ အတိတ်က ပြုထားသော “လျှို့ဝှက်ကိစ္စများ” လူသိရှင်ကြား ဖြစ်ပွားတတ်ပါတယ်။ နာမည်ကြီး ပုဂ္ဂိုလ်များအတွက် အထူးသတိထားရမယ့် ကိစ္စ ဖြစ်ပါတယ်။ အချို့မှာ လိင်ကိစ္စ နဲ့ ပတ်သက်ပြီး အရှက်ကွဲခြင်း ၊ သိက္ခာကျခြင်းများ ကြုံတွေ့ဖွယ် ရှိနိုင်ပါတယ်။

အိမ်ထောင်ရှင် အမျိုးသမီးများ ယခုလမှာ မိမိလင်ယောင်္ကျားအတွက် ပူပင်သောကရောက်စရာ ကိစ္စတွေ ပေါ်ပေါက် တတ်ပါတယ်။ အိမ်ထောင်ဘက် အတွက် စိုးရိမ်ပူပန်ရမယ့် အနေအထားရှိပါတယ်။ နဂိုကတည်းက ခြေမငြိမ်တဲ့ ယောင်္ကျားများဆိုရင် ယခုလမှာ ခြေအထူးရှုတ်တတ်ပါတယ်။ သို့မဟုတ်ရင် သူရဲ့ အလုပ်အကိုင် အတွက်ဖြစ်စေ ၊ ကျန်းမာရေးအတွက်ဖြစ်စေ ပူပန်ရတတ်ပါတယ်။ ချစ်သူ ရှိသူများမှာလည်း အလားတူ အချစ်ရေး ပြဿနာများ ကြုံဆုံရဖွယ် ရှိပါတယ်။

အချို့ ကြာသပတေး သားသမီးများမှာ ငွေရေး ကြေးရေး အရှုတ်အထွေး ပေါ်ပေါက်တတ်ပါတယ်။ ငွေကြေးကိစ္စနဲ့ ပတ်သက်ပြီး အမှုအခင်း ဖြစ်ပွားရဖွယ် ရှိပါတယ်။ ပညာသင်ကြားနေသူ မောင်မယ်များအတွက်မူ ပညာရေးကံ ထိုက်သင့်သလောက် ကောင်းပါတယ်။ အညံ့သိပ်မရှိပါ။ ဘာသာရေးကို ယခင်ကတည်းက မှန်မှန် လုပ်နေသူများ၌လည်း အညံ့သိပ်မရှိတတ်ပါ။ ဒီလမှာ ကံမကောင်းမှုများမှ လွတ်ချင်လျှင် မိမိကိုးကွယ်ရာ ဘာသာတရားကိုသာ အထူး အာရုံစိုက် လုပ်ဆောင်နေသင့်ပါတယ်။

ယတြာ ပြုလုပ်လိုသူများအတွက် – အင်္ဂါနေ့ (သို့) သောကြာ နေ့တစ်နေ့တွင် သံဃာတော် (၃)ပါးဖြစ်စေ ၊ (၉)ပါးဖြစ်စေအား “ဆိတ်သား ဒံပေါက်” ဆွမ်း ကပ်လှူပူဇော်လိုက်ပါ။ ထို့နောက် မိမိအိမ်တွင်းရှိ စက်ပစ္စည်း အပျက်ဟူသမျှ ကို လွှင့်ပစ်လိုက်ပါ (သို့) ပစ္စည်းဟောင်း ၀ယ်သူတစ်ဦးအား (မရောင်းဘဲ) စွန့်ကြဲပေးကမ်းလိုက်ပါ။

.

သောကြာ သားသမီးများ

သောကြာသားသမီးများကတော့ ယခုလအတွက် (၇)ရက်သားသမီးများအနက်  ကံဇာတာ အကောင်းဆုံး အနေအထားမှာ ရှိပါတယ်။ ယခင်လ, ကထက် ပိုမို ကောင်းမွန်နိုင်ပါတယ်။ မိမိ ကြံစည်သမျှ ပြီးမြောက်ပြီး ပြောဆိုသမျှ အောင်မြင်နေပါလိမ့်မယ်။ မကောင်းတဲ့ သက္ခတ်တွေဖြစ်တဲ့ “အင်္ဂါ ၊ ဗုဒ္ဓဟူး ၊ စနေ” သက္ခတ်များအတွင်း ရောက်နေသူများပင် ယခုလမှာ အဆိုးတရားများ အတော်ပင် လွတ်ကင်းနေပါလိမ့်မယ်။ နာမည် နဲ့ လုပ်စား နေသူများ ၊ အနုပညာ ရှင်များအတွက်မူ  ယခုလဟာ “သားရွှေအိုး ထမ်း” လာတဲ့ ကိန်းမျိုး ဆိုက်ရောက်စရာ ရှိနေပါတယ်။ အလွန်အောင်မြင် ကျော်ကြားရမယ့် ကိန်း ရှိနေပါတယ်။

အိမ်ထောင်ရှင်များ၌ အိမ်ထောင်ရေး သာယာချမ်းမြေ့ခြင်း၊ ပျော်ရွှင်ဖွယ်ကောင်းသော အပန်းဖြေ ခရီးများ ထွက်ရခြင်း ၊ မိမိနေအိမ်အား လှပ ခမ်းနားအောင် ပြင်ဆင်နိုင်ခြင်း ၊ အိမ်ထောင် ပရိဘောဂ နှင့် ဇိမ်ခံပစ္စည်းများ ၀ယ်ယူနိုင်ခြင်း စသော ကံကြမ္မာကောင်းများ ခံစားရရှိနိုင်ပါတယ်။ နိုင်ငံရပ်ခြားများကို အလည်အပတ်ဖြစ်စေ၊ အလုပ်အကိုင် အတွက်ဖြစ်စေ ၊ ပညာသင်ကြားဖို့ဖြစ်စေ သွားရောက်ဖို့ ကြံရွယ်နေသူများ ယခုလတွင် အထမြောက်စရာ ရှိနေပါတယ်။ ခရီးဂြိုဟ် အလွန်ပင် ထွန်းတောက် နေချိန်ဖြစ်လို့ ခရီးသွားလုပ်ငန်းများ နှင့် ပတ်သက်ပြီး လုပ်ကိုင်နေသူများ ယခုလမှာ အထူးအကျိုးကျေးဇူး ရှိနိုင်ပါတယ်။ ခရီးတို ခရီးရှည်များ မကြာခဏ သွားလာရကိန်း ရှိပါတယ်။

အင်္ဂါ ၊ ဗုဒ္ဓဟူး ၊ စနေ သက္ခတ်များအတွင်း ရောက်နေပြီး ကျန်းမာရေး ၊ လူမှုရေး ၊ စီးပွားရေး ၊ အိမ်ထောင်ရေးများ ဖရိုဖရဲ ဖြစ်နေသော သူများ၌ပင် ယခုလမှာ – ကံဇာတာ တိုးတက်ကောင်းမွန်လာမှုကြောင့် – မကျန်းမာနေသောသူများ ဆရာကောင်း/ဆေးကောင်းနှင့်တွေ့ပြီး ရောဂါသက်သာပျောက်ကင်းခြင်း၊ စီးပွားရေး ကျဆင်းနေသူများ အလုပ်အကိုင် အခွင့်အလမ်းများ ပြန်လည်ပေါ်ပေါက်လာခြင်း ၊ အိမ်ထောင်ရေး ပြဿနာဖြစ်နေသူများ ယခုလ အိမ်တွင်းရေး ငြိမ်းချမ်းမှုကို အထိုက်အလျောက် ရရှိခြင်းများကို မျှော်လင့်နိုင်ပါတယ်။ ခြုံပြောရရင် သောကြာ သားသမီးအားလုံးအတွက် ဒီလဟာ ကံကောင်းခြင်း လက်ဆောင်မွန်ကို ရရှိခံစားရမယ့် လ, ဖြစ်နိုင်ကြောင်းပါ။

ယတြာ ပြုလုပ်လိုသူများအတွက် – ရပ်ကွက်ထဲက ကလေးများကို ဖြစ်စေ၊ မူလတန်းကျောင်းက ကလေးများကို ဖြစ်စေ  “ကြက်သားဆန်ပြုတ်” ကျွေးမွေးပြီး ဒါနပြုလိုက်ပါ။ သို့မဟုတ် “ဇီးသီး” အချိုရည် သံဗူး တစ်ဗူးစီ ဒါနပြုလိုက်ပါ။ ထိုသို့ ပြုလုပ်ရန် အခက်အခဲရှိလျှင် မိမိနေအိမ်ဘုရားတွင် “ဇီးသီး” အချိုရည်၊ “အုန်းသီး” အချိုရည် နှင့် “သီဟိုစေ့” (၃)မျိုးပေါင်းပြီး ကပ်လှူပူဇော်ပေးလိုက်ပါ။

.

စနေ သားသမီးများ

ယခုလအတွက် ကံဇာတာ အညံ့ဆုံး နေ့သား နှစ်ခုကတော့ “ဗုဒ္ဓဟူး” နဲ့ “စနေ” လို့ဘဲ ပြောရမှာပါ။ ဗုဒ္ဓဟူး(ရာဟု) က အညံ့ဆုံးဖြစ်ပြီး စနေက ဒုတိယ လိုက်ပါ လိမ့်မယ်။ ဒီလထဲမှာ စနေသားသမီးများအနက် “တနင်္ဂနွေ” သက္ခတ် ၊ “စနေ” သက္ခတ် နဲ့ “ဗုဒ္ဓဟူးသက္ခတ်” များအတွင်း ရောက်နေသူများ အဆိုးဆုံး ဖြစ်လိမ့်မယ်။

အထူးသဖြင့် တနင်္ဂနွေ သက္ခတ်များအတွင်း ရောက်နေသူများ အလုပ်အကိုင်နဲ့ ပတ်သက်ပြီး အထူးသတိထားပါ။  ၀န်ထမ်းများ အလုပ်ပြုတ်ခြင်း ၊ ရာထူးချ ခံရခြင်း ၊ စုံစမ်းစစ်ဆေး ခံရခြင်း များ ဖြစ်နိုင်ပြီး ကိုယ်ပိုင် စီးပွားရေး လုပ်သူများ လူလိမ်ခံရခြင်း ၊ အမှုအခင်းဖြစ်ပွားခြင်း ၊ မိမိလုပ်ငန်းများ ရပ်ဆိုင်းသွားခြင်းများ အထိ ဖြစ်နိုင်ပါတယ်။ ဆေးရုံ ၊ ထောင် ၊ အချုပ်များ ကျရောက်ဖွယ် ရှိပါတယ်။  (၄)ကြွင်း ၊ (၁)ကြွင်း ၊ (၀)ကြွင်း ဖွား ဖြစ်ရင် ဒီလို ဖြစ်ဖို့ အတော်များပါတယ်။

မတော်တဆထိခိုက်မှု ၊ သွေးထွက်သံယိုမှုများ ဖြစ်ပွားကိန်း ရှိလို့ ကိုယ်တိုင် ကားမောင်းသူများ ၊ အန္တရာယ်ရှိသော စက်ပစ္စည်းများကို ကိုင်တွယ်နေရသူများ အထူးသတိထားရပါမယ်။ နာတာရှည် ရောဂါများ ခံစားနေရသူများ ယခုလမှာ ရောဂါတိုးဖွယ် ရှိပြီး ခွဲစိတ်ကုသ ခံရကိန်းများ ရှိတတ်ပါတယ်။ ကျန်းမာသူ လူငယ်လူရွယ်များမှာပင် ရောဂါ အထူးအဆန်းများ ၊ ကုသရန် ခက်ခဲသော ရောဂါကြီးများ ၊ ဖြစ်ပွားတတ်ပါတယ်။

ဥပဒေ မကင်းသော အလုပ်များကို လုပ်ကိုင်နေသူများ ၊ နိုင်ငံရပ်ခြားတွင် တရားမ၀င် နေထိုင်သူများမှာ ယခုလမှာ အဖမ်းအဆီးခံရဖို့ ၊ ထောင်အချုပ်ကျဖို့ အလွန်အားများနေပါတယ်။ သွား သတိ ၊ လာ သတိ ၊ စား သတိ ရှိကြပါစေ။ စနေ သားသမီးများကို အထူးအကြံပေးချင်တာ ယခုလမှာ မိမိကိုးကွယ်ရာ ဘာသာတရားကို မမေ့လျော့ဘဲ အမြဲကိုးကွယ် ဆည်းကပ်နေကြဖို့ပါဘဲ။

ယတြာပြုလုပ် လိုသူများအတွက် – မိမိနေအိမ်ဘုရားမှာ “အုန်းသီး” နှင့် “ထန်းလျှက်” ကို အပါတ်စဉ် စနေ နှင့် တနင်္ဂနွေ (၂)ရက် ဆက်တိုက် ကပ်လှူပေးပါ။ မိမိ လုံးဝ မစားရပါ။ “ထန်းလျှက်” မရနိုင်သော အရပ်ဒေသများအတွက် “နွားနို့” တစ်ဖန်ခွက် ကပ်လှူပေးပါ။ ထို့နောက် မွေးနေ့ တစ်ရက်ရက်တွင် “ငှက် အရှင် သက်စေ့ နှင့် ငါးအရှင် သက်စေ့” လွှတ်ပေးပါ။

.

ရာဟု သားသမီးများ

ယခုလအတွက် ရာဟု သားသမီးများရဲ့ ကံကြမ္မာဟာ ဗုဒ္ဓဟူး သားသမီးများ နှင့် အတူတူပင် ဖြစ်ပါတယ်။ ကွဲပြားခြားနားမှု မရှိသလောက်ဖြစ်လို့ ဗုဒ္ဓဟူး သားသမီးအတွက် အဟောအတိုင်းလို့သာ မှတ်ယူရမှာ ဖြစ်ပါတယ်။ ဗုဒ္ဓဟူးသားသမီးများရဲ့ ကံကြမ္မာလိုဘဲ ရာဟုသားသမီးများ ယခုလ ကံဇာတာ အလွန် နိမ့်ပါးဖွယ် ရှိပါတယ်။ ကျန်းမာရေး ၊ စီးပွားရေး ၊ အလုပ်အကိုင် အားလုံး အညံ့ရှိပါတယ်။ ဗုဒ္ဓဟူးသားသမီးထက် ပိုညံ့နိုင်တာက “အိမ်ထောင်ရေး” ပိုညံ့နိုင်ပါတယ်။ “ကျန်းမာရေး” ကတော့ ဗုဒ္ဓဟူး သားသမီးရဲ့ အဆိုးထက် နဲနဲ လျော့စရာ ရှိပါတယ်။ ဒါကလွဲရင် ကျန်တာ အားလုံး တူပါတယ်။

ယတြာပြုလုပ်ရန်အတွက် – ဗုဒ္ဓဟူးသားများအတိုင်း “ရေသပ္ပါယ် ယတြာ” ကို ပြုလုပ်ပေးပါ။ ပိုပြီး လုပ်နိုင်ရင်တော့ ရေသပ္ပါယ် ယတြာပြုလုပ်ပြီးတာနဲ့ ဘုရားမှာ ရွှေသင်္ကန်း ကပ်လှူပေးပါ။ (အလှူခံဌာနမှာ ရွှေသင်္ကန်းဖိုးငွေ ကပ်လှူရင်လည်း ဖြစ်ပါတယ်)။

.

————————————————————————————————————————-

.

နာမည် ဟောကိန်းများ

ယခင် လ,များက နာမည်တွဲလုံးအလိုက် အကောင်းအဆိုးကို နေ့သားသမီးတွေထဲမှာ ဟောပေးပေမယ့် တချို့က နာမည်ကို နေ့သင့် နံသင့် မှည့်တာ မဟုတ်လို့ ကိုယ်နဲ့ မသက်ဆိုင်သလို ဖြစ်နေတယ်။ ဒါကြောင့် နာမည်တွဲလုံးအလိုက် ဒီလ, အတွက် အဆိုး/အကောင်းကို (ဘယ်နေ့သားသမီးနဲ့ မဆို သက်ဆိုင်အောင်) တွက်ချက် ပေးထားပါတယ်။ (အကျဉ်းချုပ်လောက်ဘဲပေါ့နော်) နာမည်က ပြနေတဲ့ “အကောင်း/အဆိုး” နဲ့ “မွေးနံ” က ပြထားတဲ့ အကောင်း/အဆိုး ကို မျှပြီး ယူရပါမယ်။

.

တနင်္ဂနွေ (အ၊ ဥ၊ သြ) နှင့် အစပြုထားသော နာမည်ပိုင်ရှင်များ

= တနင်္ဂနွေ အစ, တနင်္ဂနွေ အဆုံး နာမည်ပိုင်ရှင်များ -    အလွန်ကောင်း / တာဝန်ဖိစီးမှုများ / လူပင်ပင်ပန်း ၊ စိတ်ပင်ပန်း ။

= တနင်္ဂနွေ အစ , တနင်္လာ အဆုံး နာမည်ပိုင်ရှင်များ -    အလွန်ကောင်း / ရန်အတိုက်အခိုက် အနည်းငယ် ရှိ ၊ ငွေကြေးကံကောင်း။

= တနင်္ဂနွေ အစ, အင်္ဂါ အဆုံး နာမည်ပိုင်ရှင်များ -   အလွန့်အလွန်ကောင်း / နာမည်ကျော်ကြားကိန်း ရှိ ။

= တနင်္ဂနွေ အစ, ဗုဒ္ဓဟူး အဆုံး နာမည်ပိုင်ရှင်များ -    ကောင်း / ကျန်းမာရေး အညံ့ရှိ / ငွေကြေးကံ အနည်းငယ် ညံ့ ။

= တနင်္ဂနွေ အစ, ကြာသပတေး အဆုံး နာမည်ပိုင်ရှင်များ -    ကောင်း / နာမည်ပျက်ကိန်း အနည်းငယ်မျှ ရှိ။

= တနင်္ဂနွေ အစ, သောကြာ အဆုံး နာမည်ပိုင်ရှင်များ -    အလွန့် အလွန်ကောင်း / နာမည်ကျော်ကြားကိန်း ရှိ / ခရီး နှင့် အချစ်ရေး အိမ်ထောင်ရေး ကောင်း။

= တနင်္ဂနွေ အစ, စနေ အဆုံး နာမည်ပိုင်ရှင်များ -    အကောင်း အညံ့ ရော ၊ ကျန်းမာရေး ၊ Accident သတိပြု ၊ ဘေးဥပဒ် ရှိ ။

.

တနင်္လာ (က၊ ခ၊ ဂ၊ ဃ၊ င) နှင့် အစပြုထားသော နာမည်ပိုင်ရှင်များ

= တနင်္လာ အစ, တနင်္ဂနွေ အဆုံး နာမည်ပိုင်ရှင်များ -    အလွန်ကောင်း / မင်း အစိုးရ မ, ကိန်းရှိ ။

= တနင်္လာ , တနင်္လာ အဆုံး နာမည်ပိုင်ရှင်များ -    အလွန်ကောင်း / ၀န်ထမ်းများ ရာထူး ရာခံ ကိစ္စ ပိုကောင်း။

= တနင်္လာ အစ, အင်္ဂါ အဆုံး နာမည်ပိုင်ရှင်များ -   အလွန့်အလွန်ကောင်း / ငွေကြေးကိစ္စ အလွန်ကောင်း ၊ နာမည်ကျော်ကြားမှု ရှိ ။

= တနင်္လာ အစ, ဗုဒ္ဓဟူး အဆုံး နာမည်ပိုင်ရှင်များ -    ကောင်း / သားသမီး ၊ အိမ်ထောင်ဘက် /လက်အောက် ငယ်သားအတွက် ပူပန်သောက ရှိ ။

= တနင်္လာ အစ, ကြာသပတေး အဆုံး နာမည်ပိုင်ရှင်များ -    ကောင်း / အထက်လူကြီး၏ လျှို့ဝှက် အကူအညီ ရတတ်။

= တနင်္လာ အစ, သောကြာ အဆုံး နာမည်ပိုင်ရှင်များ -    အကောင်း အဆိုး ဒွန်တွဲ ၊ အလုပ် စီးပွား အောင်မြင်ကျော်ကြားမှု ကောင်း ၊ အိမ်တွင်းရေး ညံ့။

= တနင်္လာ အစ, စနေ အဆုံး နာမည်ပိုင်ရှင်များ -    အကောင်း အညံ့ ရော ၊ ကျန်းမာရေး ညံ့တတ် ၊ သောက များရတတ် ။

.

အင်္ဂါ (စ၊ ဆ၊ ဇ၊ ဈ ၊ ည) နှင့် အစပြုထားသော နာမည်ပိုင်ရှင်များ

= အင်္ဂါ အစ, တနင်္ဂနွေ အဆုံး နာမည်ပိုင်ရှင်များ -    အလွန့် အလွန်ကောင်း / လူပင်ပန်း စိတ်ပင်ပန်း / နာမည်ကျော်ကြား / လူထုထောက်ခံမှု ရရှိ ။

= အင်္ဂါ , တနင်္လာ အဆုံး နာမည်ပိုင်ရှင်များ -    အလွန်ကောင်း / အစိုးရ ၀န်ထမ်းများ ပိုကောင်း / မင်း အစိုးရ မ, စ ကိန်းရှိ ။

= အင်္ဂါ အစ, အင်္ဂါ အဆုံး နာမည်ပိုင်ရှင်များ -   အလွန့်အလွန်ကောင်း / အလွန် နာမည်ကျော်ကြား / ဘုန်းတန်ခိုး တိုးတက် / သြဇာတိုးတက် ။

= အင်္ဂါ အစ, ဗုဒ္ဓဟူး အဆုံး နာမည်ပိုင်ရှင်များ -    ကောင်း / ကျန်းမာရေး နှင့် အိမ်တွင်းရေး ပြဿနာ အနည်းငယ်ရှိ ။

= အင်္ဂါ အစ, ကြာသပတေး အဆုံး နာမည်ပိုင်ရှင်များ -    အကောင်း အဆိုး ဒွန်တွဲ / ထိခိုက်ရှနာ Accident ရှိ / မနာလိုသူ လုပ်ကြံဂျောက်တွန်းကိန်း ရှိ/

= အင်္ဂါ အစ, သောကြာ အဆုံး နာမည်ပိုင်ရှင်များ -    အလွန်ပင် ကောင်း / အိမ်တွင်းရေး လုပ်ငန်းခွင် သာယာ / နာမည်ကျော်ကြား / စိတ်ချမ်းမြေ့မှု များ။

= အင်္ဂါ အစ, စနေ အဆုံး နာမည်ပိုင်ရှင်များ -    အကောင်း အညံ့ ရော ၊ အောင်မြင်မှု ရှိသလို ဆုံးရှုံးမှုလည်း ရှိ / ဆေးရုံးဆေးခန်း ရောက်တတ် ။

.

ဗုဒ္ဓဟူး (ယ၊ ရ၊ လ၊ ၀၊ ဠ) နှင့် အစပြုထားသော နာမည်ပိုင်ရှင်များ

= ဗုဒ္ဓဟူး အစ, တနင်္ဂနွေ အဆုံး နာမည်ပိုင်ရှင်များ -    ညံ့ /   လူပင်ပန်း စိတ်ပင်ပန်း / ခက်ခဲလေးလံသော တာဝန်များ ယူရ ။

= ဗုဒ္ဓဟူး အစ , တနင်္လာ အဆုံး နာမည်ပိုင်ရှင်များ -    သင့် / ကျန်းမာရေး သတိပြု / အချစ်ရေး ၊ အိမ်ထောင်ရေး အိမ်တွင်းရေး ကံကောင်း ။

= ဗုဒ္ဓဟူး အစ, အင်္ဂါ အဆုံး နာမည်ပိုင်ရှင်များ -   သင့် / အခက်အခဲကြားမှ အောင်မြင်တတ်/ လင်ယောင်္ကျားအတွက် ဂုဏ်ယူ ၀မ်းမြောက်ဖွယ်ရှိ ။

= ဗုဒ္ဓဟူး အစ, ဗုဒ္ဓဟူး အဆုံး နာမည်ပိုင်ရှင်များ -    အလွန့် အလွန် ညံ့ / ဆေးရုံ ဆေးခန်း ရောက်ကိန်း ရှိ / အမှုအခင်း ဖြစ်ကိန်း ရှိ  ၊ Accident သတိ ။

= ဗုဒ္ဓဟူး အစ, ကြာသပတေး အဆုံး နာမည်ပိုင်ရှင်များ -    အလွန် ညံ့ / ကျန်းမာရေး / လူမှုရေး / အိမ်ထောင်ရေး ညံ့။ နာမည်ပျက်ကိန်း ရှိ ။

= ဗုဒ္ဓဟူး အစ, သောကြာ အဆုံး နာမည်ပိုင်ရှင်များ -    အနည်းငယ် ညံ့ / ကျန်းမာရေး ဂရုပြု ၊ အိမ်တွင်းရေး မိသားစုရေး သာယာနိုင် ။

= ဗုဒ္ဓဟူး အစ, စနေ အဆုံး နာမည်ပိုင်ရှင်များ -    အလွန့် အလွန် ညံ့ ။ အမှုအခင်း ဖြစ်ကိန်း ၊ ဆေးရုံဆေးခန်း ရောက်ကိန်း ရှိ ၊ ဘေးဥပဒ် တွေ့တတ် ။

.

ကြာသပတေး (ပ၊ ဖ၊ ဗ၊ ဘ၊ မ) နှင့် အစပြုထားသော နာမည်ပိုင်ရှင်များ

= ကြာသပတေး အစ, တနင်္ဂနွေ အဆုံး နာမည်ပိုင်ရှင်များ -    သင့် /   လူပန်း စိတ်ပန်း / စိတ် ဖိစီး /တာဝန် ၀တ္တရားကြီးမား ။

= ကြာသပတေး အစ, တနင်္လာ အဆုံး နာမည်ပိုင်ရှင်များ -    သင့် / အစိုးရ ၀န်ထမ်း / ကုမ္ပဏီ ၀န်ထမ်းများ ကောင်း / ရာထူးတက်ကိန်း ရှိ  ။

= ကြာသပတေး အစ, အင်္ဂါ အဆုံး နာမည်ပိုင်ရှင်များ -   အလွန့် အလွန် ညံ့ /  ထိခိုက်ရှနာ Accident ရှိ / မနာလိုသူ လုပ်ကြံဂျောက်တွန်းကိန်း ရှိ ။

= ကြာသပတေး အစ , ဗုဒ္ဓဟူး အဆုံး နာမည်ပိုင်ရှင်များ -    အလွန် ညံ့ / ကျန်းမာရေး / လူမှုရေး / အိမ်ထောင်ရေး ညံ့။ နာမည်ပျက်ကိန်း ရှိ ။

= ကြာသပတေး အစ, ကြာသပတေး အဆုံး နာမည်ပိုင်ရှင်များ -    အလွန် ညံ့ / ဂုဏ်သိက္ခာ ကျကိန်း ၊ နာမည်ပျက်ကိန်း ရှိ / အကြီးအကဲ၏ ဒဏ်ကို ခံရ ။

= ကြာသပတေး အစ, သောကြာ အဆုံး နာမည်ပိုင်ရှင်များ -    ကောင်း / ငွေရေး ကြေးရေး ကံကောင်း / တရားမ၀င် ၀င်ငွေ ၀င်ကိန်း ရှိ ။

= ကြာသပတေး အစ, စနေ အဆုံး နာမည်ပိုင်ရှင်များ -    အလွန့် အလွန် ညံ့ ။ အမှုအခင်း ဖြစ်ကိန်း ၊ ဆေးရုံဆေးခန်း ရောက်ကိန်း ရှိ ၊ ဘေးဥပဒ် တွေ့တတ် ။

.

သောကြာ (သ ၊ ဟ) နှင့် အစပြုထားသော နာမည်ပိုင်ရှင်များ

= သောကြာ အစ, တနင်္ဂနွေ အဆုံး နာမည်ပိုင်ရှင်များ -    အလွန်ကောင်း /  တာဝန် ကြီးမားသော်လည်း အောင်မြင်အောင် လုပ်နိုင် ၊ ရာထူး တက်ကိန်း ရှိ။

= သောကြာ အစ, တနင်္လာ အဆုံး နာမည်ပိုင်ရှင်များ -    အကောင်း အညံ့ ဒွန်တွဲ / အိမ်ထောင်ရေး အိမ်တွင်းရေး ပဋိပက္ခ ကြီးနိုင် ၊ အောင်မြင်ရေး ကောင်း  ။

= သောကြာ အစ, အင်္ဂါ အဆုံး နာမည်ပိုင်ရှင်များ -   အလွန့် အလွန်ကောင်း / ကြံတိုင်းအောင် ဆောင်တိုင်းမြောက်/ ဆေးစက်ကျရာ အရုပ်ထင် ။

= သောကြာ အစ , ဗုဒ္ဓဟူး အဆုံး နာမည်ပိုင်ရှင်များ -    သင့် / ကျန်းမာရေး သတိပြု ၊ အစ, ကောင်းပြီး အနှောင်း မသေချာတာမျိုး ဖြစ် / အကြံအစည် ပျက် ။

= သောကြာ အစ, ကြာသပတေး အဆုံး နာမည်ပိုင်ရှင်များ -    ညံ့ / နာမည် ပျက်ကိန်း ရှိ /  အပုတ် ချ ၊ ရှုတ်ချ ခံရတတ် / ဒါးခုတ်ရာ ၀င်လက်ရှို မိတတ် ။

= သောကြာ အစ, သောကြာ အဆုံး နာမည်ပိုင်ရှင်များ -    အလွန် ကောင်း / မိသားစု ဘ၀ ပျော်ရွှင်ရ / စိတ်ချမ်းသာ ကိုယ်ချမ်းသာမှု ရှိ ။

= သောကြာ အစ, စနေ အဆုံး နာမည်ပိုင်ရှင်များ -    ညံ့ ။ လ, ကုန်ပိုင်း အလွန်ညံ့တတ် ၊ ကျန်းမာရေး အထူးသတိပြု /ငွေကြေး ဆုံးရှုံးတတ်။

.

စနေ (တ၊ ထ၊ ဒ၊ ဓ ၊ န၊ ဌ) နှင့် အစပြုထားသော နာမည်ပိုင်ရှင်များ

= စနေ အစ, တနင်္ဂနွေ အဆုံး နာမည်ပိုင်ရှင်များ -    အလွန့် အလွန် ညံ့ /  ဆေးရုံ ဆေးခန်း ရောက်ကိန်း ရှိ / အမှုအခင်း ဖြစ်ကိန်း ရှိ  ၊ Accident သတိ ။

= စနေ အစ, တနင်္လာ အဆုံး နာမည်ပိုင်ရှင်များ -    ညံ့ / ကျန်းမာရေး ညံ့တတ် ၊ စိတ်ပူပင်သောက ကြီးမားရတတ် / အစိုးရ ၀န်ထမ်းများ ပိုပြီး ညံ့။

= စနေ အစ, အင်္ဂါ အဆုံး နာမည်ပိုင်ရှင်များ -   အကောင်း အညံ့ ရော / ကျန်းမာရေး ညံ့တတ်သော်လည်း အလုပ်အကိုင် ၊ စီးပွားရေး အောင်မြင်တတ် ။

= စနေ အစ , ဗုဒ္ဓဟူး အဆုံး နာမည်ပိုင်ရှင်များ -    အလွန့် အလွန် ညံ့ /  ဆေးရုံ ဆေးခန်း ရောက်ကိန်း ရှိ / အမှုအခင်း ဖြစ်ကိန်း ရှိ  ၊ Accident သတိ ။

= စနေ အစ, ကြာသပတေး အဆုံး နာမည်ပိုင်ရှင်များ -    အလွန့် အလွန် ညံ့ / ကျန်းမာရေး ၊ လူမှုရေး ၊ စီးပွားရေး အားလုံး ညံ့ ၊ ဘေးဥပဒ် ကြုံတတ်။

= စနေ အစ, သောကြာ အဆုံး နာမည်ပိုင်ရှင်များ -    ညံ့ / ကျန်းမာရေး ညံ့ ၊ အလုပ်အကိုင် ကိစ္စ ကောင်း ၊  စိတ်ချမ်းသာမှုတော့ ရှိတတ် ။

= စနေ အစ, စနေ အဆုံး နာမည်ပိုင်ရှင်များ -    အလွန့် အလွန် ညံ့ ။ ကျန်းမာရေး အလွန်အမင်း ညံ့တတ် ။ ဆေးရုံဆေးခန်း တက်ကိန်းရှိ ၊ ဘေးဥပဒ်ကြီးများ ကြုံရတတ် ။

.

မှတ်ချက်။                 ။ အထက်ပါ (၇)ရက်သားသမီး ဟောကိန်းများမှာ “ယေဘူယျ” ဟောကိန်းများသာ ဖြစ်ပါသည်။ မွေးနေ့ သက္ကရာဇ် အတိအကျနှင့် တွက်ချက်ခြင်း မဟုတ်သောကြောင့် လူတိုင်းအတွက် မမှန်နိုင်ပါ။ အထူးသဖြင့် မိမိတို့ လက်ရှိရောက်နေသော “သက္ခတ်” များက ပိုမို အဓိက ကျပါသည်။

.

(၇)ရက်သားသမီးအားလုံး ကိုယ်ကျန်းမာ/စိတ်ချမ်းသာ ရှိကြပါစေသော်။

.

ဒေါက်တာတင်ဗိုလ်ဗိုလ် (ကွန်ပျူ -ဗေဒသုခုမ)

.

ဝင်ရောက်ဖတ်ရှုသူပေါင်း=5430

.

“လျှပ်တစ်ပြက်ဗေဒင်” (Quick Baydin) ဆိုတဲ့ ကဏ္ဍသစ်လေးကို ဖွင့်လှစ်လိုက်ပါတယ်။ ဒီမှာ လူတွေ အမေးအမြန်း များတတ်တဲ့ မေးခွန်းလေးတွေကို စီစဉ်ထားပါတယ်။ ဒီအထဲက ကိုယ်နဲ့ တိုက်ဆိုင်တဲ့ မေးခွန်းရှိရင် “Click” တစ်ချက်နှိပ်ပြီး မေးလိုက်ရုံပါဘဲ။ မွေးသက္ကရာဇ် မလိုပါဘူး။ ဒါပေမယ့် ဒီတွက်ချက်နည်းက Randomize အပေါ်မှာ အခြေခံထားတာဖြစ်လို့ မေးခွန်းတစ်ခုကို (၂)ခါမေးလို့ မရပါဘူး။ (၂)ခါ (၃)ခါ ထပ်မေးလို့ မေးခွန်းတွေ ကွဲလွဲနေရင် “ပထမဆုံး” ထွက်လာတဲ့ အဖြေကသာ အတည်ဖြစ်ပါတယ်။

.

အပျော်မေးရင်တော့ “အပျော်တမ်းဗေဒင်” ဖြစ်သွားပါမယ်။ အပျင်းပြေမေးရင် “အပျင်းပြေဗေဒင်” ဖြစ်သွားပါမယ်။ ယုံကြည်စိတ်နဲ့ မေးရင်တော့ “တကယ်မှန်တဲ့ ဗေဒင်” ဖြစ်သွားပါမယ်။ တကယ် ယုံယုံကြည်ကြည်နဲ့ မေးရင် လက်ဖျားခါလောက်အောင် မှန်တယ်ဆိုတာ ကိုယ်တွေ့ တွေ့လာရလိမ့်မယ်။

ဒါကြောင့် တကယ် သိလိုစိတ်ရှိမှ မေးပါ။ အပျင်းပြေ မမေးပါနဲ့ ။ တစ်နေ့ကို မေးခွန်း (၃)ခုထက် ပိုမေးရင် နောက်ပိုင်း မေးခွန်းတွေ  သိပ်ကြီးမမှန်နိုင်တော့ပါ။ မေးခွန်းများလေ၊ အမှားများလေဖြစ်မယ်။ ဒီဝက်ဆိုဒ် ရှိနေသရွေ့ အချိန်မရွေး လာမေးလို့ ရပါတယ်။ တစ်နေ့ကို (၃) ခုကနေ အများဆုံး (၅)ခုလောက် အထိ ဘဲ မေးစေချင်ပါတယ်။

.

ဘာရယ် မဟုတ်ပါဘူး။ အပျင်းပြေ လျှောက်နှိပ်ကြည့်မယ် ဆိုရင်လည်း နှိပ်ကြည့်ပေါ့။ ဒါပေမယ့် မေးခွန်းတစ်ခုအတွက် “ပထမဆုံး” ပေါ်လာတဲ့ အဖြေက အတည်ဖြစ်သွားတတ်တယ်ဆိုတာတော့ မမေ့နဲ့။ ကဲ – မေးလို့ ရမယ့် မေးခွန်းကဏ္ဍလေးတွေကို ကြည့်ကြရအောင်။

.

မေးနိုင်သော မေးခွန်းကဏ္ဍများ (သက်ဆိုင်ရာ မေးခွန်းကဏ္ဍပေါ်တွင် Click နှိပ်လိုက်ပါ)

.

= စီးပွားရေး (၁)

= စီးပွားရေး (၂)

= စီးပွားရေး (၃)

= အလုပ် ၊ ရာထူး

= ငွေရေး၊ ကြေးရေး (၁)

= ငွေရေး၊ ကြေးရေး (၂)

= အချစ်ရေး

= အိမ်ထောင်ရေး (၁)

= အိမ်ထောင်ရေး (၂)

= ပညာရေး

= အိုးအိမ်၊ တိုက်ခန်း

= ယာဉ်၊ ကား

= သားရေး၊ သမီးရေး

= ကျန်းမာရေး

= အကြံအစည်

= သာသနာပြု

= ကံ ကောင်း/မကောင်း

= နိမိတ် ၊ အိပ်မက် ၊ ခရီး

= ငွေပျောက် / ပစ္စည်းပျောက်

= နိုင်ငံခြား ခရီး

= အမှု အခင်း

= ထီ / အလောင်းအစား

= မိတ်ဆွေ / တပည့်တပန်း

. . စတဲ့ ကဏ္ဍများထဲက မိမိနှစ်သက်ရာကို ရွေးချယ် မေးမြန်း နိုင်ပါတယ်။ ပထမဆုံး ပေါ်လာတဲ့ မေးခွန်းရဲ့ ဘေးမှာ Drop Down Item လေး ရှိပါတယ်။ အဲဒါလေးကို နှိပ်လိုက်ရင် မေးလို့ရနိုင်တဲ့ မေးခွန်းတွေ ပေါ်လာပါလိမ့်မယ်။

ဒီပရိုဂရမ်လေးထဲက အဟောတွေကို လွန်ခဲ့တဲ့ (၁၀)နှစ်လောက်တည်းက ရေးသား ထားတာဖြစ်ပြီး ၊ အခုလို အွန်လိုင်း ပရိုဂရမ်လေးဖြစ်လာအောင် ပရိုဂရမ်မာ “ကိုမောင်မောင်မြင့်” (နက္ခတ်ဗေဒင်) က ကူညီရေးဆွဲ ပေးပါတယ်။ ကိုမောင်မောင်မြင့်ကို ဒီနေရာ ကနေ ကျေးဇူးအထူးတင်ကြောင်း ပြောလိုပါတယ်။ ကိုမောင်မောင်မြင့် ရဲ့ ဆိုဒ်ကို ဒီနေရာကို Click လုပ်ပြီး သွားကြည့်နိုင်ပါတယ်။ သူ့ ၀က်ဆိုဒ်မှာ နက္ခတ်ဗေဒင်စနစ် နဲ့ ဗေဒင်လည်း ဟောပေး နေပါတယ်။

.

မှတ်ချက်။    ။ မိမိတို့ သိလိုသော မေးခွန်း မပါသေးလျှင် ထိုမေးခွန်းကို အောက်ဖက် Comment ထဲတွင် ဖော်ပြပေးလျှင် – ထိုမေးခွန်း နှင့် အဖြေများကို ထပ်မံ ဖြည့်စွက်ပေးပါမည်။

.

စာဖတ်သူ မိတ်ဆွေများလုံး ကျန်းမာချမ်းသာကြပါစေ။

.

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

.

.
ဒီ ပို့စ်လေးကတော့ သူ့ရှေ့က “ကောလာဟလ” ဆောင်းပါးလေးရဲ့ “အဆက်” လို့ ပြောနိုင်ပါတယ်။ ဗေဒင်ပညာကို ပေါ့ပေါ့ပါးပါး လေ့လာနေကြသူများအတွက် အထောက်အကူ ဖြစ်ပါလိမ့်မယ်။

“ကောလာဟလ” ဆောင်းပါးမှာ နေ့တစ်နေ့ခြင်းစီအတွက် အင်္ဂ၀ိဇ္ဇာတိုင်စဉ် (၇)ခု ဇယားလေးကို ပြထားပါတယ်။ သတင်းစကား တစ်ခုကို ကြားလိုက်တဲ့အချိန်မှာ အဲဒီအချိန်နာရီမှာ ကျရောက်နေတဲ့ “အခါတိုင်” အပေါ်မှာ လိုက်ပြီး “တိုင်အတိတ်/တိုင်နိမိတ်” ဆိုတာ ရှိပါတယ်။

ကိုယ်ကြားလိုက်ရတဲ့ သတင်းစကား (ကောလာဟလ)ဟာ အဲဒီအချိန်တိုင်ရဲ့ “အဓိပ္ပါယ်ဖွင့်ဆိုချက်” တွေနဲ့ ကိုက်ညီနေရင် ဒါဟာ “နိမိတ်” မှန်နေပြီ (တနည်း) “ဆန်း” ၀င်နေပြီလို့ ပြောလို့ရပါတယ်။ ဒီလို နိမိတ်မှန် / ဆန်းမှန် နေရင် ဒီသတင်း စကား ဟုတ်၏ / မဟုတ်၏ ကို တွက်ချက်ရာမှာ မှန်ကန်တဲ့ အဖြေကို ပိုပြီး ရနိုင်ပါတယ်။

.

ရှေ့က ဆောင်းပါးဖြစ်တဲ့“ကောလာဟလ”မှာ သင်္ကြန်အကြတ်နေ့က “ဗုံးပေါက်ကွဲမှု” သတင်းကို မှန်/မမှန် ဆုံးဖြတ်တဲ့ နမူနာလေးကို ပြထားပါတယ်။ အဲဒီအချိန်က ညနေ (၃)နာရီ ခွဲ ဖြစ်လေတော့ “စနေအခါ/စနေတိုင်” ကို ရပါတယ်။ “စနေတိုင်” ရဲ့ တိုင်အတိတ်/ တိုင်နိမိတ် ကလည်း “ထောင်၊ ဆေးရုံ၊ သုဿာန်၊ တရားရုံး” စသည်များနှင့် ပတ်သတ်နေလို့ လက်ရှိအဖြစ်အပျက်နဲ့ ကိုက်ညီပြီး “ဆန်း” ၀င်နေတာကြောင့် မှန်ကန်တဲ့ ဆုံးဖြတ်ချက်ကို ပိုပြီး ချနိုင်ခဲ့ပါတယ်။

ဒါကြောင့် “အင်္ဂ၀ိဇ္ဇာဗေဒင်ပညာ” ကို လေ့လာခါစ, သူများ အထောက်အကူရနိုင်အောင် “အင်္ဂ၀ိဇ္ဇာတိုင်” တစ်ခုခြင်းစီရဲ့ “တိုင် အတိတ်/တိုင် နိမိတ်” များကို တင်ပေးလိုက်ပါတယ်။ ဖတ်ကြည့်ကြရအောင်။

.

တနင်္ဂနွေ-အခါတိုင်

သတင်းစကား တစ်ခုကို ကြားသိလိုက်ရတဲ့ အချိန်ဟာ “တနင်္ဂနွေ-အခါတိုင်” နဲ့ ကြုံကြိုက်နေမယ်ဆိုရင် - အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

အလုပ်အကိုင် ရာထူးရာခံ ကိစ္စ၊ ပညာရေး ကိစ္စ ၊ စာမေးပွဲ ကိစ္စ ၊ လျှောက်လွှာ / ၀င်ခွင့် ကိစ္စ၊ ပါမစ် ကိစ္စ ၊ ပတ်စ်ပို့စ် / ဗီဇာ / အလုပ်လုပ်ခွင့် / နေထိုင်ခွင့် / ကျောင်းတက်ခွင့် ဆိုင်ရာ ကိစ္စများ ၊ ဘာသာရေးနဲ့ ဆိုင်တဲ့ ကိစ္စ ၊ တရားရုံး / တရားမှုတွေနဲ့ ဆိုင်တဲ့ ကိစ္စ၊ တရားဥပဒေဆိုင်ရာ ကိစ္စ ၊ မိမိရဲ့ အကြီးအကဲတွေနဲ့ ဆိုင်တဲ့ ကိစ္စ ၊ နည်းပညာ အသစ်အဆန်း ကိစ္စ ၊ တီထွင်မှု ဆိုင်ရာ ကိစ္စ ၊ မင်္ဂလာရှိသော အခမ်းအနား ဆိုင်ရာ ကိစ္စ ၊ ဘွဲ့ တံဆိပ် (ဆုတံဆိပ်) ဂုဏ်ထူးဘွဲ့ထူး ဆိုင်ရာ ကိစ္စ ၊ ချီးမွမ်းခံရခြင်း / ဂုဏ်ပြု အမွှန်းတင်ခြင်းဆိုင်ရာ ကိစ္စ . . စသည်များနှင့် ပတ်သတ်နေတတ်ပါတယ်။

ဒီလို ပတ်သက်မှုရှိရင် “ဆန်း” ၀င်နေပြီ လို့ ပြောလို့ရတဲ့အတွက် ဒီကိစ္စ အမှား/အမှန် ဆုံးဖြတ်ရာမှာ တိကျမှန်ကန်တဲ့ အဖြေကို ရတတ်ပါတယ်။

.

တနင်္လာ-အခါတိုင်

သတင်းစကား တစ်ခုကို ကြားသိလိုက်ရတဲ့ အချိန်ဟာ “တနင်္လာ-အခါတိုင်” နဲ့ ကြုံကြိုက်နေမယ်ဆိုရင် - အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

ခရီး သွားလာရေး ဆိုင်ရာ ကိစ္စ ၊ အလုပ် နေရာအပြောင်းအလဲ / အရွှေ့ အပြောင်း ကိစ္စ ၊ နိုင်ငံရပ်ခြား နဲ့ ပတ်သက်သော ကိစ္စ ၊ ခိုးရာလိုက်ပြေးခြင်း နှင့် အိမ်ထောင်ရေး အရှုတ်အထွေး ကိစ္စ ၊ လင်ငယ် / မယားငယ် ကိစ္စ ၊ မော်တော်ကား / ဆိုင်ကယ် / ယာဉ်ရထား ကိစ္စ ၊ ခရီးသွားလာရင်း Accident ဖြစ်ခြင်း ကိစ္စ ၊ အရှက်တကွဲ အကျိုးနည်းဖြစ်ရခြင်း ကိစ္စ ၊ လိင် ဖောက်ပြန်မှု အရှုတ်အထွေး ကိစ္စ ၊ လေဖြတ်ခြင်း / စကားပြော အင်္ဂါများ ချို့ယွင်းခြင်း ဆိုင်ရာ ကိစ္စ ၊ အနုပညာရှင်များ နှင့် ပတ်သက်သော ကိစ္စ ၊ အနုပညာ လုပ်ငန်းရပ်ဆိုင်ရာ ကိစ္စ ၊ အမျိုးသမီး အလှအပ ဆိုင်ရာ အသုံးအဆောင် ပစ္စည်းများ နှင့် ဆိုင်သော ကိစ္စ ၊ ဖက်ရှင် ၀တ်စားဆင်ယင်မှု ဆိုင်ရာ ကိစ္စများ ၊ အမျိုးသမီးထု တစ်ရပ်လုံး နှင့် ဆိုင်သော ကိစ္စများ . . စသည်များနှင့် ပတ်သတ်နေတတ်ပါတယ်။

ဒီလို ပတ်သက်မှုရှိရင် ဒီ “တနင်္လာတိုင်” ဟာ “ဆန်း ၀င်” / “နိမိတ်ဝင်” နေပြီ လို့ ပြောနိုင်ပါတယ်။

.

အင်္ဂါ-အခါတိုင် (*)

သတင်းစကား တစ်ခုကို ကြားသိလိုက်ရတဲ့ အချိန်ဟာ “အင်္ဂါ-အခါတိုင်” နဲ့ ကြုံကြိုက်နေမယ်ဆိုရင် - အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

ငွေကြေး အရှုပ်အရှင်း ကိစ္စ ၊ ငွေကြေး လိမ်လည်မှု ကိစ္စ ၊ လိမ်လည်လှည့်ဖြားခြင်း အမျိုးမျိုးနှင့် ဆိုင်သော ကိစ္စ ၊ သူခိုး / ဓါးပြ / လူလိမ် / ခါးပိုက်နှိုက် များပါဝင်နေသော ကိစ္စ ၊ ငွေကြေး အမြောက်အများ ဆုံးရှုံးခြင်း ဆိုင်ရာ ကိစ္စ ၊ အကြွားအ၀ါ ဂုဏ်ပကာသန ပြိုင်ဆိုင်ခြင်း ဆိုင်ရာ ကိစ္စ ၊ မော်တော်ကား နှင့် ပတ်သက်သော ကိစ္စအားလုံး ၊ ကား Accident ဖြစ်ခြင်း ကိစ္စ ၊ အရောင်းအ၀ယ် ရင်းနှီးမြုတ်နှံမှု ကိစ္စ ၊ ထီ နှင့် အလောင်းအစား ကိစ္စ ၊ ချဲဂဏန်း နှင့် ပတ်သက်နေသော ကိစ္စ ၊ ငွေကြေး ကိန်းဂဏန်း ဆိုင်ရာ ကိစ္စ ၊ ငွေကြေး စာရင်းအင်း စစ်ဆေးခြင်း ဆိုင်ရာ ကိစ္စ ၊ အမြတ်ခွန် / အကောက်ခွန် နှင့် ပတ်သက်သော ကိစ္စ ၊ စာရင်းအင်း လိမ်လည်ခြင်း / စာရင်း ဖျောက်ခြင်း ကိစ္စ . . စသည်များနှင့် ပတ်သတ်နေတတ်ပါတယ်။

ကောလာဟလသတင်းများနှင့် ပတ်သက်ရင် “အင်္ဂါအခါတိုင်” ဟာ အထူးစိတ်ဝင်စားဖို့ ကောင်းပါတယ်။ ဘာဖြစ်လို့လည်း ဆိုတော့ “အင်္ဂါအခါတိုင်” ကိုယ်၌က “ကောလာဟလတိုင်” ဖြစ်နေလို့ပါဘဲ။ “အင်္ဂါတိုင်” ဟာ မဟုတ်မမှန် လုပ်ကြံသတင်း အားလုံးနဲ့ ဆိုင်ပါတယ်။ လိမ်လည် လှည့်ဖြားခြင်း အားလုံး နဲ့ ဆိုင်ပါတယ်။

အထူးသဖြင့် “ငွေကြေး” နဲ့ ပတ်သက်နေတဲ့ ကိစ္စများဟာ “အင်္ဂါအခါတိုင်” နဲ့ ကြုံကြိုက် တိုင်ဆိုင်နေမယ်ဆိုရင် “အလိမ်အညာတွေ” သာ များပါတယ်။ အင်္ဂါ အခါတိုင်ရောက်နေတဲ့ အချိန်မှာ “ပွပေါက်” ဆိုတဲ့ ကိစ္စတွေ၊ “ဒီ ကိစ္စ အရမ်းကို မြတ်လိမ့်မယ်” ဆိုတဲ့ မက်လုံးတွေ ၊ “၀ယ်ထားရင် သေချာပေါက်မြတ်မယ်” ဆိုပြီး အကြံပေးတာတွေ ၊ “အချီကြီး အပွကြံမယ်” ဆိုတဲ့ လုပ်ရပ်တွေဟာ တစ်ခုမှ ဖြစ်မလာတာ များပါတယ်။ အလိမ်ခံရတာ/ဆုံးရှုံးသွားရတာတွေနဲ့ ဇာတ်သိမ်းတတ်ပါတယ်။

ဒါကြောင့် အင်္ဂါအခါတိုင်မှာ “သက်ဆိုင်ရာဂြိုဟ် (၃)လုံး စလုံး” အပေါ်ဖက်မှာ ရောက်နေရင်တောင်မှ ငွေကြေးနဲ့ ရင်းနှီးမြုတ်နှံမှုနဲ့ ပတ်သက်လာရင် လံကြုပ်သတင်းကြီး ဖြစ်နေတတ်တာမျိုး မကြာခဏ ကြုံရဘူးပါတယ်။ ဒီတိုင်မှာ ကြုံရ ကြားရတဲ့ ကိစ္စအားလုံးရဲ့ (၉၀)% လောက်ဟာ “သတင်းမှား ချည်းသာ” ဖြစ်နေတတ်တာကို အထူးသတိပြုပါ။

.

ဗုဒ္ဓဟူး-အခါတိုင်

သတင်းစကား တစ်ခုကို ကြားသိလိုက်ရတဲ့ အချိန်ဟာ “ဗုဒ္ဓဟူး-အခါတိုင်” နဲ့ ကြုံကြိုက်နေမယ်ဆိုရင် - အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

မတရား ပြုလုပ်ခြင်း / အနိုင်ကျင့်ခြင်း များ ကိစ္စ ၊ အကြမ်းဖက်မှု / လုယက်မှု / မုဒိမ်းမှု ဆိုင်ရာ ကိစ္စ ၊ စစ်ပွဲ / စစ်တိုက်ခြင်း ဆိုင်ရာ ကိစ္စ ၊ အာဏာသိမ်းခြင်း ဆိုင်ရာ ကိစ္စ ၊ ဆန္ဒပြခြင်း / သပိတ်မှောက်ခြင်း ဆိုင်ရာ ကိစ္စ ၊ လူစုလူဝေးဖြင့် အကြမ်းဖက် ခြင်း ကိစ္စ ၊ လူထု အုံကြွမှု ဆိုင်ရာ ကိစ္စ ၊ အပျော်အပါး နှင့် ကာမဂုဏ် အာရုံဆိုင်ရာ ကိစ္စ များ ၊ လိင်ဖောက်ပြန်ခြင်း ကိစ္စ များ ၊ ခိုက်ရန်ဖြစ်ပွားခြင်း / တုတ်ဆွဲ ဒါးဆွဲ ကိစ္စ များ ၊ သွေးထွက်သံယို ကိစ္စများ ၊ ရာသီဥတုဖောက်ပြန်ခြင်း နှင့် သဘာဝ ဘေးဥပဒ်ဆိုင်ရာ ကိစ္စများ ၊ မီးလောင်ခြင်း / ပေါက်ကွဲခြင်း ဆိုင်ရာ ကိစ္စများ ၊ ဓာတုဗေဒ ဓာတ်ဆေးဝါး ဆိုင်ရာ ကိစ္စ ၊ ဆေးဝါးအတုအပ / ဆေးမှားခြင်း / ဆေးကုမှားခြင်း ကိစ္စ ၊ ဆေးရုံ ဆေးခန်းများနှင့် ပတ်သက်သော ကိစ္စ ၊ လူထု အထိတ် တလန့် ဖြစ်စေမည့် ခြိမ်းခြောက်မှုများ နှင့် ဆိုင်သော ကိစ္စ ၊ ပြန်ပေးဆွဲခြင်း / ဓါးစာခံ လုပ်ခြင်း ကိစ္စ . . စသည်များနှင့် ပတ်သတ်နေတတ်ပါတယ်။

ဒီလို ပတ်သက်မှုရှိရင် ဒီ “ဗုဒ္ဓဟူးတိုင်” ဟာ “ဆန်း ၀င်” / “နိမိတ်ဝင်” နေပြီ လို့ ပြောနိုင်ပါတယ်။

.

ကြာသပတေး-အခါတိုင်

သတင်းစကား တစ်ခုကို ကြားသိလိုက်ရတဲ့ အချိန်ဟာ “ကြာသပတေး-အခါတိုင်” နဲ့ ကြုံကြိုက်နေမယ်ဆိုရင် - အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

လူကုန်ကူးခြင်း / လူမှောင်ခို / ပြည့်တန်ဆာလုပ်ငန်း များနှင့် ဆိုင်သော ကိစ္စများ ၊ တရားမ၀င် မှောင်ခိုလုပ်ငန်း အမျိုးမျိုး၊ မူးယစ်ဆေးဝါး ရောင်းဝယ်ဖောက်ကားခြင်း ဆိုင်ရာ ကိစ္စများ ၊ အရက်သေစာ သောက်စားခြင်း၊ မူးယစ်ရမ်းကားခြင်း ကိစ္စများ ၊ ငွေကြေး လိမ်လည်မှု များ ၊ ငွေကြေး ခ၀ါချမှုများ ၊ လာဘ်စားမှု ဆိုင်ရာ ကိစ္စများ ၊ သမ္မာအာဇီဝ မကျသော ကိုယ်ကျိုးရှာ လုပ်ငန်းများ ၊ လောင်းကစားမှု ဆိုင်ရာ ကိစ္စများ ၊ ရဲ / ထောက်လှမ်းရေး နှင့် ပတ်သက်နေသော ကိစ္စများ ၊ လျှို့ဝှက် စပိုင် ကိစ္စများ ၊ နိုင်ငံတော် သစ္စာဖောက်မှုများ ၊ အရေးကြီးသော သတင်းအချက်အလက်များ ပေါက်ကြားခြင်း ကိစ္စများ ၊ ကုမ္ပဏီပိုင် / အဖွဲ့အစည်းပိုင် လျှို့ဝှက်ချက်များ ရောင်းစားခံရခြင်းများ ၊ စာချုပ်စာတန်း လိမ်လည်ခြင်းများ ၊ ရှေ့နေ / တရားသူကြီးများ နှင့် ဆိုင်သော ကိစ္စများ ၊ လူအများ အစုလိုက်အပြုံလိုက် သေကြေပျက်စီးခြင်းများ ၊ လေယာဉ်ပျက်ကျ ခြင်းများ ၊ ရွှေဈေးနှုန်း / ဒေါ်လာဈေးနှုန်း အတက်အကျ သတင်းများ ၊ သတင်း / ဆက်သွယ်ရေး / မီဒီယာဆိုင်ရာ ကိစ္စများ ၊ စာ/နယ်/ဇင်း လုပ်ငန်းများ ၊ ပွဲစား/အကျိုးဆောင် လုပ်ငန်းများနှင့် ပတ်သက်သော ကိစ္စများ . . စသည်များနှင့် ပတ်သတ်နေတတ်ပါတယ်။

ဒီလို ပတ်သက်မှုရှိရင် ဒီ “ကြာသပတေးတိုင်” ဟာ “ဆန်း ၀င်” / “နိမိတ်ဝင်” နေပြီ လို့ ပြောနိုင်ပါတယ်။

.

သောကြာ-အခါတိုင်

သတင်းစကား တစ်ခုကို ကြားသိလိုက်ရတဲ့ အချိန်ဟာ “သောကြာ-အခါတိုင်” နဲ့ ကြုံကြိုက်နေမယ်ဆိုရင် - အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

ရူးသွပ်ခြင်း / စိတ်ဖောက်ပြန်ခြင်း ကိစ္စများ ၊ စိတ်ဖောက်ပြန်ခြင်း နှင့် ဆိုင်သော ရာဇ၀တ်မှုများ / အနိဌာရုံများ ၊ ဘာသာရေး ဆိုင်ရာ ပဋိပက္ခများ ၊ ဘာသာရေး အဓိကရုဏ်းများ ၊ ဥပဒေမဲ့ လုပ်ရပ်များ ၊ တရားဥပဒေ ချိုးဖောက်ခြင်း ကိစ္စများ ၊ စိတ်ကြွဆေးများ သုံးစွဲမှု/ ရောင်းဝယ်ဖောက်ကားမှု ကိစ္စများ ၊ အနုပညာလောကမှ အတင်းအဖျင်း ကိစ္စများ ၊ အနုပညာရှင်များ၏ လိင်ဖောက်ပြန်မှု ကိစ္စများ ၊ ဘာသာရေး အရေခြုံ ကိစ္စများ ၊ ဘိုးတော် / မယ်တော် / ၀ိဇ္ဇာ အတုများ / ဘုန်းကြီးအတုများ ပါဝင်နေသော ကိစ္စများ ၊ သံဃာလောကမှ ၀ိနိစ္ဆယ အမှုအခင်းများ ၊ ဘာသာရေးဆိုင်ရာ အငြင်းပွားမှုများ ၊ ဘာသာရေးဘန်းပြ ဂိုဏ်းဂဏ အရှုတ်အထွေးများ ၊ ဂမ္ဘီရ ဆိုင်ရာ အထူးအဆန်း သတင်းများ ၊ သာမန်မဟုတ်သော ထူးခြားဆန်းကြယ်သည့် ဖြစ်ရပ်များ ၊ မိမိ၏ အလုပ်ရှင် / အကြီးအကဲများ နှင့် ပတ်သက်နေသော ကိစ္စများ . . စသည်များနှင့် ပတ်သတ်နေတတ်ပါတယ်။

ဒီလို ပတ်သက်မှုရှိရင် ဒီ “သောကြာတိုင်” ဟာ “ဆန်း ၀င်” / “နိမိတ်ဝင်” နေပြီ လို့ ပြောနိုင်ပါတယ်။

.

စနေ-အခါတိုင် (*)

သတင်းစကား တစ်ခုကို ကြားသိလိုက်ရတဲ့ အချိန်ဟာ “စနေ-အခါတိုင်” နဲ့ ကြုံကြိုက်နေမယ်ဆိုရင် – အောက်ပါ ကိစ္စတွေနဲ့ ပတ်သတ်ပြီးတော့ “ဆန်း” ၀င်ပါတယ်။

ထောင်၊ အချုပ် နှင့် ပတ်သက်သော ကိစ္စ ၊ ဆေးရုံ/ဆေးခန်း ကိစ္စ ၊ တရားဥပဒေ အမှုအခင်း ကိစ္စ ၊ နာရေး ကိစ္စ ၊ သေဆုံးခြင်း / သုဿာန် / သင်္ချိုင်း စသည့် ကိစ္စများ ၊ သွေးထွက်သံယို ကိစ္စများ ၊ လူအစုလိုက် အပြုံလိုက် ထိခိုက်ဒဏ်ရာ ရခြင်း ၊ သေဆုံးခြင်း ကိစ္စများ ၊ မိမိကိုယ်ကို သတ်သေခြင်းကိစ္စ၊ လူသတ်မှု ဖြစ်ပွားခြင်း ကိစ္စ ၊ မော်တော်ကား / လေယာဉ် / သင်္ဘော / မီးရထား Accident အမျိုးမျိုး ၊ ကူးစက်ရောဂါ နှင့် ကပ်ရောဂါ ဆိုင်ရာ ကိစ္စများ ၊ ရာသီဥတုဖောက်ပြန်ခြင်း နှင့် သဘာဝဘေးအန္တရာယ် အမျိုးမျိုး ၊ ရာဇ၀တ်မှု အမျိုးမျိုး ၊ မီးလောင်ခြင်း နှင့် ပေါက်ကွဲခြင်း ကိစ္စများ ၊ သြဇာကြီးမားသော အုပ်ချုပ်ရေးခေါင်းဆောင် / ဘာသာရေး ခေါင်းဆောင်များ ၏ ကျန်းမာရေး နှင့် နာရေး သတင်းများ၊  နာမည်ကြီး ပုဂ္ဂိုလ် (Celebrity)တို့၏ နာရေး သတင်းများ၊ နာမ်လောက ဆိုင်ရာ ကိစ္စများ ၊ စုန်း/ကဝေ/ အောက်လမ်းပညာ ဆိုင်ရာ ကိစ္စများ ၊ လောကီပညာ ဆိုင်ရာ ကိစ္စများ ၊ ၀ိဉာဉ်ခေါ်ခြင်း/ နတ်ပူးခြင်း/ပယောဂ ဆိုင်ရာ ကိစ္စများ ၊ ၀ိပဿနာအကျင့်ဆိုင်ရာ ကိစ္စများ၊ တရားထူးရခြင်း ကိစ္စများ၊ အနာဂါမ် . . ရဟန္တာ အစရှိသော ပုဂ္ဂိုလ်ထူး ပုဂ္ဂိုလ်မြတ်များ . . စသည်များနှင့် ပတ်သတ်နေတတ်ပါတယ်။

ဒီလို ပတ်သက်မှုရှိရင် ဒီ “စနေတိုင်” ဟာ “ဆန်း ၀င်” / “နိမိတ်ဝင်” နေပြီ လို့ ပြောနိုင်ပါတယ်။

“စနေတိုင်” နဲ့ ပတ်သက်ရင် “မကောင်းတာမှန်သမျှ အားလုံးဖြစ်နိုင်တဲ့တိုင်” လို့ မှတ်ယူရပါမယ်။ လူ့လောကရဲ့ အနိဌာရုံ အားလုံးကို ကိုယ်စားပြုတဲ့ တိုင်ဖြစ်ပါတယ်။ ဒီိတိုင်မှာ “ကောင်းသတင်း” ဆိုရင်သာ မဖြစ်ဘဲ နေချင်နေမယ်/ မကောင်း သတင်းဆိုရင် မှန်တတ်ပါတယ်။ အင်္ဂါတိုင်လိုဘဲ အထူးသတိပြုရမယ့် တိုင်ဖြစ်ပါတယ်။

.

ဒီလို အခါတိုင်တွေရဲ့ “တိုင်အတိတ်/တိုင်နိမိတ်” ဖွင့်ဆိုချက်တွေကို သိထားရင် မိမိကြားသိရတဲ့ သတင်းအမှားအမှန်ကို ဆုံးဖြတ်ရာမှာ ပိုမိုအထောက်အကူ ဖြစ်နိုင်ပါလိမ့်မယ်။ ဗေဒင်လေ့လာစ ၀ါသနာရှင်အားလုံးအတွက် မိမိလေ့လာ တတ်သိသမျှထဲမှ ဝေမျှ ပေးခြင်းဖြစ်ပါတယ်။ အသုံးဝင်လိမ့်မယ်လို့ မျှော်လင့် ပါတယ်။

.

စာဖတ်သူ ညီအစ်ကိုမောင်နှမအားလုံး ကျန်းမာချမ်းသာကြပါစေ။

.

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

.

.

မိတ်ဆွေ ၊ ကျွန်တော်တို့ရဲ့ လူနေမှုဘ၀ထဲမှာ နေ့စဉ်နဲ့အမျှ စိတ်အနှောင့်အယှက်ဖြစ်စရာ ကိစ္စတွေ အများကြီးရှိပါတယ်။ နံနက်မိုးသောက် အိပ်ယာထ ကတည်းက ညဖက် အိပ်ချိန်ထိအောင် စိတ်အနှောင့်အယှက်ဖြစ်စရာတွေ အနည်းနဲ့အများ ဆိုသလို ရှိနေတာပါ။ အိမ်မှာ မိသားစုနဲ့ စကားပြောပေါက် မတည့်တာတွေ၊ ရုံးသွားချိန်မှီအောင် ကြိုးစားလုပ်ရတာတွေ၊ ဘတ်စ်ကား နောက်ကျတာတွေ၊ Traffic Jam ဖြစ်နေတာတွေ၊ အလုပ်ခွင်မှာ အထက်လူကြီး အဆူခံရတာတွေ၊ ကိုယ့်အပေါ် မကြည်မလင်ဖြစ်နေတဲ့ လုပ်ဖော်ကိုင်ဖက်တွေနဲ့ ဆက်ဆံရတာတွေ၊ ရပ်ဝေးမှာ ရောက်နေတဲ့ မိဘတွေ / သားသမီးတွေရဲ့ ကျန်းမာရေးကို လှမ်းပြီး ပူပင်ရတာတွေ . . . စတဲ့ စတဲ့ မရေမတွက်နိုင်အောင် များပြားလှတဲ့ စိတ်သောက Stress တွေကို နေ့စဉ်နဲ့ အမျှ ရင်ဆိုင် ဖြေရှင်းနေရတာပါ။

ဒီလို ကိုယ့်ကိစ္စနဲ့ကိုယ် စိတ်သောက များရတဲ့အထဲမှာ မကြာမကြာဆိုသလို ပေါ်လာတတ်တဲ့ စိတ်အနှောင့်အယှက် ဖြစ်စရာ ကိစ္စ တစ်ခုကလည်း ရှိပါသေးတယ်။ အဲဒါကတော့ အများသိကြတဲ့ “ကောလာဟလ” ပါ။ (အများစုကတော့ “ကောလဟာလ” လို့ ပြောကြ ရေးကြပါတယ်။ ဒါပေမယ့် “သတ်ပုံ” အမှန်က “ကောလာဟလ” ဖြစ်ပါတယ်)

.

အချို့ ကောလာဟလတွေဟာ ကိုယ်နဲ့ တိုက်ရိုက် မပတ်သတ်တဲ့ ကိစ္စမို့လို့ စိတ်အနှောင့် အယှက် မဖြစ်ရပေမယ့် ကိုယ်နဲ့ သက်ဆိုင်လာရင်တော့ စိတ်အနှောင့် အယှက် အတော်ဖြစ်ရပါတယ်။ Student Pass ဆက်ပြီး သက်တမ်းတိုး မပေးတော့ဘူး ဆိုတဲ့ ကောလာဟလမျိုးကျတော့ မြန်မာနိုင်ငံထဲမှာ နေတဲ့ လူအတွက် သိပ်မထိခိုက် နိုင်ပေမယ့် နိုင်ငံခြားမှာ ကျောင်းသား ဗီဇာနဲ့ အလုပ်လုပ် နေသူတွေအတွက်တော့ အတော်လေးကို စိတ်အနှောင့်အယှက် ဖြစ်ရပါတယ်။

.

လေမုန်တိုင်း တိုက်လိမ့်မယ်၊ ငလျင်လှုပ်လိမ့်မယ် ၊ 2010 မှာ ကမ္ဘာပျက်မယ် . . စတဲ့ သဘာဝ ဘေးဥပဒ်ဆိုင်ရာ ကောလာဟလ တွေကလည်း လူသားတိုင်းကို ထိန့်လန့်တုန်လှုပ်စေပါတယ်။

ဘယ်မင်းသမီးကတော့ ဘယ်သူနဲ့ လက်ထပ်တော့မှာတဲ့။ ဘယ်မင်းသားကတော့ ဘယ်သူနဲ့ တိတ်တိတ်လေး လက်ထပ် ထားတယ်တဲ့ ဆိုတဲ့ ကောလာဟလ မျိုးတွေကတော့ အမျိုးသမီးကြိုက် ကောလာဟလ လေးတွေပေါ့။

.

အများသိကြတဲ့အတိုင်း ကောလာဟလတွေရဲ့ (၇၀)% ဟာ “လံကြုပ်” တွေသာလျှင် ဖြစ်ပြီး အစစ်အမှန် မဟုတ်ကြပါဘူး။ ကောလာဟလကို ထုတ်လွှင့်ကြတဲ့ သူတွေကလည်း မိမိတို့ကိုယ်တိုင် မြင်ရ ကြားရသည့်နှယ် ထုတ်လွှင့်တတ်ပါတယ်။ ဒီကြားထဲ တစ်ယောက်နဲ့ တစ်ယောက် ကောလာဟလကို လက်ဆင့်ကမ်းကြတဲ့ နေရာမှာလည်း နဲနဲစီ ချဲ့ချဲ့ သွားလိုက်တာ မူလက (၅)ကျပ်သားလောက်သာ ရှိတဲ့ ကောလာဟလ တစ်ခုဟာ နောက်ဆုံးမှာ (၁)ပိသာလောက် ဖြစ်သွားရတော့ တာပါဘဲ။

ကောလာဟလ တစ်ခုကို ထုတ်လွှင့်သူဟာ သူကိုယ်တိုင် မျက်မြင်ကိုယ်တွေ့ တွေ့ခဲ့ရတဲ့ ပုံစံမျိုး ထုတ်လွှင့်လေ့ ရှိတာကို ကိုယ်တွေ့လေးတစ်ခု ပြောရဦးမယ်။
.
လွန်ခဲ့တဲ့ (၃)(၄) နှစ်လောက်က ကျွန်တော် ဗိုလ်တထောင်မြို့နယ် (၄၉)လမ်းမှာ နေထိုင်စဉ်ကပေါ့ဗျာ။ တစ်ညနေ အိမ်ရှေ့ အပေါ်ထပ် ၀ရံတာမှာ ပက်လက်ကုလားထိုင်တစ်လုံးနဲ့ စာဖတ်နေတုန်း မျက်နှာချင်းဆိုင် (၈)ထပ်တိုက်ပေါ်က အဖိုးကြီး အဖွားကြီးတွေ တုန်ချိ တုန်ချိ နဲ့ ဆင်းလာလိုက်ကြတာ အစီအရီဘဲဗျို့။ လမ်းမပေါ် ကြည့်လိုက်တော့လည်း လူတွေ ဟိုနေရာမှာ တစ်စု ၊ ဒီမှာ တစ်စုနဲ့ တီးတိုးတီးတိုး သဖန်းပိုး လုပ်နေကြသဗျာ။ သူတို့မျက်နှာတွေ ပေါ်မှာလည်း တစ်ခုခုကို စိုးရိမ် မကင်း တဲ့ အမူအရာတွေနဲ့။

ကျွန်တော်လည်း မီးဖိုချောင်ထဲမှာ ရောက်နေတဲ့ ဇနီးဖြစ်သူ လှမ်းခေါ်လိုက်ရင်း “မိန်းမ ရေ – လူတွေ စုစု, စုစု နဲ့ ဘာတွေ များ ဖြစ်ကုန်လည်း ဆင်းပြီးမေးစမ်းပါဦးကွာ” ဆိုပြီး စုံစမ်းခိုင်းလိုက်ရတယ်။ ခဏနေတော့ ဇနီးဖြစ်သူ ပြန်တက်လာပြီး “ငလျင်လှုပ်မှာတဲ့ တော်ရေ – မြန်မာ့အသံကကော / မြ၀တီကပါ ကြေငြာတာတဲ့ – အခု ညနေ (၄)နာရီ ခွဲတိတိမှာ ငလျင်ကြီး လှုပ်မှာ ဆိုလို့ တိုက်ပေါ်ကလူတွေ ပြေးဆင်းလာကြတာတဲ့” ပြောပြီး သူပါ ဆင်းပြေးဖို့ ကလေးတွေကို အော်ခေါ် တော့တာကိုး ဗျ။

“ဟဲ့ ဟဲ့ – နေစမ်းပါဦး ၊ မိန်းမရ ၊ ငလျင်ဆိုတာ ဒီလို နာရီအတိအကျနဲ့ ကြိုသိလို့ ရနိုင်တဲ့ ကိစ္စမဟုတ်ပါဘူးကွာ၊ အလွန်ဆုံး လှုပ်ခါနီး စက္ကန့်ပိုင်းလို့ အလိုမှာသာ သိချင်သိရတတ်တာမျိုးဟ ၊ ငါ မသိသေးတဲ့ နည်းပညာ အသစ်တွေ ပေါ်နေရင်တော့ မပြောတတ်ဘူး၊ မင်းဟာ – ကောလာဟလ ကြီးနဲ့ တူပါတယ် ကွာ” ပြောတော့ – ဇနီး ဖြစ်သူက

“ရှင့်ဟာရှင် ကောလဟာလ လုပ်နေ ၊ ဟိုမှာ မျက်စောင်းထိုးအိမ်က “မခင်ခင်ရွှီး ” ကိုယ်တိုင် တီဗွီမှာ ကြည့်လိုက်ရတာ တဲ့ ၊ အပေါ်က သတင်းကြေငြာပြီး အောက်မှာ စာတန်းလေးနဲ့ ထိုးပြသွားတာတဲ့ ။ သူ့မျက်စေ့နဲ့ သေသေချာချာ ဖတ်လိုက် ရတာပါဆိုပြီး အိမ်ပေါက်စေ့ သတင်းလိုက် ပေးနေလေရဲ့။ ရှင့်ဟာရှင် မယုံလည်း နေခဲ့။ ကျုပ်နဲ့ ကလေးတွေကတော့ အောက်ကို ဆင်းပြီတော်ရေလို့ ပြောပြီး ကလေးတွေကို ခေါ်ပြီး လမ်းမပေါ် ဆင်းသွားတော့တာပေါ့ဗျာ။

ဒါနဲ့ ကျွန်တော်လည်း ပက်လက်ကုလားထိုင်ပေါ်မှာ တစ်ယောက်ထဲ ငူငူကြီး ထိုင်ပြီး ကျန်နေခဲ့တော့တာပေါ့ဗျာ။ ထိုင်ရင်း နဲ့ စဉ်းစားကြည့်တယ်။ ကျွန်တော်လည်း မြန်မာ့သတင်း /ကမ္ဘာ့သတင်း အတော်များများကို လက်မလွှတ်ပါဘူး။ ဖတ်ဖြစ်ပါတယ်။ ဒါပေမယ့် ငလျင် မလှုပ်ခင် နာရီပိုင်းလောက်အထိ ကြိုသိနိုင်တဲ့ စက်သော်၎င်း၊ နည်းပညာသော်၎င်း ပေါ်နေပြီလို့ မကြားမိလိုက်ပါဘူး။ မဟုတ်မှ လွဲရော – ငါတို့ မြန်မာနိုင်ငံကများ ကမ္ဘာ့ပထမဆုံး ငလျင်တိုင်းတာရေး စက်ကိုများ ဦးဦးဖျားဖျား တီထွင်လိုက်ပြီလားလို့တောင် တွေးမိလိုက်သေးသဗျ။

.

နောက်တော့မှ “တတ်သည့်ပညာ မနေသာ” ဆိုတာလို ကိုယ်တတ်ထားတဲ့ ပညာလေးကိုဘဲ အားကိုးပြီး ဒီကောလဟာလ မှန်/မမှန် ကို ချတွက်လိုက်ရတော့တယ်ဗျ။ နည်းက လွယ်တော့ (၁၀)စက္ကန့်အတွင်း အဖြေထွက်ပါတယ်။ စိတ်တွက်ပါဘဲ။ အဖြေက လုံးဝ ကောလာဟလ ကြီးပါတဲ့။ ဒီတော့ ကျွန်တော်လည်း (ကိုယ့်ပညာကိုယ် ယုံတာမို့) ဖတ်လက်စ စာအုပ်ကို အေးအေးဆေးဆေး ဆက်ပြီး ဖတ်နေလိုက်တော့တယ်။ ဒီ ကောလာဟလကို ခေါင်းထဲကနေ ချက်ခြင်းထုတ်ပစ် လိုက်ပါတယ်။

.

နောက်တော့ (၄)နာရီခွဲလည်း ငလျင်က မလှုပ်၊ (၅)နာရီထိုးလည်း ငလျင်က မလှုပ်တော့ ကျွန်တော့်မိန်းမနဲ့ ကလေးတွေလည်း (မျက်နှာ စပ်ဖြီးဖြီးနဲ့) ပြန်တက် လာကြသဗျာ။ ကြောက်တတ်တဲ့ အဖိုးကြီး အဖွားကြီးတွေကတော့ ညနေ (၆)နာရီ ကျော်လောက်မှ ကိုယ့်တိုက်ပေါ်ကို ပြန်တက်ရဲ ကြတော့ပါတယ်။ စောစောက လွှားလွှား , လွှားလွှား နဲ့ ၀ါဒဖြန့်ချိရေးမှူး လုပ်နေတဲ့ “မခင်ခင်ရွှီး” တစ်ယောက်ကတော့ “ကြက်ပျောက် ငှက်ပျောက်” ပျောက်သွားလေရဲ့။
.
နောက်နေ့မှာ မြ၀တီရုပ်သံလိုင်း မှာ အလုပ်လုပ်နေတဲ့ သူငယ်ချင်းတစ်ယောက်ကို ဖုန်းဆက်ပြီး မနေ့က ဒီလိုသတင်း လွှင့်သေးလား မေးကြည့်တော့ သူတောင် လုံးဝမသိလို့ အံ့သြနေတယ်။ မလွှင့်ပါဘူးတဲ့။ မြန်မာ့အသံကလည်း ထိုနည်း၎င်း ပါဘဲ။ ဘယ်သူမှ မလွှင့်ပါဘူး။ ဒါကို ဟို “မခင်ခင်ရွှီး” တစ်ယောက်ကတော့ သူကိုယ်တိုင် ကြည့်လိုက်ရ ပါတယ်ဆိုပြီး သတင်းလျှောက် ဖြန့်တာကို တော်တော် အံ့သြ မိပါတယ်။ ဒါကြောင့် သတင်းတစ်ခုကို လာပေးသူဟာ သူကိုယ်တိုင် မြင်ခဲ့ရ၊ တွေ့ခဲ့ရ တာပါဆိုတိုင်းလည်း မယုံလေနဲ့ ကိုယ့်လူရေ။

.

ကျွန်တော်တို့ “မြန်မာ့ရိုးရာ ဗေဒင်ပညာ” မှာ ကောလာဟလ တစ်ခုကို မှန်/မမှန် စစ်ဆေးတဲ့ နည်းလမ်းတွေ ရှိပါတယ်။ တနည်းထဲမဟုတ်ဘဲ နည်းလမ်းပေါင်း များစွာ ရှိပါတယ်။ မှန်ကန် စိတ်ချရမှု ရာနှုံးကလည်း (၉၀)% ထက် မနည်းပါဘူး။ လွယ်လည်း အင်မတန် လွယ်ကူပါတယ်။

ဒါကြောင့် ယနေ့ ပို့စ်မှာ “ကောလာဟလ” တစ်ခု မှန်/မမှန်ကို အလွယ်တကူ စစ်ဆေးနည်းကို တင်ပြပေး သွားပါမယ်။ ဗေဒင်ပညာ လုံးဝမတတ်သူများကိုပါ တွက်ချက်နိုင်အောင်ပါ။ နည်းလေးကတော့ “အင်္ဂ၀ိဇ္ဇာ” နည်းလေးပါဘဲ။ တစ်ချို့လည်း အင်္ဂ၀ိဇ္ဇာတိုင် ထူတတ်ကြပါလိမ့်မယ်။ ထူတတ်တတ် မထူတတ်တတ် အရေးမကြီးပါဘူး။ အသင့်သုံး ဇယားလေးတွေကို အသုံးပြုပြီး တွက်ကြည့်ရုံပါဘဲ။ ပထမဆုံး အောက်က ဇယားလေးကို ကူးယူလိုက်ကြရအောင်။

ဒါကို အင်္ဂ၀ိဇ္ဇာ ဇယားလို့ခေါ်ပါတယ်။

.

ဇယား (က)

.
ဒီဇယားမှာ ဘယ်ဖက်(Day) လိုင်းမှာ နေ့ (၇)နေ့ပါပြီး အပေါ်ဖက် (Time) လိုင်းမှာ မနက် (၆)နာရီ ကနေ ညနေ (၆)နာရီ အထိ (၁၂)နာရီ အချိန်ကို (၁)နာရီခွဲစီ (၈)ပိုင်းပိုင်းခြားထားပါတယ်။

.

ဥပမာ ဗုဒ္ဓဟူးနေ့ မနက် (၁၀)နာရီမှာ သတင်းတစ်ခုကို ကြားတယ်ဆိုပါတော့။ ဒီဇယားလေးကို ကြည့်လိုက်ပါ။ လက်ဝဲဖက်က ဗုဒ္ဓဟူး နေ့ အကွက်ကနေ ညာဖက်ကို ဆွဲသွားရင် (၉း ၀၀) – (၁၀း ၃၀)အကွက်ထည်းမှာ သွားပြီး ဆုံလိမ့်မယ်။ (မနက် – (၁၀)နာရီ ဆိုတော့ (၉) နာရီ နဲ့ (၁၀)နာရီခွဲ ကြားပေါ့နော်)
အဲဒီမှာ (၀) ဆိုတဲ့ ဂဏန်းလေးကို တွေ့လိမ့်မယ်။ (၀) ဆိုတာ “စနေအခါ” ကို ဆိုလိုတာပါ။ အဲဒီအချိန်ဟာ “စနေတိုင်/ စနေအခါ” ထဲကို ကျရောက်နေပါတယ်။

.ဒီတော့ ဂဏန်းနံပါတ်တွေကို “အခါအမည်/တိုင်အမည်” တပ်ကြရအောင်။
.
၁= တနင်္ဂနွေအခါ / တနင်္ဂနွေတိုင်

၂ = တနင်္လာအခါ / တနင်္လာတိုင်

၃ = အင်္ဂါအခါ / အင်္ဂါတိုင်

၎= ဗုဒ္ဓဟူးအခါ / ဗုဒ္ဓဟူးတိုင်

၅ = ကြာသပတေးအခါ / ကြာသပတေးတိုင်

၆= သောကြာအခါ / သောကြာတိုင်

ဝ = စနေအခါ / စနေတိုင်
.
ဒီလို အခါတိုင်တွေကို ရပြီဆိုရင် တိုင်တစ်တိုင်မှာ ရှိတဲ့ သက်ဆိုင်ရာ ဂြိုဟ်တွေကို ကြည့်ပြီး ကောလာဟလကို အမှန်/အမှား ကောက်ယူနည်းကို လေ့လာ ကြည့်ကြရအောင်။

.

တနင်္ဂနွေအခါ နှင့် တနင်္ဂနွေတိုင်

ဇယားကွက်မှာ (၁) ဆိုတဲ့ ဂဏန်းလေးကို တွေ့တာတဲ့ ဒါဟာ တနင်္ဂနွေအခါ(သူရဇ္ဇအခါ) ဖြစ်ပြီး သူ့ရဲ့ အခါတိုင်လေးကို ဒီလိုတွေ့ရလိမ့်မယ်။

ဒီတိုင်မှာ လိမ္မော်ရောင် ပြထားတဲ့ အကွက်က တနင်္ဂနွေ အခါကို ပြတာဖြစ်ပြီး သူ့အပေါ်မှာ ဂြိုဟ် (၃)လုံး၊ အောက်မှာ ဂြိုဟ် (၃)လုံး ရှိမယ်။ အပေါ်ဂြိုဟ် (၃)လုံးက “ကြာသပတေး(၅) ၊ တနင်္လာ(၂) နဲ့ သောကြာ(၆)” တို့ဖြစ်တယ်။ အောက်ဂြိုဟ် (၃)လုံးက ဗုဒ္ဓဟူး(၄) ၊ စနေ (၀) နဲ့ အင်္ဂါ (၃) တို့ဖြစ်တယ်။ ဟုတ်ပြီ – ဒီတိုင်ကို ရတာနဲ့ ကောလာဟလ တစ်ခုကို ဘယ်လို အမှားအမှန် ခွဲခြားမလဲ။ လွယ်ပါတယ်။

.

(က) ကောလာဟလကို လာပြောသူရဲ့ နေ့နံကို ကောက်လိုက်ပါ။ တနင်္ဂနွေသားဆိုရင် (၁) ၊ တနင်္လာသားဆိုရင် (၂) .  .  .  ဒီလောက်တော့ သိပါတယ်နော်။ တကယ်လို့ သူ ဘာနေ့သားသမီးဆိုတာ မသိရင် မေးမနေပါနဲ့။ သူ့နာမည်တော့ သိမှာပေါ့။ သူ့နာမည် ရဲ့ ရှေ့ဆုံးအလုံးကို နေ့ကို ယူလိုက်ပါ။ ဥပမာ -  “မိုးမိုး” ဆိုရင် ကြာသပတေး (၅)ပေါ့။ “တိုးတိုး” ဆိုရင် စနေ (၀) ပေါ့။

.

(ခ) ဒီ ကောလာဟလကို ကြားတဲ့နေ့ ရဲ့ နေ့နံကို ယူလိုက်ပါ။ ဥပမာ – “တိုးတိုး” က ကိုယ့်ကို ပြောတဲ့နေ့ဟာ အင်္ဂါနေ့ ဆိုရင် (၃)ဂဏန်းကို ယူရပါမယ်။

.

(ဂ) ကိုယ့်ရဲ့ မွေးနံကို ယူပါ။ ကိုယ်က ဗုဒ္ဓဟူးသား ဆိုပါဆို့။ ကိုယ့်အတွက် (၄)ဂဏန်းကို ယူရပါမယ်။

.
ဒီတော့ ကောလာဟလ တစ်ခုကို မှန်/မမှန် ဆန်းစစ်ဖို့ ကိုယ့်မွေးနံ ရယ်၊ လာပြောတဲ့ သူရဲ့ မွေးနံရယ် ၊ အဲဒီ နေ့ရဲ့ နေ့နံ ရယ် (၃)ခုသိရင် အလုပ်ဖြစ်ပါပြီ။
အဲဒီတော့ “တိုးတိုး” ဆိုတဲ့ သူက အင်္ဂါနေ့၊ တနင်္ဂနွေ အခါမှာ “သတင်းတစ်ခု တီးတိုး” လာပြောတယ် ဆိုပါစို့။ သူပြောတဲ့ ကိစ္စက တကယ်လား ကောလာဟလ လားဆိုတာကို တနင်္ဂနွေတိုင်နဲ့ မှတ်ကျောက်တင်ကြည့်ရပါမယ်။

.

(က) တိုးတိုးက စနေသား – နံပါတ် (၀)  ၊ တနင်္ဂနွေတိုင်ရဲ့ အောက် ဒုတိယနေရာမှာ ရှိတယ်။

(ခ) လာပြောတဲ့ နေ့က အင်္ဂါနေ့ – နံပါတ် (၃) ၊ တနင်္ဂနွေတိုင်ရဲ့ အောက်ဆုံးမှာ ရှိတယ်။

(ဂ)  ကိုယ်က ဗုဒ္ဓဟူးသား – နံပါတ် (၄) ၊ တနင်္ဂနွေတိုင်ရဲ့ အောက်ကပ်လျှက် နေရာမှာ ရှိတယ်။
.
(က) (ခ) (ဂ) အချက် (၃)ချက်လုံး တိုင်ရဲ့ အောက်မှာချည်း ရှိနေကြလို့ “တိုးတိုး” လာပေးတဲ့ သတင်းဟာ လုံးဝမှားယွင်းတဲ့ သတင်း ဖြစ်ပါလိမ့်မယ်။ ကောလာဟလ သတင်းကြီးပါ။
.
ကျန်တဲ့ တိုင် (၆)တိုင်ကိုလည်း ဒီနည်းနဲ့ဘဲ ဆုံးဖြတ်ရပါလိမ့်မယ်။ ပထမဆုံး နေ့ကိုကြည့်ပြီး ဘာအခါလဲ ဆိုတာရှာ/ အခါရပြီဆိုရင် တိုင်ထူ။ တိုင်ထူတာ နည်းလမ်းရှိပေမယ့် အဆင့်သင့် ထူပြီးသား တိုင်တွေကိုဘဲ သုံးလိုက်ပါ။ အောက်မှာ “အခါတစ်ခုစီအတွက် အသင့်ထူပြီးသား တိုင် (၇)တိုင်” ဇယား။
.

ဇယား (ခ)

ဇယား (က)မှာ (၁)ဂဏန်းကိုတွေ့ရင်  အခုဇယား (ခ)ထဲက – တနင်္ဂနွေတိုင်ကို ယူ ။ (၂)ဂဏန်းကိုတွေ့ရင်  တနင်္လာတိုင်ကို ယူ ။ (၃)ဂဏန်းကိုတွေ့ရင်  အင်္ဂါတိုင်ကို ယူ ။ (၄)ဂဏန်းကိုတွေ့ရင်  ဗုဒ္ဓဟူးတိုင်ကို ယူ ။ (၅)ဂဏန်းကိုတွေ့ရင်  ကြာသပတေးတိုင်ကို ယူ ။ (၆)ဂဏန်းကိုတွေ့ရင်  သောကြာတိုင်ကို ယူ ။ (၀)ဂဏန်းကိုတွေ့ရင်  စနေတိုင်ကို ယူ ။
ပြီးရင် – နေ့နံ (၃)ခု ဘယ်နေရာမှာရှိလဲ ဆိုတာ ရှာကြည့်။ လွယ်လွယ်လေးပါ။
.
ဒီတော့ အကျဉ်းချုပ်ကြည့်မယ်ဆိုရင်

(1) သူ့မွေးနံ ၊ ကိုယ့်မွေးနံ ၊ နေ့ – ဒီ ဂြိုဟ်(၃)လုံးဟာ  တိုင်အပေါ်ထိပ်မှာ အားလုံးရှိနေရင် ဒီသတင်းဟာ သတင်းမှန်ဖြစ်ဖို့ သေချာသလောက်ပါဘဲ။

(2) ဂြိုဟ် (၃)လုံးမှာ (၂)လုံးက အပေါ် ၊ တစ်လုံးက အောက်မှာ ဆိုရင် – ဒီသတင်းဟာ မှန်တော့မှန်တယ်၊ ဒါပေမယ့် မူလသတင်း နဲ့ ကွဲလွဲမှု အနည်းနဲ့ အများ ရှိနေတတ်တယ်။ အပြည့်အ၀ မမှန်ဘူး။ နဲနဲ လွဲနေမယ်။

(3) ဂြိုဟ် (၃)လုံးမှာ (၁)လုံးက အပေါ် ၊ နှစ်လုံးက အောက်မှာ ဆိုရင်တော့ – ဒီသတင်းဟာ သိပ်ပြီးတော့ မှန်ကန်တဲ့ သတင်း မဖြစ်နိုင်တော့ပါဘူး။ ကောလာဟလဘဲ ဖြစ်ဖို့ များပါတယ်။

(4) ဂြိုဟ် (၃)လုံးမှာ အားလုံး အောက်မှာချည်း ဖြစ်နေရင် ဒါ လုံးဝ ကောလာဟလ သက်သက်လို့သာ ဆုံးဖြတ်ချက် ချလိုက်ပါ။ စိတ်ပူစရာ လုံးဝမလိုတဲ့ ကိစ္စပါ။ အေးအေးဆေးဆေးပါ။

(5) ဂြိုဟ် (၃)လုံးမှာ (၂)လုံးကတော့ အပေါ်မှာ ရှိတယ်။ ဒါပေမယ့် တစ်လုံးကတော့ အလယ် (လိမ္မော်ရောင် ပြထားတဲ့ နေရာ) မှာဘဲ ရှိနေရင်တော့ ဒါဟာ ဒီသတင်းဟာ မပြီးပြတ်သေးဘူး။ နောက်ထပ် သတင်းနောက်ဆက်တွဲ လာဦးမယ်။ နောက်တခါ ဒီကိစ္စကို ပြန်ကြားရဦးမယ်။ အဲဒီမှာ နောက်တစ်ခါ ထပ်ပြီး ဆုံးဖြတ်ရဦးမယ့် သဘောကို ပြောတာပါ။ သတင်း အမှားအမှန် အပြတ် မပြောနိုင်သေးပါဘူး။

(6) ဒါပေမယ့် အလယ် (လိမ္မော်ရောင်ပြထားတဲ့နေရာ)မှာ ဂြိုဟ်တစ်လုံး ရှိပြီး ကျန်ဂြိုဟ် (၂)လုံးဟာ အောက် (၃)နေရာကို ရောက်နေရင်တော့ နောက်ဆက်တွဲသတင်းဘဲရှိရှိ ဒီသတင်းဟာ သတင်းမှားဘဲ ဖြစ်မှာပါ။
.
သူ့မွေးနံ ရယ် ၊ ကိုယ်မွေးနံ ရယ် ၊ နေ့ ရယ် – ဒီ (၃)လုံးမှာ ဘယ်နေ့နံက အရေးကြီးဆုံးလဲလို့ ပြောရရင်တော့ လာပြောတဲ့ လူရဲ့ မွေးနံက အဓိက အကျဆုံးပါ။ သူ့မွေးနံဟာ အောက် (၃)နေရာမှာ ရောက်နေရင် ကိစ္စတစ်ခုဟာ မှန်ဖို့ အလွန်ခဲယဉ်း ပါတယ်။

.

လာပြောတဲ့ လူ ဆိုရာမှာလည်း ကိုယ့်ဆီကို ဒီသတင်း အရောက်လာပို့သူကိုသာ အတည်ယူရမှာ ဖြစ်ပြီး မူလ စတင် ပြောကြားသူကို လိုက်ရှာစရာ မလိုပါဘူး။ အပေါ်က ကျွန်တော်အတွေ့အကြုံမှာ ပါတဲ့ ဇာတ်ကောင်တွေအရ ပြောရရင် “သတင်းစတင်ဖြန့်ချိသူ” “မခင်ခင်ရွှီး” ရဲ့ မွေးနံကို ယူစရာမလိုဘဲ ကျွန်တော့်ကို နောက်ဆုံးလာပြောတဲ့ ဇနီးဖြစ်သူရဲ့ မွေးနံ ကိုသာ ယူရမှာ ဖြစ်ပါတယ်။ ဒါလေး သတိထားရပါမယ်။

ရာခိုင်နှုန်း ကြိုက်သူတွေအတွက် (1) လာပြောတဲ့သူရဲ့မွေးနံအင်အား ရာနှုန်း = 50%  ၊  (2) ကိုယ့်မွေးနံ အင်အား ရာနှုန်း = 25% ၊ (3) သတင်းကြားတဲ့နေ့ ရာနှုန်း = 25 %   လို့ ယူဆတွက်ချက်နိုင်ပါတယ်။
.

ကိုယ်တိုင် ဆုံးဖြတ်ခဲ့ဘူးတဲ့အထဲက နမူနာလေး တစ်ခု တွက်ပြပါမယ်။

ယခုနှစ် (2010) ဧပြီလ (15) ရက် နေ့ကပါ။ အဲဒီနေ့က သင်္ကြန်အကြတ်နေ့ ဖြစ်ပါတယ်။ သင်္ကြန်ကာလဆိုရင် ဘယ်တော့မှ ရေပက်ခံ ထွက်လေ့မရှိလို့ အိမ်မှာဘဲ “ဗီဒီယို” တစ်ကားပြီး တစ်ကား ကြည့်နေတုန်း မန္တလေးမှာ နေတဲ့ “ယောက်ဖ” ဆီက ဖုန်းဝင် လာပါတယ်။ “ရန်ကုန် ကန်တော်ကြီးမှာ ဗုံးပေါက်တယ်ဆိုတာ ဟုတ်လား” တဲ့။

အဲဒါသာ ကြည့်တော့ဗျာ ။ ရန်ကုန်မှာ ဖြစ်တဲ့ကိစ္စ ရန်ကုန်က လူက မသိဘူး။ မန္တလေးက သတင်းရ နေပြီ။ မြန်လိုက်တဲ့ သတင်းဆက်သွယ်ရေး ခေတ်ကြီးပါလား ဟရို့။

ဒီတော့ ကျွန်တော်လည်း ဟိုဟို ဒီဒီ စုံစမ်းကြည့်ရတာပေါ့ဗျာ။ သတင်းက မသေချာဘူးဖြစ်နေတယ်။ ဟုတ်သလို မဟုတ်သလို။ ဒါနဲ့ဘဲ အထက်က နည်းအတိုင်း နာရီကို လှမ်းကြည့်ပြီး အင်္ဂ၀ိဇ္ဇာတိုင်လေး ကောက်ထူလိုက်တယ်။ အချိန်က (၃)နာရီခွဲ ၊ နေ့က ကြာသပတေးနေ့ဆိုတော့ “စနေအခါ ၊ စနေတိုင်” ရတယ်။ (ဇယားလေး ပြန်ကြည့်လိုက်ပါ)

.
အဲဒီနေရာမှ တစ်ခု သတိပြုဖို့က သူ့ဟာသူ ဟိုမှာ ဘယ်အချိန်မှာ ဗုံးပေါက်ပေါက် ၊ ပေါက်တဲ့အချိန်ကို မယူရပါ။ ဘယ်အချိန် ပေါက်ခဲ့တာလည်းလို့ ပြန်စုံစမ်းနေစရာ မလိုပါ။ ဒီသတင်းကို ကိုယ် စပြီး ကြားတဲ့အချိန်ကိုသာ အတည်ယူရပါမယ်။

.
စနေတိုင်

ကဲ – စ, တွက်ကြရအောင် ။
(က) သတင်းပေးသူ (ကျွန်တော့်ယောက်ဖ)က ကြာသပတေးသား = ၅ ဂဏန်း – - – အပေါ်ဖက် တတိယနေရာမှာ။
(ခ) သတင်းကြားတဲ့ နေ့က ကြာသပတေးနေ့ = ၅ ဂဏန်း . . . အပေါ်ဖက် တတိယ နေရာမှာဘဲ။
(ဂ) ကိုယ့်မွေးနံက ဗုဒ္ဓဟူးသား = ၄ ဂဏန်း . . . အပေါ်ထိပ်ဆုံးမှာ ။
.
ဒီတော့ – ဂဏန်း (၃)လုံး စလုံး အပေါ်မှာ ချည်းဘဲဗျ။ နောက်ပြီး “စနေတိုင်” ဆိုတာကလည်း ဆေးရုံ၊ သုဿာန်၊ အမှုအခင်း၊ ထောင်၊ အချုပ် ၊ သွေးထွက်သံယိုကိစ္စ၊ Accident ကိစ္စ . . .  စတဲ့ အနိဌာရုံတွေနဲ့ သက်ဆိုင်တဲ့ တိုင်ဖြစ်တယ်။ တိုင်အရလည်း “ဆန်း” ၀င်နေတယ်။
ဒီတော့ ဒီ(ဗုံးပေါက်တဲ့)ကိစ္စဟာ ကောလာဟလ မဟုတ်တော့ဘဲ တကယ်ဖြစ်သွားတဲ့ ကိစ္စတစ်ခုလို့ ချက်ခြင်း အတည်ပြုလိုက် နိုင်ခဲ့ပါတယ်။ နမူနာလေးပေါ့ဗျာ။

.

ကဲ – ကောလာဟလလေးများ ကြားခဲ့ရင် (၀ါသနာပါရင်) ဒီတွက်နည်းလေးနဲ့ တွက်ကြည့်ကြဦး။ နောက်ထပ် တွက်နည်းတွေ အများကြီး ရှိပါသေးတယ်။ အလျဉ်းသင့်သလို တင်ပြပေးသွားပါဦးမယ်။ ဇယား (က) နဲ့ ဇယား (ခ) ကို Print ထုတ်ပြီး ကျောဖက်ခြင်း ကော်ကပ်ပြီး အိတ်ထဲမှာ အမြဲဆောင်ထား။ ရောက်လေရာနေရာမှာ ဆုံးဖြတ်နိုင်တယ်။

ယေဘူယျကတော့ – ဂြိုဟ်အားလုံး အပေါ်ချည်းသာ ရှိနေရင် ဒီကိစ္စ အမှန် / ဂြိုဟ်အားလုံး အောက်မှာချည်း ရှိနေရင် ဒီကိစ္စ အမှား (ကောလာဟလ) လို့ တထစ်ချ ဆုံးဖြတ်နိုင်ပါတယ်။ ကျန် အပေါ် (၂)လုံး အောက်(၁)လုံးတို့/ အလယ်တစ်လုံး အောက်တစ်လုံး- အပေါ်တစ်လုံး တို့ကတော့ “အတွေ့အကြုံများလာမှ” အပိုင် ဆုံးဖြတ်နိုင်မှာ ဖြစ်ပါတယ်။ များများ တွက်ရင် များများ သိလာမယ်။ အတွေ့အကြုံလိုပါတယ်။ အတွေ့အကြုံကိုတော့ ကိုယ်တိုင် ဆည်းပူးယူရပါမယ်။ သင်ပေးလို့မရပါ။
.
အလည်လာ ဖတ်ရှုသူအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေ။
.
ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)
.

မှတ်ချက်။    ။ ဤ တွက်နည်းလေးသည် ဗေဒင်ပညာ မတတ်သူများအတွက်သာ ရည်ရွယ်ပါသည်။ ပညာရှင်များ အတွက်မူ စာမဖွဲ့လောက်သောကြောင့် မရည်ရွယ်ပါခင်ဗျား။

.

မိတ်ဆွေ ၊ ကျွန်တော်တို့ မနေ့က ဆွေးနွေးခဲ့တဲ့ “အိပ်မက်” . . (၁)ရဲ့ အဆက် အိပ်မက် . . (၂) ကို ဆက်ပြီး ဆွေးနွေး ကြရအောင်လား။

.

အိပ်မက်ဟာ လူသားတွေနဲ့ နာမ်လောကက ပုဂ္ဂိုလ်တွေ ဆက်သွယ်လို့ရတဲ့ နေရာတစ်ခုဖြစ်နိုင်တယ် ဆိုတဲ့ ကိစ္စကို ဆွေးနွေး ချင်ပါတယ်။ လူအတော်များများမှာ ဒီလို အတွေ့အကြုံမျိုး ရှိတတ်ကြပါတယ်။ ဘာလဲ ဆိုတော့ “ကွယ်လွန်သွားပြီးတဲ့” အဖိုးအဖွား၊ အမိ, အဘ ဆွေမျိုးတွေ ကိုယ့်ထံမှာ လာပြီး နေချင်တယ်လို့ အိပ်မက်ပေးပြီး သိပ်မကြာခင်မှာ ကိုယ်ဝန်ရှိ လာတာမျိုး တစ်ချို့မှာ ကြုံဘူးကြပါလိမ့်မယ်။

.

ကျွန်တော့်ရဲ့ ဒုတိယ သမီးဖြစ်သူကို မမွေးခင်မှာ ဒီလို အတွေ့အကြုံ ရှိခဲ့ဘူးပါတယ်။ ကျွန်တော်နဲ့ အလွန်ရင်းနှီးချစ်ခင်တဲ့ သူငယ်ချင်းတစ်ဦးဖြစ်သူရဲ့ မိခင် ဖြစ်သူဟာ “အဆုတ်ကင်ဆာ” နဲ့ ကွယ်လွန်သွားပြီး လ, အနည်းငယ်အကြာမှာ ကျွန်တော် အိပ်မက် မက်ပါတယ်။ အိပ်မက်ထဲမှာ သူငယ်ချင်းရဲ့ မိခင်ဟာ အိမ်ကိုရောက်လာပြီး “သူ” ဒီအိမ်မှာ နေချင်ကြောင်း ၊ နေလို့ ရမလား ဆိုပြီး မေးပါတယ်။

.

ကျွန်တော်လည်း ၀မ်းသာအားရနဲ့ နေလို့ရကြောင်း ပြန်ပြောလိုက်ပါတယ်။ ခဏနေတော့ သူ အိမ်သာတက်ချင်ကြောင်း ပြောလို့ အိမ်သာကို လိုက်ပို့ပေးလိုက်ပါတယ်။ အိမ်သာထဲမှာ အချိန်အတော်ကြာနေလို့ အပြင်ကနေ ခေါ်ကြည့်တော့လည်း ပြန်မထူးတာနဲ့ စိတ်ပူပြီး အိမ်သာတံခါးကို ရိုက်ချိုးကြည့်လိုက်တော့ အဖွားကြီး မရှိတော့ပါဘူး။ အနှီးထုပ် ထဲမှာ ထွေးထားတဲ့ “မွေးခါစ, ကလေးငယ်လေး” ကိုသာ တွေ့လိုက်ရပါတယ်။ နောက် ရက်သတ္တပါတ် (၂)ပါတ်လောက်ရှိတော့ ကျွန်တော့်ဇနီးမှာ ကိုယ်ဝန်ရ လာပါတယ်။ မွေးလာတော့ မိန်းကလေးပါ။ ကျွန်တော့်ရဲ့ ဒုတိယ သမီးဖြစ်ပါတယ်။

.

ဒီနေရာမှာ “လူဝင်စားတစ်ဦး” ပြန်ပြောပြတဲ့ အကြောင်းလေးတစ်ခုကို ပြောပြပါဦးမယ်။ ဒီလူဝင်စား မိန်းကလေးဟာ ကျွန်တော့်ရဲ့ မိတ်ဆွေတစ်ဦးထံမှာ အလုပ်လုပ်တဲ့ အလုပ်သမလေး တစ်ဦးပါ။ သူဟာ သူ့ရဲ့ ယခင်ဘ၀ဟောင်းကို အသေးစိတ်မှတ်မိသူ ဖြစ်ပါတယ်။ ယခင်ဘ၀က သူဟာ ယောင်္ကျားလေးပါ။ မိန်းမ နဲ့ ကလေးတွေ ရှိပါတယ်။ အလုပ်အကိုင်က “ထန်းလုပ်သား” ပါ။ “ထန်းလုပ်သား” ဆိုတာ ထန်းပင်တွေတက်တယ်၊ ထန်းနို့ လှီးတယ် ၊ ထန်းရေ ခံတယ်၊ ထန်းလျက် ချက်တယ် . . စတဲ့ အလုပ်အကိုင်တွေကို လုပ်ကိုင်သူ ဖြစ်ပါတယ်။

တစ်နေ့မှာ သူဟာ ထန်းပင်ပေါ်မှာ “ထန်းနို့” လှီးရင်းနဲ့ သူ့လက်ကောက်ဝတ်ကို ထန်းလှီးဒါးနဲ့ ချော်ပြီး လှီးမိသားပါတယ်။ “ထန်းလှီးဒါး” ဆိုတာ မြင်ဘူးကြမလား မသိဘူး။ အလွန် အသွားထက်တဲ့ ဒါးပါ။ အဲဒီမှာ တစ်ခါတည်း သူ့ရဲ့ လက်ကောက်ဝတ် “သွေးလွှတ်ကြောမကြီး” ပြတ်ထွက်သွားပြီး သွေးတွေ “ထောင်ပန်း”လာပါတယ်။ သူလည်း ကြောက်အားလန့်အားနဲ့ ထန်းပင်ပေါ် ကနေ အမြန် ဆင်းလာပါတယ်။ ထန်းပင်အောက် ရောက်တော့ သူ သတိမေ့သွားပါတယ်။

ဒါပေမယ့် ချက်ချင်းလို သတိပြန်ရလာပြီး သူ, ကြောက်အားလန့်အားနဲ့ လျှောက်ပြေး နေပါတယ် တဲ့။ သူ့ကိုယ်သူ ဘာဖြစ် သွားမှန်း သူမသိပါဘူး။ သူ သတိထားမိတာတစ်ခုက အဲဒီလို လျှောက်ပြေးနေတဲ့ အချိန်မှာ သူ့ကိုယ့်ခန္ဓာဟာ အလွန်ပေါ့ပါး နေတာ ကိုပါဘဲ။ ဒီတော့မှ သူ သေဆုံးပြီး တစ္ဆေဘ၀ကို ရောက်သွားတာကို သိလိုက်ပါတယ်။ တစ္ဆေဘ၀မှာ သူ (၂)လ လောက်ဘဲ နေခဲ့ရပါတယ်။ (တစ္ဆေဘ၀မှာ နေရခိုက် အလွန်ဆန်းကြယ်လှတဲ့ သူ့ရဲ့ တမလွန်ဘ၀ အတွေ့အကြုံတွေကို “တစ္ဆေ” လို့ အမည်ပေးထားတဲ့ နောက်ဆောင်းပါးတစ်ခုမှာ အသေးစိတ်ရေးပါဦးမယ်)

နောက် (၂)လလောက် ကြာတော့ သူ အိမ်ကို လွမ်းလာပါတယ်။ သားသမီးတွေ နဲ့ ဇနီးကို သတိရလာပါတယ်။ ဒါနဲ့ သူ့အိမ်ကို ပြန်လာပါတယ်။ အိမ်ရှေ့မှာ သူ့အမေ တံမျက်စည်းလှဲနေတာကိုတွေ့ပါတယ်။ သူ့ကိုတွေ့တော့ “မင်း အခုမှ ပြန်လာရသလား” လို့ မေးပြီး ပြုံးပြုံးကြီး ကြည့်နေပါတယ်တဲ့။ သူက “အမေ . . ကျွန်တော် အမေ့ဆီမှာ လာနေချင်လို့ လာပြောတာပါ . . နေလို့ ရမလား” လို့ မေးတော့ သူ့အမေက “ဟဲ့ – ငါက သွေးဆုံးနေပြီဟဲ့ . . နင့်အမ, ဆီကို သွားပြောပါလား” လို့ ပြန်ပြောတာနဲ့ သူလည်း သူ့အစ်မဆီကို သွားပြီး “အစ်မရေ . . ငါ နင်တို့အိမ်ကို လာနေချင်တယ်” လို့ ပြောလိုက်တော့ အစ်မလုပ်တဲ့သူက ၀မ်းသာအားရနဲ့ “နင် လာနေချင်ရင် နေလေ” လို့ ပြောလိုက်ပါတယ်။ ဒါနဲ့ သူလည်း အစ်မထံထံမှာ ၀င်စားလိုက်ပြီး လူ့ဘ၀ကို ပြန်ရောက်လာပါတယ်။

ဒီနေရာမှာ စိတ်ဝင်စားစရာ ကောင်းတာက “သူ့အမေ နဲ့ အစ်မ” ကို သွားပြောလိုက်တာဟာ အိပ်မက်ထဲမှာ မဟုတ်ပါဘူး တဲ့။ ဒီလိုဘဲ နေ့ခင်းအချိန်မှာ မျက်နှာချင်းဆိုင်ပြီး ပြောလိုက်တာမျိုးပါဘဲ တဲ့။ လူ လူချင်း အပြင်ဘက်မှာ တွေ့ကြ သလိုပါဘဲ တဲ့။ ဒါပေမယ့် သူ့အမေ နဲ့ သူ့အစ်မက (သူ ၀င်စားပြီး ကြီးလာတဲ့အခါ ပြန်ပြောပုံအရ) အိပ်မက်ထဲမှာ လာပြောတာ ပါတဲ့။ သူက အမေ နဲ့ အစ်မကို ဒီအတိုင်း သွားပြောလိုက်တယ်။ အမေ နဲ့ အစ်မက ဒါကို အိပ်မက်အဖြစ် မက်တယ်။ ဒီနေရာမှာ ကွဲလွဲချက်တစ်ခု ဖြစ်နေပြီး ဒီကွဲလွဲချက်ဟာ အတော် စိတ်ဝင်စားစရာပါ။

သူပြောပုံအရဆိုရင် ၀ိဉာဉ်လောကထဲက သူတွေဟာ လူသားတွေနဲ့ မျက်နှာချင်းဆိုင် တွေ့နိုင်ပြောနိုင်ပြီး အိပ်မက်တွေဘာတွေ ပေးစရာမလိုဘူး . . လူသားတွေကတော့ ၀ိဉာဉ်လောကထဲက လူတွေကို အိပ်မက်ထဲမှာသာ တွေ့ခွင့်ရတယ် ဆိုတဲ့ အဓိပ္ပါယ်မျိုး ဖြစ်နေတယ်။ “အိပ်မက်” ဟာ လူသားတွေ နဲ့ ၀ိဉာဉ်လောကသားတွေရဲ့ တွေ့ဆုံပေါင်းကူးရာ နေရာတစ်ခုလို့ ယူဆရမလို ဖြစ်နေ ပါတယ်။ ဒါကြောင့် အိပ်မက် မက်တယ်ဆိုတာ လူသားတွေ ၀ိဉာဉ်လောကထဲကို ရောက်သွားတာဖြစ်တယ်လို့ ယူဆချင်စရာပါဘဲ။

ဒီ လူဝင်စား မိန်းကလေးဖြစ်သူကို ကျွန်တော် နဲ့ သူငယ်ချင်းဖြစ်သူဟာ ဒီကိစ္စကို အကြိမ်ကြိမ် အထပ်ထပ် မေးမြန်းစစ်ဆေး ကြည့်ရာမှာ ကွဲလွဲချက် လုံးဝမရှိတာကြောင့် အမှန်အတိုင်း ပြောတာလို့ ယူဆရမှာဖြစ်ပါတယ်။  (စိတ်ပညာ စမ်းသပ်စစ်ဆေးမှုများ အရ လူတစ်ယောက်ဟာ လိမ်ပြောတဲ့ အကြောင်းအရာတစ်ခုကို အထပ်ထပ် မေးမြန်းကြည့်ရင် တစ်ကြိမ်နဲ့ တစ်ကြိမ် ကွဲလွဲချက် တွေ ဖြစ်လာပါတယ် တဲ့။ အမှန်အတိုင်းပြောတာဆိုရင် အကြိမ်ပေါင်းများစွာ စစ်ဆေးမေးမြန်းသော်လည်း ကွဲလွဲချက် မရှိတတ်ဘူး လို့ ဆိုပါတယ်။ ဒီနည်းနဲ့ ကျွန်တော်တို့ဟာ လူဝင်စားမိန်းကလေးပြောပြတဲ့ အတိတ်ဘ၀အကြောင်းကို အကြိမ် (၂၀)ထက် မနည်း မေးမြန်းစစ်ဆေး ထားခြင်း ဖြစ်ပါတယ်)

.

ငယ်ငယ်တုန်းက ဖတ်ဖူးတဲ့ စာအုပ်ကလေးတစ်အုပ် ရှိပါတယ်။ ဆရာမကြီး ဒေါ်ခင်မျိုးချစ် ဘာသာပြန်တဲ့ “နှစ်လောက စစ်ပွဲ” ဆိုတဲ့ စာအုပ်ကလေးပါ။ တချို့လည်း ဖတ်ဖူးကြပါလိမ့်မယ်။ ဒီစာအုပ်လေးဟာ “ဒုတိယကမ္ဘာစစ်ကြီး” ကို နောက်ခံထားပြီး ရေးထားတဲ့ စာအုပ်ကလေးပါ။ အကြေင်းအရာ အကျဉ်းချုပ်ကတော့ “ဗြိတိသျှ ထိပ်တန်း စစ်အရာရှိကြီးများ” ရဲ့ စစ်ရေးဆိုင်ရာ ဆုံးဖြတ်ချက်တွေ၊ စစ်ဆင်ရေးတွေဟာ ရန်သူ “ဂျာမဏီ” ဘက်က ကြိုကြိုသိနေပြီး စစ်ဆင်ရေးတွေ ပျက်ပြားအောင်၊ ဆုံးရှုံးအောင် လုပ်နေတဲ့ ကိစ္စတစ်ခုဖြစ်လာပါတယ်။ အစကတော့ အတွင်းလူ “သူလျှို” ရှိနေပြီလို့ ထင်ကြတယ်။ ဒါပေမယ့် အားလုံးကလည်း တကယ့် ထိပ်သီးခေါင်းဆောင်တွေဖြစ်နေတယ်။ သေသေချာချာ ထောက်လှမ်းကြည့်တောလည်း “သူလျှို” လို့ သံသယဖြစ်ဖွယ် တစ်ယောက်မှ မရှိဘူး။

နောက်တော့မှ “စိတ္တဗေဒပညာရှင်တွေ” ရဲ့ ဖော်ထုတ်မှုကြောင့် ရန်သူ “ဂျာမဏီ”ဟာ “အိပ်မက်” ကနေတဆင့် “ဗြိတိသျှ စစ်ဗိုလ်ချုပ်ကြီးများ” ရဲ့ စစ်ဆင်ရေးတွေကို ကြိုသိ နေတာ ဆိုတာသိလာရတယ်။ “နာဇီဂျာမဏီ” တို့ဟာ “မှော်ပညာ” တတ်တဲ့ ပညာရှင်တစ်ဦးကို လက်သပ်မွေးထားတယ်။ သူနဲ့ သူ့တပည့်တွေကနေ “ဗြိတိသျှ စစ်အရာရှိကြီးတွေ” ရဲ့ အိပ်မက်ထဲကို ၀င်ပြီး လျှို့ဝှက် စစ်ဆင်ရေးတွေကို ဖော်ထုတ်တာကိုး။

ဒါကြောင့် ဗြိတိသျှဖက်က စိတ္တဗေဒပညာရှင်တွေ ပူးပေါင်းပြီး အိပ်မက်ထဲကနေ “နာမ်လောက”သားချင်း စစ်ထိုးကြတော့တယ်။ မျက်မြင် လောကကြီးထဲမှာ “မဟာမိတ်” တွေနဲ့ “ဂျာမဏီ” အပြင်းအထန် စစ်တိုက်နေကြသလို “အိပ်မက်လောက”မှာလည်း နာမ်လောကသားချင်း အပြင်းအထန် စစ်ပွဲကြီး ဆင်နွဲကြပါတယ်။ အစပိုင်းမှာ “မဟာမိတ်တွေ”ဘက်က အရေးနိမ့်နေပေမယ့် နောက်ဆုံးတော့ “တရားမှု နဲ့ မတရားမှု” မှာ တရားမှုက အနိုင်ရမြဲ ဆိုတဲ့အတိုင်း အိပ်မက်လောကမှာ မဟာမိတ်တွေ ဘက်က အနိုင်ရသွားပါတယ်။ ဒါကြောင့် “ဒုတိယ ကမ္ဘာစစ်ပွဲကြီး” ဟာ “နာဇီ ဂျာမဏီ” အရေးနိမ့်သွားပြီး ပြီးဆုံးသွားရပါတော့တယ်။ စိတ်ကူးယဉ် ၀တ္တုလေးဖြစ်ပေမယ့် “အိပ်မက်” နဲ့ ပတ်သက်ပြီး စိတ်ဝင်စားစရာ စာအုပ်ကလေး တစ်အုပ်ဖြစ်ပါတယ်။ (စာအုပ်က ဖတ်ခဲ့တာ သိပ်ကြာခဲ့ပြီမို့ ဇာတ်လမ်း ပင်မကျောရိုးလောက်သာ မှတ်မိတော့ပြီး အသေးစိတ်မမှတ်မိတာကို ခွင့်လွှတ်ပါ)

.

ခုပြောပြခဲ့တဲ့ အကြောင်းအရာတွေဟာ “အိပ်မက်သည် နာမ်လောက နှင့် ဆက်သွယ်ရာနေရာဖြစ်နိုင်သည်” ဆိုတဲ့ ယူဆချက် ကလေးကို (ဖြစ်နိုင်တယ်ဆိုတဲ့ဘက်က) ဆွေးနွေးကြည့်တာသာ ဖြစ်ပါတယ်။ တိကျ ခိုင်လုံသော သက်သေပြချက်တော့ မဟုတ် သေးပါဘူး။

.

ဒါပေမယ့် “အိပ်မက်ဟာ နာမ်လောကရဲ့ ပြူတင်းပေါက်” ဆိုတဲ့ အဓိပ္ပါယ်ထက် ကျယ်ဝန်း နက်ရှိုင်းတဲ့ အဓိပ္ပါယ်တွေ ရှိသေးတယ် လို့ ကျွန်တော် ယူဆပါတယ်။ အိပ်မက်တွေဟာ “လူ့ဘ၀ရဲ့ ရှေ့ပြေးနိမိတ်” တွေလည်း ဖြစ်နိုင်သလို၊ “လမ်းညွှန်ချက်တွေ” လည်း ဖြစ်နိုင်ပါတယ်။ အန္တရာယ် တစ်ခုခု ကျရောက်မှာကို ကြိုတင်သတိပေးတာလည်း ဖြစ်နိုင်ပါတယ်။ ပျော်ရွှင်ဖွယ်ကောင်းတဲ့ (သို့) ၀မ်းနည်းဖွယ်ကောင်းတဲ့ အခြေအနေတစ်ခုကို သတင်းပေးတာလည်း ဖြစ်နိုင်ပါတယ်။ ဘ၀အတွက် အရေးကြီးတဲ့ Message တွေဖြစ်နိုင်သလို အရေးမကြီးလှတဲ့ Message လည်း ဖြစ်နိုင်ပါတယ်။ အိပ်မက်တိုင်း အရေးကြီးတယ်လို့တော့ မယူဆ စေချင်ပါဘူး။

.

အိပ်မက်ဟာ “အနာဂါတ်ကိစ္စ တစ်ခုတည်း” လို့လည်း ကန့်သတ်လို့ မရပြန်ပါဘူး။ အချို့ အိပ်မက်များဟာ အတိတ်ဘ၀များက တွေ့ကြုံခဲ့တဲ့ အဖြစ်အပျက်များကို ပြန်လည် သတိရလာအောင် စေ့ဆော်ပေးတဲ့ အိပ်မက်များလည်း ဖြစ်နေတတ်ပါတယ်။ လူတိုင်းတော့ ကြုံဘူးချင်မှ ကြုံဘူးလိမ့်မယ်။ ကျွန်တော့်အတွက်တော့ ပြီးခဲ့တဲ့ အတိတ်ဘ၀ (၃)ဘ၀လောက်ကို အိပ်မက်ကနေ ပြန်ရောက် သွားတာတွေ ရှိခဲ့ပါတယ်။ ဒါပေမယ့် ဒါတွေဟာ  “လူအတော်များများအဖို့” ယုံကြည်နိုင်ဖို့ ခက်ခဲလွန်းတာကြောင့် ဒီနေရာမှာ ရေးပြဖို့ သိပ် မသင့်တော်လှဘူးလို့ ထင်မိပါတယ်။ သက်ဆိုင်တဲ့ ကာယကံရှင် များလည်း ကျွန်တော့်ရဲ့ အွန်လိုင်းစာမျက်နှာပေါ်က ပရိတ်သတ်တချို့ ဖြစ်နေလို့ပါ။ သူတို့ဆီက ခွင့်ပြုချက် ယူရပါဦးမယ်။

.

အိပ်မက်တိုင်းဟာ အကျိုးသက်ရောက်မှု ရှိပါမယ်လို့တော့ ပြောလို့ မရပါဘူး။ ထူးထူးခြားခြား မက်သည့်တိုင်အောင် ဘာမှ ဖြစ်မလာတဲ့ အိပ်မက်တွေလည်း ရှိတတ်ပါတယ်။ ဒါပေမယ့် ဒါကို ကောက်ယူပြီး အိပ်မက်ဟာ အဓိပ္ပါယ် လုံးဝမရှိပါဘူးလို့တော့ မပြောနိုင်ပါဘူး။ အိပ်မက်တော်တော်များများဟာ “အမြီးအမောက်မတည့်” ကပေါက်တိ ကပေါက်ချာ မက်တတ်ပေမယ့် ဒီလို ကပေါက်တိ ကပေါက်ချာ မက်တာကိုက အိပ်မက်ရဲ့ လျှို့ဝှက်ချက်တစ်ခု ဖြစ်နေနိုင်ပါသေးတယ်။ ဒီလို အမြီးအမောက် မတည့်တဲ့ အထဲကနေ အမြီးအမောက်တည့်အောင်/အစီအစဉ်ကျအောင် စဉ်းစားယူရတဲ့ ပဟေဠိတစ်ပုဒ်လို ကိစ္စမျိုးလည်း ဖြစ်နိုင်ပါတယ်။

.

အိပ်မက်ဟာ အနာဂါတ် ရှေ့ပြေးနိမိတ်ဖြစ်တယ် ဆိုတာကို ဗုဒ္ဓဘုရားရှင်သော်မှ လက်ခံခဲ့တဲ့ သက်သေသာဓကတွေ ဗုဒ္ဓကျမ်းစာ တွေမှာ တွေ့မြင်နိုင်ပါတယ်။ “ကျီးသဲလေးထပ် ဆရာတော်ဘုရားကြီး” ရေးသားပြုစုတဲ့ “ဇိနတ္ထ ပကာသနီကျမ်း” ကြီးမှာ ဒီလို ရေးသားထားပါတယ်။

“ဇိနတ္ထ ပကာသနီကျမ်း” – စာမျက်နှာ (၄၉) ၊ အပိုဒ် (၃) . . . “ထို့နောက်မှ ကိုယ်တော်တစ်ယောက်တည်း ကျင့်တော်မူ၍ လူတို့ သက္ကရာဇ် ၁၀၃ ခု ၊ ကဆုန် လဆန်း ၁၄ ရက် အင်္ဂါနေ့ညဥ့်တွင် အိပ်မက်ကြီး ငါးအင်ကို မြင်တော်မူ၏။

အိပ်မက်ကြီး ငါးပါး

၁။ မြေအပြင်ကို အိပ်ရာပြု၍ ယူဇနာ ငါးရာရှိသော ဟိမ၀န္တာတောင်ကို ခေါင်းအုံးလျက်၊ အရှေ့အနောက် သမုဒ္ဒရာအပြင် ထက် လက်တော်ကို ထားပြီးသော်၊ ခြေတော်အစုံကို တောင်သမုဒ္ဒရာ၌ ထားလျက် စက်တော်မူရသည်ဟု မြင်မက်သည်လည်း တစ်ပါး။

၂။ ၀င်ရိုးပမာ သန္တာနီ အဆင်းရှိသော “တိရိယ” မည်သော မြက်သည် ချက်တော်မှ ဖောက်၍ ဘ၀ဂ်သို့ ရောက်အောင် တက်သည်ဟု မြင်မက်သည်လည်း တစ်ပါး။

၃။ အဆင်းဖြူသော ပိုးမျိုးသည် ခြေတော်မှ ပုဆစ်တိုင်အောင် လွှမ်း၍ တက်သည်ဟု မြင်မက်သည်လည်း တစ်ပါး။

၎။ အထူးထူး အဆင်းရှိသော ငှက်အပေါင်းတို့သည် လေးမျက်နှာမှ လာကုန်၍ ခြေတော်ရင်းမှာ နေကုန်သော် အလုံးစုံ အဖြူ ချည်းသာဖြစ်သည်ဟု မြင်မက်သည်လည်း တစ်ပါး။

၅။ ကြီးစွာသော မစင်တောင်ထက်သို့ တက်၍ စင်္ကြံသွားသော်လည်း မစင်လိမ်းကပ်ခြင်း မရှိဟု မြင်မက်သည်လည်း တစ်ပါး။

ဤ ငါးပါးသော အိပ်မက်ကို မြင်တော်မူ၍ ဆင်ခြင်တော်မူလျှင် “ငါသည် ယနေ့စင်စစ် ဘုရားဖြစ်အံ့သည်” ဟု ကြံရည် ဆုံးဖြတ်၍ မိုးသောက်ယံ၌ ဆွမ်းခံသွားသော အချိန်ကို ငံ့လင့်တော်မူလျက် နံနက်စောစောကလျှင် လာတော်မူ၍ “သေနနိဂုံး” ၏ အနီး ကြီးစွာသော ညောင်ပင်ရင်း၌ ထွန်းလင်းသော ကိုယ်ရောင်ကို ဖြစ်စေလျက် နေတော်မူလင့်၏” . . . လို့ ရေးသားထားတာကို ဖတ်ရှုနိုင်ပါတယ်။

ဒါဟာ ဗုဒ္ဓဘာသာဝင်တွေရဲ့ အထွဋ်အမြတ်ထားတဲ့ “မဟာလူသားဗုဒ္ဓ” အလောင်းအလျာသော်မှ “အိပ်မက်” ကို မစွန့်ခဲ့တဲ့ ထင်ရှား တဲ့ ဥပမာ တစ်ခုပါ။

.

ရဟန္တာ အရှင်မြတ်ကြီးတစ်ပါး ဖြစ်တဲ့ “ကျေးဇူးတော်ရှင် မိုးကုတ်ဆရာတော်ဘုရားကြီး” ခန္ဓာဝန်ချဖို့ ရက်အနည်းငယ် လောက် အလိုမှာ ဆရာတော်ကြီးကို သမီးရင်းချာပမာ ပြုစုနေတဲ့ “ဒေါ်တင်လှ” ကို ဆရာတော်ကြီးက ယခုလို မိန့်တော်မူပါတယ်။

“ဟဲ့ တင်လှ ၊ နင် အခုရက်ပိုင်း အိပ်မက်ထူးထူးဆန်းဆန်းတွေ မမက်ဘူးလား” လို့ မေးပါတယ်။

ဒေါ်တင်လှက “မှန်လှပါ၊ ညက အိပ်မက်ထူးထူးဆန်းဆန်း မက်ပါတယ်ဘုရား၊ အရှင်ဘုရားက စေတီတစ်ဆူရှေ့မှာ တရားထိုင် နေစဉ် စေတီတော်ဟာ မီးခိုးတွေ အူလာပြီး ဖောင်းရစ်ကနေ တအိအိပြိုဆင်းလာကာ ဆရာတော်ဘုရားအပေါ် ပိကျလာသော်လည်း ဆရာတော်က မည်သို့မှ မဖြစ်ဘဲ တရားထိုင်မြဲ/ထိုင်လျှက် ရှိနေတာကို မက်ပါတယ် ဘုရား” လို့ လျှောက်ပါတယ်။

ဆရာတော်ကြီးက “ဟဲ့ တင်လှ ၊ နင့် အိပ်မက်က “စင်း” လှချည်လား” လို့ ပြန်ပြီး မိန့်တော်မူပါတယ် တဲ့။ ဒေါ်တင်လှကတော့ ဒီအိပ်မက်ရဲ့ အဓိပ္ပါယ်ကို မသိခဲ့ပါဘူး။ နောက်ရက်အနည်းငယ်ခန့်မှာ မိုးကုတ်ဆရာတော်ကြီးဟာ  ကျန်းကျန်းမာမာရှိနေရာက မမျှော်လင့်ဘဲ ရုတ်တရက် ခန္ဓာဝန် ချသွားတော် မူပါတယ်။

.

နောက်ထပ် ရဟန္တာအရှင်မြတ်ကြီး တစ်ပါးဖြစ်တဲ့ “စွန်းလွန်းဆရာတော်ကြီး” ကလည်း အိပ်မက်နဲ့ ပတ်သက်ပြီး မိန့်ကြား ဘူးပါတယ်။ ဆရာတော်ကြီးဟာ “မဂ် (၃)တန်ကို ရရှိပြီး” ဆက်လက် အားထုတ်နေချိန် တစ်ညမှာ အိပ်မက်တစ်ခု မြင်မက် ပါတယ်။ အိပ်မက်ထဲမှာ ဆရာတော်ကြီးဟာ လူ့ဘ၀ ပုံစံနဲ့ ခိုင်းနွားတစ်ကောင်နောက်ကို လိုက်ပြီး ဖမ်းတာမှာ နွားရဲ့ “အမြီး” ကိုသာ ဖမ်းမိပြီး ဆောင့်ဆွဲလိုက်တာ နွားမြီးဟာ အရင်းကနေ ပြုတ်ထွက်လာပြီး လက်ထဲမှာ ကျန်နေခဲ့တယ်လို့ မြင်မက်ပါတယ်။ (ဒီ နေရာမှာ အိပ်မက်တွေရဲ့ “အမြီးအမောက် မတည့်ပုံ” လေး ပါဝင်နေပါတယ်။ မဂ် (၃)တန်ရပြီးသား ရဟန်းအရှင်မြတ်ကြီးဟာ အိပ်မက်ထဲမှာ “လူအ၀တ်အစားနဲ့ နွားလိုက်ဖမ်းနေတာဟာ” အလွန့်ကို ကိုရိုးကားရားနိုင်လှတဲ့ အိပ်မက်တစ်ခုပါ)

ဒါပေမယ့် ဆရာတော်ကြီးကတော့ ဒီလို အဓိပ္ပါယ်ကောက်လိုက်ပါတယ်။ ဒီတစ်ခါတော့ “ကိလေသာမှန်သမျှ အရင်းအမြစ်ပါ မကျန်အောင် ပြုတ်ထွက်တော့မယ့် နိမိတ်ဘဲ” လို့ ကောက်ယူပြီး ပြင်းပြင်းထန်ထန် အားထုတ်လိုက်တာ တစ်ခါတည်း မဂ်(၄)တန် ဖိုလ်(၄)တန် နဲ့ အရဟတ္တဖိုလ်ကို ဆိုက်ရောက်သွားပါတော့တယ်။

.

ဒါတွေဟာ ဗုဒ္ဓဘုရားရှင် အပါအ၀င် ၊ ရဟန္တာပုဂ္ဂိုလ်ထူးကြီးများပါ အိပ်မက်ကို မစွန့်ခဲ့ကြတဲ့ သာဓကလေးတွေပါ။ “အိပ်မက်” အခန်းဆက် ပို့စ်များကို အပိုင်း (၅)ပိုင်း (၆)ပိုင်းလောက်အထိ တင်ဆက်ဖို့ရှိလို့ ယနေ့အတွက် ဒီမျှလောက်နဲ့ ရပ်နားပါဦးမယ်။ ဆက်လက် ရေးသားသွားပါမယ်။

.

စိတ်ဝင်စားစွာ ဖတ်ရှုပေးကြသော စာဖတ်ပရိတ်သတ်ကြီးအား ကျေးဇူးအထူးတင်လျှက်ပါ။ ကျန်းမာ ချမ်းသာကြပါစေ။

.

ဒေါက်တာတင်ဗိုလ်ဗိုလ် (ကွန်ပျူ- ဗေဒသုခုမ)

.

မှတ်ချက်။ ။ မိမိတို့၌ ထူးဆန်းသော အိပ်မက်များ နှင့် လက်တွေ့တိုက်ဆိုင်မှု အတွေ့အကြုံများ ရှိလျှင် (ဗဟုသုတအလို့ငှာ) ကွန်းမန့်ထဲတွင် ၀င်ရောက် ရေးသား ပေးကြပါရန် ချစ်ခင်လေးစားစွာ ဖိတ်ခေါ်အပ်ပါသည်ခင်ဗျား။

.

.

တစ်နေ့တာ ပင်ပန်းနွမ်းနယ်မှုတွေ ပြီးဆုံးတဲ့ အခါ လူတွေဟာ “အနားယူဖို့” အိပ်စက်ကြရပါတယ်။ ဒါဟာ တမင်တကာ လုပ်ယူစရာမလိုတဲ့ “သဘာဝဖြစ်စဉ်” တစ်ခုပါ။ သဘာဝ တရားကြီးဟာ “နေ့” နဲ့ “ည” ဆိုပြီး ဖန်တီးပေးထားပြီး နေ့ဘက်မှာ ၀မ်းစာရှာဖို့ ၊ ညဖက်မှာ အနားယူဖို့ ဖန်တီးပေးထားပါတယ်။ နေ့ဘက်မှာ အိပ်စက်ပြီး ညဘက်မှာ ၀မ်းစာရှာတဲ့ သတ္တ၀ါ အနည်းငယ် လည်း ရှိပါတယ်။ ဒါပေမယ့် “လူသား” အပါအ၀င် သတ္တ၀ါ အတော်များများကတော့ “ည” ဆိုတာ အိပ်စက် အနားယူ ဖို့ပါ။

.

ဒီနေရာမှာ ညဖက်ကိုရောက်ရင် လူကသာ အိပ်စက်ခြင်းနဲ့ အနားယူလိုက်ပေမယ့် “စိတ်” ကတော့ အနားမယူပါဘူး။ အိပ်စက်နေခြင်းမှာ “အိပ်မက်” ဆိုတဲ့ ဖြစ်စဉ်တစ်ခုနဲ့ “စိတ်” ဟာ ဆက်ပြီး အလုပ်လုပ်ပါတယ်။ “ဗုဒ္ဓဒဿန” မှာတော့ ဒီ စိတ်ကို “ဘ၀င်စိတ်” လို့ ခေါ်ပါတယ်။ အိပ်ပျော်နေစဉ်မှာ ဖြစ်တဲ့ စိတ်ပါ။

.

“အိပ်မက်”ဟာ လူသားတိုင်းနဲ့ မကင်းနိုင်တဲ့ ကိစ္စတစ်ခု ဖြစ်ပေမယ့် ယနေ့အချိန်အထိ “အိပ်မက်” အကြောင်းကို ဘယ်ပညာရှင်၊ ဘယ်ဘာသာရပ်ကမှ “ဘာလဲဆိုတာ” ကို အတိအကျ မပြောနိုင်ကြသေးပါဘူး။ ယနေ့အချိန်အထိ လေ့လာဆဲ ၊ စူးစမ်းဆဲ ကိစ္စတစ်ခု ဖြစ်နေပါသေးတယ်။ အဖြေရှာလို့ မရတဲ့ ပဟေဠိတစ်ပုဒ်လို ဖြစ်နေပါသေးတယ်။

.

ယနေ့ခေတ် ဆေးသိပ္ပံပညာရပ်တစ်ခုဖြစ်တဲ့ “ဇီဝကမ္မဗေဒပညာ” ကတော့ “အိပ်မက်” ကို အာရုံကြောဆိုင်ရာ တုန့်ပြန်မှု တစ်ခုအဖြစ် ယူဆပါတယ်။ လူတစ်ယောက် အိပ်ပျော်နေစဉ်မှာ ဦးနှောက်အတွင်းမှာ ဖြစ်ပေါ်လာတဲ့ “သံလိုက်လှိုင်း” တွေကို လေ့လာကြည့်ကြပါတယ်။ သူတို့ ပြောနိုင်တာ တစ်ခုက လူတစ်ယောက်ဟာ အိပ်ပျော်နေစဉ် မှာလည်း ဦးနှောက်ဟာ အလုပ်လုပ်လျှက် ရှိတယ် ဆိုတာပါဘဲ။  ဦးနှောက်လှိုင်းတွေရဲ့ လှုပ်ရှားမှုတွေဟာ နိမ့်မြင့် တက်ကျ ဖြစ်နေတာကို ကြည့်ခြင်းဖြင့် လူတစ်ယောက်ရဲ့ စိတ်ဟာ အိပ်ပျော်နေစဉ်မှာလည်း (တသမတ်တည်းမဟုတ်ဘဲ) ခံစားမှုတွေနဲ့ အလုပ်လုပ် နေကြောင်းကို တွေ့ကြရပါတယ်။ ဒါပေမယ့် ဒီထက်တော့ ပိုမပြောနိုင်ကြပါဘူး။

.

“စိတ္တဗေဒပညာ”ရပ် မှာတော့ အိပ်ပျော်နေစဉ် ဖြစ်တဲ့ “စိတ်” ကို Subconscious mind (မသိစိတ်) လို့ အမည်တပ်ကြပါတယ်။ “မသိစိတ်” ဟာ နိုးကြားနေချိန်မှာ ဖြစ်ပေါ်နေတဲ့ “သိစိတ်” Conscious mind ထက် အဆပေါင်းများစွာ အင်အားကြီးမားတဲ့ စိတ်လို့ ယူဆကြပါတယ်။ လူသားတွေဟာ “မသိစိတ်” ကိုသာ ပိုင်ပိုင်နိုင်နိုင် အသုံးချနိုင်ရင် “လောကမှာ မဖြစ်နိုင်တာ မရှိ” ဆိုလောက်အောင် အင်အားကြီးမားလှပါတယ် တဲ့။

စိတ္တဗေဒ ပညာရှင်တွေဟာ လူတစ်ယောက်ကို “အိပ်မွေ့ချ” ပြီး ဆန်းကြယ်တဲ့ ကိစ္စတွေကို သက်သေပြခဲ့ပါတယ်။ ဒီအထဲမှာ သာမန် “အသိစိတ်” နဲ့ မ,မ နိုင်တဲ့ ၀န်ထုပ်တစ်ခုကို အိပ်မွေ့ချထားတဲ့ “မသိစိတ်” နဲ့ မ,ပြတာတို့၊ လေထဲမှာ အိပ်စက်ပြတာတို့၊ အနာဂါတ်ကို သွားပြီး ဘာတွေ ဖြစ်မယ်ဆိုတာ သွားကြည့် ခိုင်းတာတို့ စတဲ့ အလွန်အံ့သြဖွယ် ကောင်းတဲ့ ကိစ္စရပ်တွေကို ပြသနိုင်ခဲ့ပါတယ်။ ဒါပေမယ့် သူတို့လည်း “အိပ်မက်” ရဲ့ အကြောင်းကို ဒီထက်ပိုပြီး မပြောနိုင် ကြပြန်ပါဘူး။

.

“စိတ်ဝိဉာဉ်ပိုင်းဆိုင်ရာ” အထူးပြုလေ့လာနေတဲ့ “လောကီပညာရှင်များ” ရဲ့ အလိုအရတော့ “အိပ်မက်” တွေဟာ Message of Gods လို့ အဓိပ္ပါယ် ဖွင့်ကြ ပြန်ပါတယ်။ ဒီနေရာမှာ Gods ဆိုတာ “ဘုရားသခင်” ဆိုတဲ့ အဓိပ္ပါယ်မျှလောက်သာ မဟုတ်ဘဲ “နတ်ဘုရားများ” “ကောင်းကင် ဒေ၀တာများ” “၀ိဉာဉ်လောက မှ ပုဂ္ဂိုလ်ထူးများ” ကိုပါ ရည်ညွှန်းခြင်း ဖြစ်ပါတယ်။

“စိတ်ဝိဉာဉ်အကြောင်း” လေ့လာနေတဲ့ ပညာရှင်များကတော့ . . . “အိပ်မက်” တွေဟာ “နတ်ဒေ၀တာ၊ နာမ်လောက ပုဂ္ဂိုလ်ထူး” များရဲ့ “သတင်းပေးပို့ချက်” များဖြစ်တယ် . . . ဒါတွေဟာ လျှစ်လျှူရှုရမယ့် ကိစ္စတွေ မဟုတ်ဘူး . . .  “အိပ်မက်” တွေဟာ လူ့ဘ၀ရဲ့ လမ်းညွှန်ချက်တွေဘဲ” ဖြစ်တယ် . . . ဒါတွေကို စနစ်တကျ အဓိပ္ပါယ်ကောက်ယူပြီး လူ့ဘ၀ရဲ့ လမ်းညွှန်ချက်အဖြစ် ကောက်ယူကျင့်သုံးရမယ် . . . လို့ ယူဆကြပါတယ်။

ဒါပေမယ့် သူတို့လည်း “ဘယ်အိပ်မက်ဟာ၊ ဘယ်လို လမ်းညွှန်ချက်ဖြစ်တယ်” ဆိုတာကို တိတိကျကျ အဓိပ္ပါယ် မဖေါ်နိုင်ကြပြန်ပါဘူး။ အိပ်မက်ရဲ့ အဓိပ္ပါယ် ဖော်ချက်တွေဟာ ပညာရှင် တစ်ယောက် နဲ့ တစ်ယောက် ကွဲလွဲမှုတွေ ရှိနေသလို “ပြည့်စုံတိကျမှု” လည်း ယနေ့တိုင် မရှိကြ သေးပါဘူး။

.

Symbology လို့ခေါ်တဲ့ “သင်္ကေတဗေဒ” ပညာရပ်မှာတော့ “အိပ်မက်” ကို Language of Soul လို့ ဖွင့်ဆိုပါတယ်။ “၀ိဉာဉ်၏ ဘာသာစကား” လို့ ပြန်ဆိုရမယ် ထင်ပါတယ်။ Symbology ပညာရှင်တွေရဲ့ ယူဆချက်အရ “အိပ်မက်” ကို “ဘာသာစကား” တစ်ခုအဖြစ် ယူဆထားတာဟာလည်း စိတ်ဝင်စားစရာ အတော်ကောင်းပါတယ်။ ဒါပေမယ့်လည်း ဒီဘာသာစကားကို ကျွမ်းကျွမ်းကျင်ကျင် တတ်မြောက်သူရယ်လို့ကလည်း မရှိပြန်ပါဘူး။

.

ကျွန်တော်တို့ မြန်မာလူမျိုး အပါအ၀င် “အရှေ့တိုင်းသား” အတော်များများဟာ “အိပ်မက်” ကို အနာဂါတ်ရဲ့ ရှေ့ပြေးနိမိတ်လို့ ယူဆကြပါတယ်။ Signs of Future ပေါ့။ ဒါကြောင့် ညက အိပ်မက် ထူးထူးဆန်းဆန်းမက်ရင် ဘာဖြစ်မယ် ဆိုတာ နိမိတ်ကောက်ကြပါတယ်။

မနှစ်မြို့ဖွယ် “အနိဌာရုံ” အိပ်မက်ကို မက်ရင် နောက်နေ့ တစ်နေ့လုံး စိတ်မကြည်မသာ ဖြစ်နေကြရပါတော့တယ်။ ပျော်ရွှင်စရာ ကောင်းတဲ့ အိပ်မက်မျိုးကို မက်ရင်တော့ တစ်နေ့လုံး လန်းဆန်းပျော်ရွှင်နေကြပါတော့တယ်။ ဒီအချိန်မှာ ပျော်ရွှင်စရာ ကောင်းတဲ့ ကိစ္စတစ်ခု ကြုံတွေ့လာတာနဲ့ “ကဲ – ငါ မပြောလား၊ ညက အိပ်မက်ကောင်း မက်ပါတယ်ဆို” စသည်ဖြင့် ပြောဆိုလေ့ ရှိကြပါတယ်။

ဒါပေမယ့် အိပ်မက်နဲ့ လက်တွေ့အဖြစ်အပျက် “တိုက်ဆိုင်တဲ့အခါ” ရှိသလို၊ “မတိုက်ဆိုင်တဲ့အခါ” များလည်း ရှိတတ်ပါတယ်။

လက်တွေ့ လေ့လာချက်များအရတော့ “အိပ်ပျော်ခါစမှာ မက်တဲ့ အိပ်မက်” နဲ့ “နံနက်လင်းအားကြီး အိပ်ယာနိုးလုလု” မှာ မက်တဲ့ အိပ်မက်တွေဟာ အနာဂါတ် ဖြစ်ရပ်တွေနဲ့ နီးနီးစပ်စပ် မှန်တတ်တာကို တွေ့ရပါတယ်။ အထူးသဖြင့် “နံနက်လင်းအားကြီး မက်တဲ့ အိပ်မက်” ဟာ မှန်တတ်ပါတယ်။ (အားလုံးကိုတော့ မဆိုလို ပါဘူး)

.

အိပ်မက်ကို လူတစ်ချို့ မယုံကြည်ကြတဲ့ အကြောင်းတစ်ခုကတော့ “အမြီးမမောက် မတည့်ခြင်း” ဖြစ်ပါတယ်။ ကြုံဖူးကြပါလိမ့်မယ်။ အိပ်မက်ထဲမှာ လူတစ်ယောက်ကို စကားပြောနေရင်း ခဏနေတော့ အဲဒီလူမဟုတ်တော့ဘဲ နောက်ထပ် လူတစ်ယောက်ဖြစ်သွားတာမျိုးတွေ . . . လူတွေ အတောင်ပံပေါက်လာပြီး လေထဲမှာ ပျံဝဲနေတာမျိုးတွေ . . . အိပ်မက်ထဲမှာ “ကိုယ်လုံးတီးနဲ့”  အရှက်မရှိ လျှောက်သွားနေတာမျိုးတွေ . . . “လဘ္ဘက်ရည်” ဆိုပြီး သောက်နေရင်း နဲ့ “ဘီယာ” ဖြစ်သွားတာမျိုးတွေ . . . စတိတ်ရှိုးပေါ်မှာ ဘုန်းကြီးတစ်ပါးက သီချင်းတက်ဆိုနေတာမျိုးတွေ . . . စတဲ့ အမြီးအမောက် မတည့်တာတွေ အတော်များများ မက်လာတဲ့အခါ “အိပ်မက်ဆိုတာ အဓိပ္ပါယ်မရှိပါဘူး” ဆိုပြီး ယူဆ လာတတ်ကြပါတယ်။ အထူးသဖြင့် “ဆောင်းတွင်း အိပ်မက် ၊ ကယောက် ကယက်” ဆိုတဲ့ အတိုင်း ဆောင်းတွင်းမှာ ဒီလို အမြီးအမောက် မတည့်တာတွေ အမက်များတတ်ပါတယ်။

.

ဒါမေပယ့် အိပ်မက်ဟာ လုံးဝအဓိပ္ပါယ်မရှိပါဘူးလို့ မပြောနိုင်တဲ့ အကြောင်းလေးတွေလည်း လူတိုင်းလူတိုင်းမှာ ရှိနေတတ်ကြပါတယ်။ ဥပမာ- သူငယ်ချင်း တစ်ယောက်နဲ့ စကားတစ်ခုကို ပြောနေရင်း နဲ့ စိတ်ထဲမှာ ငါ ဒီ ကိစ္စ / ဒီအကြောင်းအရာကို ဒီ နေရာလေးမှာ ဒီလိုဘဲ ပြောဘူးပါတယ် . . ဆိုတဲ့ ခံစားချက် မျိုးပေါ့။ အတော်များများ ဖြစ်ဘူးကြမှာပါ။ ဒါဟာ အိပ်မက်ထဲမှာ ဖြစ်ခဲ့တာ မဟုတ်ပေဘူးလား။ ပြန်စဉ်းစားကြည့်ရင် အိပ်မက်ထဲက ဖြစ်ဘူးတယ် ဆိုတာ ပေါ်လာတတ်ပါတယ်။ တချို့ကြပြန်တော့လည်း လူစိမ်းတစ်ယောက်ကို “ပထမဆုံးအကြိမ်” တွေ့ဘူးတာ ဖြစ်ပေမယ့် ဒီလူကို တစ်နေရာရာမှာ မြင်ဘူး/စကားပြောဘူးပါတယ် ဆိုတဲ့ အတွေးမျိုးတွေကော ဖြစ်တတ်ပါတယ်။

.

ကိုယ်တစ်ခါမှ မရောက်ဘူးတဲ့ နေရာ ဒေသတစ်ခုကို ရောက်သွားပြီး ဒီနေရာ၊ ဒီလမ်းလေးကို ငါရောက်ဘူးပါတယ် ဆိုတဲ့ အတွေ့အကြုံမျိုးလည်း ရှိတတ်ကြပါတယ်။ ဒီလို အဖြစ်အပျက်အတော်များများဟာ “အိပ်မက်” နဲ့ ဆက်စပ် နေတတ်ကြပါတယ်။ တစ်ခါက ကျွန်တော် အိပ်မက်ထဲမှာ “ကရင်ပြည်နယ်” က မြို့လေးတစ်မြို့ကို ရောက်သွားပါတယ်။ အပြင်မှာတော့ ဒီမြို့ကလေး (ရောက်ဘူးဖို့ဝေးလို့) ကရင်ပြည်နယ်ရဲ့ ဘယ်အစိတ်အပိုင်း နားမှာ ရှိမှန်းတောင် မသိပါဘူး။

အိပ်မက်ထဲမှာ အဲဒီမြို့က ခရစ်ယာန်ဘုရားကျောင်းလေးတစ်ခု ကို ရောက်သွားပြီး “ဦးဒင်နီရယ်” လို့ခေါ်တဲ့ “သင်းအုပ်ဆရာ” တစ်ယောက် နဲ့ စကားစမြီ ပြောခဲ့ရတာကို မက်ဘူးပါတယ်။ ဒီ အိပ်မက်ဟာ အတော့်ကို ထင်ထင်ရှားရှားမက်တာ ဖြစ်လေတော့ ဒီအိပ်မက်ကို နှစ်အတော်ကြာသည်အထိ မေ့မသွားဘဲ မှတ်မိနေပါတယ်။

တိုက်တိုက်ဆိုင်ဆိုင် နောက် (၂)နှစ်လောက်ကြတော့ သူငယ်ချင်းတစ်ယောက်ဟာ အဲဒီမြို့သူ မိန်းကလေး တစ်ယောက်နဲ့ “ညားသွား” ပါတယ်။ ဒါနဲ့ သူက အဲဒီမိန်းကလေးရဲ့ မြို့ကို “ဆွေပြမျိုးပြ” သွားဖို့ ဖြစ်လာတော့ ကျွန်တော်က သူငယ်ချင်းဖြစ်သူကို အဲဒီမြို့မှာ “ခရစ်ယာန်ဘုရားရှိခိုးကျောင်း” ရှိမရှိစုံစမ်းဖို့ နဲ့ “ဦးဒင်နီရယ်” ဆိုတဲ့ “သင်းအုပ်ဆရာ” ကို ရှာဖို့ တောင်းပန်တော့ သူက မယုံတယုံ ဖြစ်နေပါတယ်။ ရှာကြည့်ဖို့တော့ ကတိပေး သွားပါတယ်။ ကျွန်တော်က အိပ်မက်ထဲက အတိုင်း ဘယ်လမ်းက ဘယ်လိုသွားရတယ်ဆိုတာနဲ့ ခရစ်ယာန်ဘုရားကျောင်းရဲ့ ပုံစံကိုပါ ပြောပြလိုက်ပါသေးတယ်။

သူပြန်လာတော့ အလွန်အံ့သြနေပါတယ်။ ကျွန်တော်ပြောတဲ့အတိုင်း အားလုံး ကွက်တိပါ ဘဲတဲ့။ လမ်းအနေထား၊ နေရာအနေအထား ၊ ခရစ်ယာန် ဘုရားကျောင်းပုံစံက အစ အားလုံး ကွက်တိဖြစ် နေပါတယ်။ ဒါပေမယ့် “ဦးဒင်နီရယ်” ဆိုတဲ့ သင်းအုပ်ဆရာကတော့ လွန်ခဲ့တဲ့ နှစ်အနည်းငယ်က ကွယ်လွန်သွားပါပြီတဲ့။ ဒါဟာ ကျွန်တော့်ဘ၀မှာ အိပ်မက်နဲ့ ပတ်သက်ပြီး ကြုံဘူးတဲ့ အဖြစ်အပျက်တစ်ခုပါ။

.

အိပ်နေစဉ် အပြင်ဘက်က “အသံတစ်ခု” နဲ့ “အိပ်မက်ထဲက အသံ” တို့ ထပ်တူကွက်တိ ဖြစ်နေတာမျိုးဟာလည်း အံ့သြစရာ တစ်ခုပါ။ ငယ်ငယ်က ဇာတိမြို့ ကလေးမှာ နေစဉ်တုန်းက အိပ်မက်တစ်ခု မက်ပါတယ်။ အိပ်မက်ထဲမှာ ကျွန်တော် “ဒုတိယ ကမ္ဘာစစ်” ကြီးထဲကို ရောက်သွားပါတယ်။ အဲဒီမှာ ဗုံးကြဲ လေယာဉ်ပျံကြီး တစ်စီးပေါ်ကနေ ဗုံးတွေ ကြဲချလိုက်တာကို မြင်ရပါတယ်။ ဗုံးတွေဟာ လေထဲမှာ တဖြည်းဖြည်း နိမ့်ဆင်းလာပြီး မြေပေါ်ကို ကျတာနဲ့ “အုန်းကနဲ” မည်သံကြီးနဲ ပေါက်ကွဲသွားပြီး ကျွန်တော် အိပ်ယာက လန့်နိုးလာပါတယ်။ အမှတ်တကယ် လန့်နိုးရတဲ့အကြောင်းရင်းက အိမ်ခေါင်မိုး “သွပ်တန်း” ပေါ်ကို အိမ်ဘေးမှာရှိတဲ့ အုန်းပင်က “အုန်းခိုင်အတွဲလိုက်ကြီး” ပြုတ်ကျလာပြီး “အုန်းကနဲ” မည်သွားလို့ပါ။

ဘယ်အချိန်မှာ ပြုတ်ကျမယ်ဆိုတာ ဘယ်လိုမှ မသိနိုင်တဲ့ “အုန်းသီးတွဲကြီး” နဲ့ “သွပ်မိုး” နဲ့ ထိတဲ့ အချိန်ဟာ အိပ်မက်ထဲက ဗုံးပေါက်ကွဲတဲ့ အချိန်နဲ့ စက္ကန့်မခြား တစ်ထပ်တည်း ဖြစ်နေတာ အတော်အံ့သြမိပါတယ်။ အိပ်မက်ဟာ တစ်ခုခု ဖြစ်မှာကို ကြိုသိတာများလားလို့ တွေးမိပါတယ်။

.

များသောအားဖြင့် အိပ်မက်တွေဟာ ပြတ်တောင်း၊ ပြတ်တောင်း မက်တတ်ပါတယ်။ တစ်ညတည်းမှာ အဖြစ်အပျက်များစွာ ၊ အစိတ်အပိုင်းများစွာကို မက်တတ်ပါတယ်။ ဒါပေမယ့် တစ်ညလုံးလုံး အိပ်မက်တစ်မျိုးတည်း မက်တာမျိုးကိုလည်း လူတချို့ ကြုံဘူးကြပါလိမ့်မယ်။ ရုပ်ရှင်ကြည့် နေသလိုမျိုးပေါ့။  ဇာတ်လမ်း ဇာတ်ကွက် တစ်ခုတည်းပါ။ တစ်ရေးနိုးလာလို့ အပေါ့အပါးသွားပြီး ပြန်အိပ်ရင်တောင် ပြတ်သွားတဲ့ နေရာကနေ ပြန်ပြီး မက်ပါတယ်။ ဗီဒီယို အခွေကို ခဏ Pause လုပ်ထားသလိုပေါ့။ ဒီလို အလွန်ဆန်းကြယ်တဲ့ “အိပ်မက်ရှည်ကြီးတွေ” ကို ကျွန်တော့်ဘ၀မှာ (၄)ကြိမ်လောက် မက်ဘူးပါတယ်။

ဒါပေမယ့် ဒီအိပ်မက်ဟာ အနာဂါတ်အကြောင်းလို့ ပုံသေ ပြောမရပါဘူး။ များသောအားဖြင့်တော့ “အတိတ်အကြောင်း”၊ “ယခင်ဘ၀ဟောင်းများ” က အကြောင်းတွေ ဖြစ်နေတတ်ပါတယ်။ ဒီလို အိပ်မက်မျိုးကို မက်တာဟာ တင်စားပြောရင် – “ကိုယ်ပါဝင် သရုပ်ဆောင်ထားတဲ့ ဇာတ်ကားတစ်ကား” ကို ကိုယ်တိုင် ပြန်ကြည့် နေရသလို ခံစားရပါတယ်။

.

ဒီနေ့တော့ ဒီလောက်နဲ့ တော်ပါဦးမယ်။ မနက်ဖြန်မှာ ကျွန်တော်ကိုယ်တိုင် “အိပ်မက်” ကနေ “အတိတ်ဘ၀” များကို ပြန်ရောက်သွားပုံအကြောင်းကို “အိပ်မက်” အပိုင်း(၂)မှာ ပြောပြ ပါဦးမယ်။ နောက်တစ်ခါ လူဝင်စားတစ်ယောက်က ပြောပြတဲ့ “အိပ်မက်” အကြောင်းလေးလည်း ပြောပြချင်ပါသေးတယ်။ ဒီအကြောင်းလေးကနေ အိပ်မက်များဟာ လူသားတွေ နဲ့  ၀ိဉာဉ်တွေ နဲ့ တွေ့ဆုံ ကြတဲ့ နေရာတစ်ခု ဖြစ်တယ်ဆိုတာ ယုံကြည်နိုင်လောက်တဲ့ အထောက်အထား ရှိကြောင်း တင်ပြပေးပါဦးမယ်။ အခြား အိပ်မက်နဲ့ ပတ်သက်ပြီး သိကောင်းစရာလေးတွေ / အိပ်မက် အဆိုးအကောင်း ခွဲခြားနည်း တွေကိုပါ တင်ပြပေးပါမယ်။ အိပ်မက်အကြောင်း သိကောင်းစရာ အဖုံဖုံပေါ့ဗျာ။

စိတ်ဝင်စားရင်တော့ စောင့်, ဖတ်ပါ။ ခပ်ကြောင်ကြောင် နိုင်တယ် ထင်ရင်တော့ As you like ပါဘဲ။

.

စာဖတ်သူအားလုံး ကျန်းမာချမ်းသာကြပါစေ။

.

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

.

ဝင်ရောက်ဖတ်ရှုသူပေါင်း=11558

.

၂၀၁၀ ခုနှစ် သြဂုတ်လအတွက် (၇)ရက် သားသမီးကံကြမ္မာကို တွက်ချက်ရာမှာ (၃)ထပ် မဟာဘုတ်ခွင်မှာ “နှစ်,ခွင်” နဲ့ “နေ့,ခွင်” ထပ်နေပြီး အင်္ဂါဂြိုဟ် နဲ့ စနေဂြိုဟ် “ထပ်” နေတဲ့အတွက် (၇) ရက်သားသမီးများအတွက် ကောင်းအား/ဆိုးအား ပြင်းထန်မယ့် လ, တစ်လ ဖြစ်နိုင်ဖွယ် ရှိပါတယ်။ မတော်တဆ ထိခိုက်မှုများ၊ လေယာဉ် ၊ ရထား ၊ သင်္ဘော ၊ လူစီးဘတ်စ် . . စတဲ့ လူအများအပြား စီးနင်းတဲ့ ယာဉ်တွေ Accident များစွာ ဖြစ်နိုင်ချေ ရှိပါတယ်။ ပေါက်ကွဲမှုများ၊ သွေးထွက်သံယိုမှုများ အဖြစ်များနိုင်ဖွယ်ရှိလို့ ဒီ လ, ထဲမှာ လူစုလူဝေး၊ လူအများစုဝေးတဲ့ နေရာတွေကို ရှောင်ပါလို့ (စိတ်ကောင်း စေတနာကောင်းနဲ့) သတိပေးချင်ပါတယ်။ “ဖြစ်ကို ဖြစ်ရမယ်” လို့ “အပ်ချမတ်ချ” မပြောနိုင်ပေမယ့် ဖြစ်ခဲ့ဘူးတဲ့ အတွေ့အကြုံတွေ များလို့ပါ။ သဘာဝ ဘေးဥပဒ် များလည်း (အခြားလ,များထက်) ပိုမို ကျရောက်ဖွယ် ရှိပါတယ်။

ဒီလ, မှာ (၇)ရက် သားသမီးများအနက် အင်္ဂါ၊ စနေ၊ တနင်္ဂနွေ သားသမီးများ ကံဇာတာ ညံ့နိုင်ပါတယ်။ ဗုဒ္ဓဟူး၊ ကြာသပတေး၊ သောကြာ သားသမီးများ ကံဇာတာ ထူးခြားတိုးတက်ဖွယ် ရှိပါတယ်။ တနင်္လာ သားသမီးကတော့ ကံဇာတာ အလယ်အလတ်လောက် ရှိပါတယ်။ အသေးစိတ်ကို ကြည့်ကြရအောင်လား။

.

တနင်္ဂနွေ သားသမီးများ

.

တနင်္ဂနွေ သားသမီးများအတွက် ယခုလ, ဟာ ကံဇာတာ ညံ့နိုင်ဖွယ် ရှိတဲ့ လ, တစ်လ ဖြစ်ပါတယ်။ မိမိ အလုပ်အကိုင်နဲ့ ပတ်သက်ပြီး နာမည်ဂုဏ်သတင်း ကျဆင်းစရာ ကိစ္စတွေ ဖြစ်နိုင်ပါတယ်။ သိက္ခာကျစရာတွေ ဖြစ်နိုင်တယ်။ အလုပ်တာဝန် အလွန်ဖိစီးမယ်။ မိမိရဲ့ လျှို့ဝှက်ချက်တစ်ခု ပေါက်ကြားနိုင်တယ်။ မကောင်းသတင်း ထွက်နိုင်တယ်။ မိသားစုအတွင်း အသက်အရွယ်ကြီးရင့်နေတဲ့ မိဘ၊ အဖိုးအဖွားများအတွက် စိတ်သောက ရောက်စရာ ပေါ်နိုင်တယ်။

ကိုယ့်လက် အောက်က လူတွေ၊ တပည့်လက်သားတွေနဲ့ မပြေမလည်ဖြစ်မယ်။ သူတို့ရဲ့ ဒုက္ခပေးမှု ခံရနိုင်တယ်။ တပည့်လက်သားအချို့ မိမိလက်အောက်က ထွက်ခွာတတ်တယ်။ နေရာ၊ အလုပ် အပြောင်းအလဲ ရှိနိုင်တယ်။ (အင်္ဂါ၊ ဗုဒ္ဓဟူး၊ စနေ) သက္ခတ်များအတွင်း ရောက်နေရင် မကောင်းသော အပြောင်းအလဲ ဖြစ်တတ်ပြီး၊ အခြား သက္ခတ်များမှာ ပုံမှန် အပြောင်းအလဲမျိုး ဖြစ်နိုင်တယ်။ ဒီလထဲမှာ ခရီးတို၊ ခရီးရှည် သွားလာမှုများ မကောင်းသေးပါ။

ခရီးသွားလာမှု ကိစ္စနဲ့ ပတ်သက်ပြီး အခက်အခဲ ၊ ပြဿနာများ ကြုံရတတ်တယ်။ ယခုလထဲမှာ ငွေကြေးကံတော့ သိပ်မဆိုးပါ။ သက္ခတ် ကောင်းများ ရောက်နေရင် ငွေဝင်ကိန်း ရှိပါတယ်။ ပြီးရင်တော့ ပြန်ထွက်မယ်။ အိမ်ထောင်ရှင်များ အိမ်ထောင်ရေး ပြဿနာ ၊ ခိုက်ရန်ဖြစ်ပွားမှုများ ဖြစ်နိုင်တယ်။ ငယ်ရွယ်သူများလည်း အချစ်ရေးကံ မကောင်းသေးပါ။ ချစ်သူရဲ့ အထင်လွဲမှုကို ခံရတတ်တယ်။ အချင်းများတတ်တယ်။ ပညာသင်ကြားနေသူများ အတွက်တော့ ပညာရေးကံ ကောင်းမွန်မယ့် လ, တစ်လ ဖြစ်တယ်။

ဒီလအတွက် နာမည်မှာ တနင်္ဂနွေ စ, ပြီး  တနင်္ဂနွေ၊ အင်္ဂါ၊ သောကြာ၊ စနေ ဆုံးသူများ ကံဇာတာမကောင်းတတ်တာကို သတိထားရမယ်။ တနင်္ဂနွေ  + သောကြာ အတွဲ မှည့်ထားသူများ Accident ၊ သွေးထွက်သံယို၊ ခွဲစိတ်ကုသမှု၊ အိမ်ထောင်ရေး ပြဿနာ အထူးသတိပြုပါ။

တနင်္ဂနွေ စ, ပြီး တနင်္လာ၊ ဗုဒ္ဓဟူး၊ ကြာသပတေး ဆုံးသော နာမည်ပိုင်ရှင်များ အနည်းငယ် ကံကောင်းမှု၊ အဆင်ပြေမှုများကို မျှော်လင့်နိုင်ပါတယ်။ သိပ် ဆိုးစရာ မရှိပါ။

ယတြာပြုလိုသူများအတွက် -  မိမိမွေးနေ့မှာ သီလရှင်တစ်ပါးကို ဆွမ်းဆန်စိမ်း တစ်ပြည် နဲ့ ဖိနပ်တစ်ရံ လှူဒါန်းလိုက်ပါ။ ဖိနပ်ဆိုဒ် အခက်အခဲရှိလျှင် ဖိနပ်ဖိုးပါဟု ပြောပြီး “ဖိနပ်တစ်ရံဖိုး” လှူဒါန်းလိုက်ပါ။

.

တနင်္လာ သားသမီးများ

.

တနင်္လာ သားသမီးများအတွက် ယခုလ, ဟာ ကံဇာတာ အသင့်အတင့် ကောင်းမွန်တဲ့ အနေအထား ရှိပါတယ်။ စီးပွားရေး၊ လူမှုရေး၊ အိမ်ထောင်ရေး ၊ စသည်များမှာ ပြဿနာ မရှိလှပါ။ ကျန်းမာရေး တစ်ခုသာ ဂရုစိုက်ရပါမယ်။ ကျန်းမာရေး အနည်းငယ် ညံ့နိုင်ပါတယ်။ အလုပ်အကိုင် ရှာဖွေနေသူများ အတွက် အလုပ်သစ် အကိုင်သစ်များ ရရှိနိုင်တယ်။ ငွေကြေးကံ ကောင်းပြီး မဖတ်မတင်တာမျိုး ဖြစ်တတ်တယ်။ ယာဉ်ကားဝယ်ဖို့ ချင့်ချိန် နေသူများအတွက် ယာဉ်ကားများ ၀ယ်ဖြစ်သွားနိုင်တဲ့ လ, ဖြစ်ပါတယ်။ မမျှော်လင့်ဘဲ နာမည် ထ, ကြီးတာမျိုး ၊ မိမိအား ဂုဏ်ပြု ချီးမွမ်းခံရတာမျိုး ဖြစ်တတ်တယ်။

ပြည်တွင်းခရီး၊ ဘုရားဖူးခရီး၊ နိုင်ငံခြား ခရီးများ ထွက်ဖို့ကြံရွယ်နေသူများ ထွက်ဖြစ်မယ်။ ခရီးသွားလာရေး ကိစ္စ အားလုံး ကောင်းလိမ့်မယ်။ အိမ်ထောင်ရှိသူများ မိမိအိမ်ထောင်ဘက် မကျန်းမာခြင်းဖြစ်စေ၊ အလုပ်အကိုင် အပြောင်းအလဲဖြစ်ခြင်း ဖြစ်စေ ကြုံနိုင်တယ်။ သိပ်တော့ စိုးရိမ်ဖွယ် မရှိပါ။ ပညာသင်ကြား နေကြသော  ငယ်ရွယ်သူများမှာ ပညာရေးနဲ့ ပတ်သက်ပြီး အခက်အခဲ ပြဿနာ တစ်ခုခု ကြုံရဖွယ် ရှိပါတယ်။

အချစ်ရေးကံ ကောင်းနိုင်တယ်။ ခွဲခွာနေရသော ချစ်သူများ ပြန်လည် ဆုံတွေ့နိုင်တယ်။ မိမိရဲ့ အကြီးအကဲဖြစ်သူ Boss နဲ့ အနည်းငယ် ပြဿနာ ကြုံဖွယ် ရှိသော်လည်း ဆိုးဆိုးဝါးဝါးတော့ မဟုတ်ပါ။ ယေဘူယ ပြောရရင်တော့ ဒီလ, အတွက် တနင်္လာသားသမီးများ ကံဇာတာ ကောင်းမွန်ပါတယ်။

နာမည်တွဲလုံး အနေနဲ့ နာမည်မှာ တနင်္လာ စ, ပြီး ဗုဒ္ဓဟူး၊ သောကြာ ဆုံးသူများ အထူးကံကောင်းနိုင်ဖွယ် ရှိတဲ့ လ, ဖြစ်ပါတယ်။

တနင်္လာ စ,ပြီး ကြာသပတေး ဆုံးသူများ ကံကောင်းတယ်လို့ ပြောနိုင်ပေမယ့် ပညာရေး၊ အိမ်ထောင်ရေးများ သတိပြုပါ။ ထိခိုက်ရှနာ ဖြစ်တတ်တယ်။ အကြီးအကဲနှင့် ပြဿနာ အနည်းငယ်ဖြစ်ဖွယ် ရှိနိုင်ပါတယ်။

နာမည်မှာ တနင်္လာ စ, ပြီး အင်္ဂါ၊ စနေ၊ တနင်္ဂနွေ ဆုံးသူများ ကျန်းမာရေး၊ ငွေရေးကြေးရေး ပြဿနာ အရှုတ်အရှင်း၊ ထိခိုက်ရှနာမှုများ၊ စိတ်ညစ်နွမ်းဖွယ် ကိစ္စများ  ကြုံရတတ်ပါတယ်။ အညံ့ နည်းနည်း ရှိပါတယ်။

ယတြာ ပြလုပ်လိုသူများအတွက် – မိမိနေအိမ်ဘုရားမှာ ကန်စွန်းရွက်ကြော် မကြာခဏ ကပ်လှူပူဇော် ပေးပြီး၊ ရဟန်းသံဃာတစ်ပါးကို သင်္ကန်းတစ်စုံ ကပ်လှူ လိုက်ပါ။

.

အင်္ဂါ သားသမီးများ

.

အင်္ဂါ သားသမီးများအတွက် ယခုလ, ဟာ ကံဇာတာ အနိမ့်ပါးဆုံးလ , ဖြစ်ဖွယ်ရှိပါတယ်။ ယခင်လ ကလည်း အင်္ဂါသားသမီးများ ကံဇာတာ ညံ့ပါတယ်။ ယခုလမှာ ပိုပြီး ညံ့ဖွယ် ရှိပါတယ်။ ကျန်းမာရေး အထူးဂရုပြုပါ။ မျက်စေ့၊ နှာခေါင်း၊ လည်ချောင်း၊ ကျောက်ကပ်၊ ခြေထောက် စတဲ့ ကိုယ်အင်္ဂါများမှာ အနာရောဂါ ဖြစ်တတ်ပါတယ်။ ထိခိုက်ဖွယ် ရှိပါတယ်။ သက္ခတ်ညံ့လျှင် ခွဲစိတ်ကုသရကိန်း အထိ ရှိနိုင်ပါတယ်။

ငွေကြေးကိစ္စ ပြဿနာ အထူးတတ်ဖွယ် ရှိပါတယ်။ အလောင်းအစားကိစ္စများကြောင့် ငွေကြေး မြောက်များစွာ ဆုံးရှုံးကိန်း ရှိပါတယ်။ မိမိစုဆောင်း သိမ်းဆည်းထားတဲ့ ရွှေထည်များ အထွက်ရှိတာကြောင့် သတိပြုပါ။ ငွေကြေးအခက်အခဲကြောင့် ရောင်းလိုက်ရတာမျိုး ရှိတတ်သလို၊ ရွှေထည် ပျောက်ရှမှု၊ လိမ်လည် ခိုးဝှက်ခံရမှုများ ရှိတတ်ပါတယ်။ မိမိမိတ်ဆွေများနှင့် မပြေမလည်ဖြစ်ကာ အငြင်းပွား၊ အချင်းများရကိန်း ရှိပါတယ်။ သားသမီးရှိသူများ “သားပူ၊ သမီးပူ” ပူရမယ့် ကိစ္စမျိုး ပေါ်ပေါက်တတ်ပါတယ်။

မသန့်ရှင်းတဲ့ငွေများ ယခုလမှာ ၀င်လာခဲ့ရင် ဒီငွေ နဲ့ ပတ်သတ်ပြီး ပြဿနာ တက်ဖို့ ၉၀% လောက် ရှိပါတယ်။ ၀န်ထမ်းများ “လာဘ်ငွေ” အထူးသတိပြု။ ငွေကြေးနဲ့ ပတ်သက်ပြီး “အ၀င်” ကြောင့်ဘဲ ဖြစ်ဖြစ်၊ “အထွက်” ကြောင့်ဘဲ ဖြစ်ဖြစ် ၊ တော်တော် ခေါင်းကိုက်ရမယ့် လ, ဖြစ်တတ်ပါတယ်။ အလောင်းအစား နဲ့ အသက်မွေးသူများ ယခုလမှာ “မနိုင်ဝန်” ထမ်းမိတတ်ပြီး မရှုနိုင် မကယ်နိုင် ဖြစ်တတ်ပါတယ်။

နာမည်မှာ အင်္ဂါ စ, ပြီး တနင်္ဂနွေ၊ အင်္ဂါ၊ ဗုဒ္ဓဟူး၊ စနေ ဆုံးသူများ ဒီလအတွက် ကံဇာတာ အထူးညံ့နိုင်ပါတယ်။ တနင်္ဂနွေ နဲ့ ဗုဒ္ဓဟူး ဆုံးသူများ အညံ့ ပိုမိုဖွယ် ရှိပါတယ်။ အိမ်ထောင်ရေး/အိမ်တွင်းရေး ပြဿနာပါ သတိထားပါ။ လူစု လူဝေး ၊ ပွဲလမ်းသဘင်များ အထူးရှောင်ပါ။

အင်္ဂါ စ, ပြီး တနင်္လာ၊ ကြာသပတေး၊ သောကြာ ဆုံးသူများ မှာတော့ ကံဇာမကောင်းဘူးဆိုပေမယ့် နည်းနည်းတော့ အဆိုးသက်သာခွင့် ကြုံနိုင်ပါတယ်။

ယတြာ ပြလုပ်လိုသူများအတွက် – မိမိမွေးနေ့မှာ အိမ်က ဘုရားမှာဖြစ်ဖြစ်၊ အင်္ဂါနံ ဘုရားမှာ ဖြစ်ဖြစ် ဇလပ်၊  ဇီဇ၀ါ ၊ စွယ်တော် ၊ ဇွန် ၊ ဇော်စိမ်း  – အရွက်ရရ၊ အပွင့်ရရ ရရာကို မိမိမွေးနေ့များမှာ ကပ်လှူပေးပါ။ ပန်း , အညွန့်များ မရနိုင်လျှင် “စပရိုက်” အချိုရည်ကို ဘုရားမှာ မကြာခဏ ကပ်လှူပေးပါ။ (သတိ- မိမိ လုံးဝ မသောက်ရပါ)

.

ဗုဒ္ဓဟူး သားသမီးများ

.

ဗုဒ္ဓဟူး သားသမီးများအတွက် ယခုလ, ဟာ ကံဇာတာ ကောင်းမွန်တိုးတက်မှု ရှိမယ့် လ, ဖြစ်ပေမယ့် ကိုယ်ပင်ပန်းမှု၊ စိတ်ဖိစီးမှုတွေလည်း များနိုင်တဲ့ လ, ဖြစ်ပါတယ်။ “ကောင်းတော့ ကောင်းတယ်၊ မျက်စေ့စပ်တယ်” ဆိုတဲ့ လ, မျိုး ဖြစ်လိမ့်မယ်။ ၀န်ထမ်းတွေမှာ ကိုယ်မနိုင်တဲ့ တာဝန်တွေ အပေးအပ် ခံရမယ်။  ကိုယ်ပိုင်လုပ်ငန်း သမားတွေမှာလည်း “အလုပ်ကများ လူက မအား” ဆိုတာလိုဖြစ်မယ်။ သူများကိစ္စတွေ လိုက်လုပ်ပေး နေရမယ်။ ဖခင်၊ အကြီးအကဲတွေရဲ့ ယုံကြည်လွှဲအပ်မှုကို ခံရမယ်။ အောင်မြင်အောင်လည်း ဆောင်ရွက်နိုင်လိမ့်မယ်။

စိတ်နှစ်ခွ ဖြစ်စရာ ကိစ္စတွေ ကြုံမယ်။ တိကျတဲ့ ဆုံးဖြတ်ချက်များ ချမှတ်ဖို့ ခက်ခဲတဲ့  အခြေအနေတွေ ကြုံရမယ်။ ဒါပေမယ့် အမှန်များမယ်။ လူအများရဲ့ အာရုံစိုက်မှု၊ ချီးကျူးထောပနာ ပြုမှုတွေ ခံရမယ်။ အလိုလိုနေရင်း နာမည်ကြီး နေမယ်။ နာမည်နဲ့လုပ်စား သူများအတွက် အလွန်ကောင်းတဲ့ လ, ဖြစ်တယ်။ ငွေကြေးကံလည်း အထူးကောင်းနေမယ်။

ငွေစုငွေပုံ ရတတ်တယ်။ ငယ်ရွယ်သူများ ပညာရေးကံ အလွန်ကောင်းမယ်။ “အဆောက်အဦး၊ မြေ” . .  စသည်များနှင့် ပတ်သတ်ပြီး ကံကောင်းမှုကို ခံစားရမယ်။ အကြီးအကဲ လုပ်သူများရဲ့ မျက်နှာသာ ပေးမှု ခံရမယ်။ “ရွှေထည်” ပစ္စည်းများ ၀င်ကိန်းရှိတယ်။ ယခုလ ရွှေဝယ်လျှင် “အင်္ဂါ၊ စနေ” နေ့များကို ရှောင်ဝယ်ပါ။ နောက်ပိုင်း ပြဿနာ ရှိတတ်တယ်။ သောကြာနေ့ ရွှေဝယ်လျှင် အကောင်းဆုံးဖြစ်မယ်။

ညီအစ်ကို မောင်နှမ ဆွေမျိုးသားချင်းများနှင့် ပတ်သက်ပြီး စိတ်ဒုက္ခ ရောက်စရာ ကြုံတတ်တယ်။ စက်ပစ္စည်း ၀င်လျှင် မကောင်းပါ။ မိမိ အမြဲ သုံးစွဲနေသော စက်ပစ္စည်း ပျက်လို့ စိတ်ရှုတ်စရာ ကိစ္စတွေ ကြုံမယ်။  မီး ၊ လျှပ်စစ် ၊ ချွန်ထက်သော အရာများ ၊ အန္တရာယ်ရှိသော စက်ပစ္စည်းများကို ကိုင်တွယ်ရာမှာ သတိပြုပါ။ အနည်းငယ် ထိခိုက်ရှနာကိန်း ရှိတတ်ပါတယ်။

ယခုလအတွက် နာမည်မှာ – ဗုဒ္ဓဟူး စ, ပြီး အင်္ဂါဆုံးသူများ အထူးဂရုစိုက်ပါ။ ဘေးဥပဒ် တစ်ခုမဟုတ် တစ်ခု ကြုံရဖွယ် ရှိပါတယ်။

ဗုဒ္ဓဟူး စ, ပြီး  ဗုဒ္ဓဟူး ဆုံးသူများ ယခုလ – ခက်ခဲ လေးလံတဲ့ မနိုင်ဝန်များ ထမ်းရဖွယ်ရှိပြီး အလွန် စိတ်ပင်ပန်း၊ ကိုယ်ပင်ပန်း ဖြစ်ရဖို့ ရှိပါတယ်။ အောင်မြင် အောင် ဆောင်ရွက်နိုင်ဖို့တော့ ရှိပါတယ်။

ဗုဒ္ဓဟူး စ, ပြီး တနင်္လာ၊ ကြာသပတေး၊ သောကြာ ဆုံးသူများ ယခုလအတွက် ကံဇာတာ ကောင်းမွန်မှုကို အထူးခံစားရဖွယ် ရှိပါတယ်။  ဗုဒ္ဓဟူး စ, ပြီး သောကြာ ဆုံးသူများ အထူးကောင်းစားနိုင်ပါတယ်။

ယတြာပြုလုပ်လိုသူများအတွက် - မိမိနေအိမ် ဘုရားတွင်  “ဗုဒ္ဓဟူးနေ့” မှာ “သီဟို သရက်စေ့” ၊ “သောကြာနေ့” မှာ “သရက်သီး၊ သရက်ယို၊ သရက်ဖျော်ရည်” များကို တလှည့်စီ  ကပ်လှူပေးပါ။ မိမိလည်း သောက်ပါ။ စားပါ။ ကံကောင်းမှုများ ပိုမို ရရှိနိုင်ပါတယ်။

.

ကြာသပတေး သားသမီးများ

.

ကြာသပတေး သားသမီးများအတွက် ယခုလ, ဟာ ကံကြမ္မာအကောင်း အတော်များပါတယ်။ အပေါင်းအသင်းကောင်း၊ မိတ်ကောင်းဆွေကောင်းများရဲ့ ကူညီမှုကို အထူးရရှိမယ်။ အရွယ်ရောက်နေတဲ့ သားသမီးရှိသူများ သားသမီးရဲ့ အကျိုးကျေးဇူးကို ခံစားရလိမ့်မယ်။ လုပ်ငန်းအပြိုင်အဆိုင် လုပ်နေသူများ အခက်အခဲကြားကနေ အောင်မြင်မှု ရမယ်။ မင်းစိုးရာဇာ အကြီးအကဲများရဲ့ အကူအညီကို ရရှိနိုင်တယ်။ နိုင်ငံပိုင် လုပ်ငန်းများနှင့် ဆက်စပ်နေသော အလုပ် အကိုင်များ လုပ်ကိုင်နေသူများ အကျိုးများနိုင်တယ်။

ပညာရေး ၀န်ဆောင်မှု လုပ်ငန်းများ၊ ဟော်တယ် နှင့် ခရီးသွားလာရေး လုပ်ငန်းများ၊ ဘဏ် လုပ်ငန်း၊ အာမခံလုပ်ငန်း၊ စာရင်းအင်း လုပ်ငန်း၊ အကျိုးဆောင်လုပ်ငန်းများ လုပ်ကိုင်နေသူများ အကျိုးများနိုင်တဲ့ ကာလဖြစ်တယ်။ ငွေကြေး လာဘ်လာဘ အများအပြား ၀င်ကိန်း ရှိတယ်။ ငယ်ရွယ်သူများ နှင့် အိမ်ထောင်ရှင်များ အချစ်ရေး အဆင်ပြေမယ်။ မိသားစုနဲ့အတူ ဘုရားဖူးခရီးများ သွားရတတ်တယ်။ စာအုပ် စာပေ ၊ စာ/နယ်/ဇင်း ဆိုင်ရာလုပ်ငန်းများကို လုပ်ကိုင်နေသူများ လုပ်ငန်းခွင်ဆိုင်ရာမှာ အခက်အခဲ ပြဿနာတွေ ကြုံနိုင်တယ်။

ငွေကြေး ချေးငှားမှုများ နှင့် ငွေကြေး အလုံးအရင်း နဲ့ ရင်းနှီးမြုတ်နှံမှုများကို သေချာ စဉ်းစားပြီးမှ လုပ်ပါ။ ဒီလအတွင်း ဖက်စပ်၊ စပ်တူ မည်သူနှင့်မျှ မလုပ် စေလိုပါ။ အခြား ရင်းနှီးမြုတ်နှံမှုများထက် “မြေကွက်” ရင်းနှီးမြုတ်နှံမှုက (ယခုလအတွက်) အတော် အကျိုးများနိုင်ပါတယ်။ မိမိဝယ်ထားတဲ့ မြေကွက်၊ အိမ် များရှိလျှင် ယခုလမှာ ဈေးကောင်းပေး ကမ်းလှမ်းမှုများ ကြုံတွေ့နိုင်တယ်။ ပညာသင်ကြားနေဆဲ မောင်မယ်များ ယခုလအတွက် “ပညာရေး ကံ” အထူးကောင်းနိုင်တဲ့ လ, ဖြစ်ပါတယ်။

ယခုလအတွက် နာမည်မှာ – ကြာသပတေး စ, ပြီး ကြာသပတေး၊ သောကြာ ဆုံးသူများ အလွန်ကောင်းမွန်တဲ့ ကံတရားများကို ကြုံတွေ့ဖွယ်ရှိတယ်။

ကြာသပတေး စ, ပြီး ဗုဒ္ဓဟူး နဲ့ တနင်္လာ ဆုံးသူများ မှာလည်း သင့်တင့်လျှောက်ပတ်တဲ့ ကံကောင်းမှုများကို ရရှိနိုင်ပါတယ်။

ကြာသပတေး စ, ပြီး အင်္ဂါ၊ စနေ ၊ တနင်္ဂနွေ ဆုံးသူများ အကောင်း နှင့် အဆိုး မျှပြီး ခံစားရဖွယ်ရှိပါတယ်။

ယတြာလုပ်လိုသူများအတွက် - ကြာသပတေးနေ့ တစ်နေ့မှာ စံပယ်ပန်းလဘ္ဘက်ခြောက်ကို ကြွေရေနွေးကရားမှာ ကျကျနန နှပ်ပြီးလျှင် ဖန်ခွက် (၆)ခွက်မှာ ထည့်၍ (မိမိနေအိမ် ဘုရားမှာ) ကပ်လှူပူဇော်လိုက်ပါ။

.

သောကြာ သားသမီးများ

.

သောကြာသားသမီးများအတွက် ယခုလ, ဟာ ကံကြမ္မာတိုးတက်ကောင်းမွန်လျှက် ရှိမယ့် လ, ပါဘဲ။ ခရီး နှင့် အပြောင်းအလဲ(ယာယီ) အချို့ ရှိနိုင်ပေမယ့် ကောင်းသော ခရီး နှင့် အပြောင်းအလဲများသာ ဖြစ်ပါလိမ့်မယ်။ နာမည်ကျော်ကြားခြင်း၊ ဂုဏ်ပြုချီးမွမ်းခံရခြင်း၊ ပျော်ရွှင်ဖွယ်ကောင်းသော မင်္ဂလာ အခမ်းအနားများ နှင့် ကြုံဆုံရခြင်းများ ဖြစ်ဖွယ်ရှိတယ်။ ကြံရွယ်မထားတဲ့ ခရီးတို ခရီးရှည်/ ဘုရားဖူး ခရီးများ ထွက်ဖြစ်လိမ့်မယ်။ နိုင်ငံရပ်ခြားကို ထွက်ဖို့ ကြံရွယ်နေသူများအတွက် လွယ်လင့်တကူ ထွက်ခွင့်ရနိုင်တယ်။ မိသားစုနဲ့အတူ ပျော်ရွှင်ရမယ်။

မိမိကိုးကွယ်တဲ့ ဘာသာတရား နှင့် ပတ်သက်ပြီး ထူးခြားတဲ့ ကိစ္စတစ်ခု ဆောင်ရွက်ရတတ်တယ်။ စိတ်ထဲမှာ ကြံရွယ်နေတဲ့ အလှူဒါနတစ်ခု ပြုခွင့်ရမယ်။ ပညာသင်ကြားနေသူ မောင်မယ်များအတွက် ပညာရေး အထူးကံကောင်း နိုင်တဲ့ ကာလဖြစ်တယ်။ တစ်ချို့ သောကြာသားသမီးများမှာ ကြံရွယ်မထားဘဲ ပညာရပ်ဆိုင်ရာ သင်တန်းတစ်ခု တက်စရာ အကြောင်းပေါ်လာတတ်တယ်။  ဒီသင်တန်းဟာ အနာဂါတ်ကာလအတွက်  အကျိုးထူး လာလိမ့်မယ်။

အိုးအိမ် အဆောက်အဦး နှင့် ပတ်သတ်ပြီး ကံမကောင်းနိုင်သေးလို့ ဒီလထဲမှာ အိမ်ရောင်းခြင်း၊ အိမ်ဝယ်ခြင်းများ မပြုသင့်သေးပါ။ ကိုယ့်ရဲ့ အမိအဖသော်၎င်း၊ အကြီးအကဲသော်၎င်း နာဖျားမကျန်းရှိပြီး အသည်းအသန် ဖြစ်တတ်တယ်။ ယခုလထဲမှာ “အုန်းသီး” ၊ အုန်းသီး နဲ့ ပတ်သက်တဲ့ မုန့်၊ အဖျော်ရည် စသည်များ စားခြင်းကို ရှောင်ပါ။ ရုတ်တရက် နာမကျန်းဖြစ်တတ်ပါတယ်။ (သွေးတိုး/ဆီးချို ရှိသူများ သတိ)

ယခုလအတွက် နာမည်မှာ - သောကြာ စ, ပြီး ဗုဒ္ဓဟူး၊ ကြာသပတေး၊ သောကြာ ဆုံးသူများ အထူးကံကောင်းမယ့် လ, ဖြစ်လိမ့်မယ်။

သောကြာ စ, ပြီး တနင်္လာ ဆုံးသူများ အောင်မြင်ရေး၊ စီးပွားရေး၊ အလုပ်အကိုင် စသည်များမှာ ကံကောင်းနိုင်ပေမယ့် အိမ်ထောင်ရေး ပြဿနာ ၊ အိမ်တွင်းရေး ပြဿနာ များ ဖြစ်ရဖွယ် ရှိပါတယ်။

သောကြာ စ, ပြီး တနင်္ဂနွေ ဆုံးသူများ – ထိခိုက်ရှနာ၊ Accident နှင့် အိမ်ထောင်ရေး၊ လူမှုရေး ပြဿနာများ ကြုံရဖွယ် ရှိပါတယ်။ (သိပ် အဆိုးကြီး မဟုတ်ပါ)

သောကြာ စ, ပြီး စနေ ၊ အင်္ဂါ ဆုံးသူများ ကျန်းမာရေး ဂရုပြုပါ။ လ, အ၀င် (သို့) လ, အကုန်ပိုင်းလောက်မှာ ကျန်းမာရေး ပြဿနာ ဖြစ်နိုင်ပါတယ်။

ယတြာပြုလုပ်လိုသူများအတွက် – မွေးနေ့ သောကြာနေ့မှာ “ဘုရားဖူးခရီးတစ်ခု” ထွက်လိုက်ပါ။ သို့မဟုတ် မိမိနေအိမ်မှ အတော်အလှမ်းကွာဝေးတဲ့ တန်ခိုးကြီးဘုရားတစ်ဆူကို သွားရောက်ဖူးမျှော်လိုက်ပါ။

.

စနေ သားသမီးများ

.

စနေ သားသမီးများအတွက် ယခုလ, ဟာ ကံဇာတာ တော်တော်လေး ညံ့နိုင်တဲ့ လ, ဖြစ်ပါတယ်။ မိမိမွေးနံအပေါ် ကောဇာ စနေဂြိုဟ် ပြန်စီးနေတာမို့ သွားသတိ၊ လာသတိ၊ စားသတိ နေရမယ့် လ, တစ်လပါ။ သက္ခတ်ကောင်းများတွင် ရောက်နေသူများပင် သတိထားသင့်ပါတယ်။ အင်္ဂါ၊ ဗုဒ္ဓဟူး၊ စနေ သက္ခတ် များဆိုရင်တော့ မိမိအိမ်၊ လုပ်ငန်း ခွင်ကလွဲပြီး “ဟို စပ်စပ်၊ ဒီ စပ်စပ်” သွားလာခြင်းကို ရှောင်ပါ။ လူစုလူဝေး ရှောင်ပါ။ မိမိကိုးကွယ်တဲ့ ဘာသာတရားကို များများလေး လုပ်ပေးပါ။ ကျန်းမာရေး ဂရုစိုက်ပါ။ ဒီလအတွက် စနေသားသမီး ၇၀% လောက် ကျန်းမာရေး ထိခိုက်နိုင်တယ်။ အနည်း နဲ့ အများဘဲ။

နဂို ရောဂါဟောင်း အခံရှိသူများ ရောဂါ ပြန်ကြွ တတ်ပါတယ်။ စိတ်ဆင်းရဲစရာ ကိစ္စတွေ တွေ့ရမယ်။ အသက်ကြီးသူ အမိအဖ အဖိုးအဖွားများရဲ့ ကျန်းမာရေး သော်၎င်း ထိခိုက်မယ်။ မိမိနေအိမ်မှာ ဆွေမျိုးသားခြင်းထဲက အသက်ကြီးသူများ လာရောက်တည်းခိုရင်း ရုတ်တရက် မကျန်းမမာဖြစ်ပြီး ပြုစုရတတ်တဲ့ ကိန်းမျိုး ရှိပါတယ်။

ဒီလ ထဲမှာ ရုတ်တရက်ခရီးသွားလာဖို့အကြောင်း ပေါ်လာတတ်တယ်။ “ဘုရားဖူး” ခရီးကလွဲရင် ကျန်ခရီးများ မထွက်သင့်ပါ။ မတော်တဆမှု (Accident) ဖြစ်တတ်ပါတယ်။ ဘုရားဖူး ခရီးပင် ပြည်ပခရီး မသွားသင့်သေးပါ။ ပြည်တွင်းခရီးလောက်သာ သွားသင့်ပါတယ်။ အချို့သော စနေသားသမီးများမှာ လျှို့ဝှက်ထားသော ငွေကြေးကိစ္စများ ပေါ်ပေါက်တတ်ပြီး ပြဿနာ အလွန်များတတ်ပါတယ်။ နာမည်ပျက် သိက္ခာကျတတ်ပါတယ်။ အိမ်ထောင်ဘက် နှင့်သော်၎င်း၊ မိသားစု နဲ့သော်၎င်း၊ လုပ်ဖော်ကိုင်ဘက်များနှင့်သော်၎င်း ပြဿနာဖြစ်ပွားတတ်ပါတယ်။

ယခုလအတွက် နာမည်မှာ – စနေ စ, ပြီး အင်္ဂါ ၊ စနေ ၊ တနင်္ဂနွေ ဆုံးသူများ ကံဇာတာ အလွန်ညံ့တတ်ပါတယ်။ စနေ အစ ၊ စနေ အဆုံးများ ပိုမို သတိထား ရပါမယ်။

စနေ စ, ပြီး ကြာသပတေး ဆုံးသော နာမည်ပိုင်ရှင်များ လည်း အညံ့ရှိပါတယ်။ ထိခိုက်ရှနာမှု သတိထားပါ။

ကျန် စနေ စ,ပြီး တနင်္လာ၊ ဗုဒ္ဓဟူး ၊ သောကြာ ဆုံးသူများမှာ “သက္ခတ်” ကောင်းလျှင် သိပ်အညံ့ကြီး မဟုတ်ပါ။ “အင်္ဂါ၊ ဗုဒ္ဓဟူး၊ စနေ” သက္ခတ်များဆိုရင်တော့ သတိထားရဦးမှာပါဘဲ။

ယတြာ ပြုလုပ်လိုသူများအတွက် – ယခုလမှာ စနေနံ အစားအစာတွေဖြစ်တဲ့ “အမဲသား၊ နာနတ်သီး၊ ဒူးရင်းသီး ၊ ဒါန်ပေါက်၊ နို့အမျိုးမျိုး ၊ နို့ထွက်ပစ္စည်း ၊ ဒိန်ချဉ်၊ ဒိန်ခဲ၊ ထောပတ်” စသည်များ စားသုံခြင်း ရှောင်ကျဉ်ပါ။ ကျန်းမာရေး ထိခိုက်တတ်ပါတယ်။ အနက်ရောင် နှင့် နက်ပြာရောင် အ၀တ်အစားများ ၀တ်ဆင်ခြင်း ရှောင်နိုင်လျှင် ကောင်းပါသည်။ ထို့နောက် တန်ခိုးကြီးဘုရားတစ်ဆူ၏ စနေနံဒေါင့် ဘုရားတွင် ထီးအနီ (၁၀)လက် လှူဒါန်းလိုက်ပါ။ ထိုယတြာ ပြုလုပ်ရန် မလွယ်ကူပါက သက်ကြီးရွယ်အို အဖိုး/အဖွား တစ်ယောက်အား “ဖိနပ်” တရံ လှူဒါန်းလိုက်ပါ။

.

ရာဟု သားသမီးများ (ဗုဒ္ဓဟူးနေ့ မွန်းလွဲပိုင်း မွေးသူများ)

.

ရာဟု သားသမီးများအတွက် ယခုလ, ဟာ ဗုဒ္ဓဟူး သားသမီးများနှင့် အတူတူလိုပင် ဖြစ်ပြီး ဗုဒ္ဓဟူးသားသမီးများထက်  ပိုမိုကံကောင်းနိုင်ပါတယ်။ အလုပ်တာဝန် ၀တ္တရားများ ဖိစီးမှုအပိုင်းမှာ ဗုဒ္ဓဟူး သားသမီးများလိုပါဘဲ။ အတော် ကိုယ်ပင်ပန်း စိတ်ပင်ပန်း ရမယ့် လ , ဖြစ်ပါတယ်။ သို့သော်လည်း ပင်ပန်းမှုရဲ့ အကျိုးကျေးဇူးကိုတော့ ခံစားရမှာ ဖြစ်ပါတယ်။ မိမိ နာမည်ဂုဏ်သတင်း ကျော်ကြားမှု၊ နာမည်ကောင်း ထွက်မှုများကို ရရှိနိုင်မှာ ဖြစ်ပါတယ်။  ငွေကြေး ကိစ္စမှာလည်း ကံကောင်းမှု ရှိပါလိမ့်မယ်။ အိမ်ထောင်ရှိသူများ အိမ်ထောင်ရေး ကတောက်ကဆ ဖြစ်မှု အနည်းငယ် ရှိတတ်ပါတယ်။

မိမိ ဆွေမျိုးသားခြင်းတွေရဲ့ ကိစ္စတွေကို လိုက်ဖြေရှင်းပေးရကိန်း ရှိပါတယ်။ ဆွေမျိုး ညီအစ်ကို မောင်နှမတွေရဲ့ ဒုက္ခခံရဖွယ် ရှိပါတယ်။ မိမိဆွေမျိုး များကြောင့် မိမိအိမ်ထောင်ဘက် နဲ့ အငြင်းပွား အချင်းများရကိန်း ရှိပါတယ်။ ဆွေမျိုးကြောင့် လင်မယားခြင်း ရန်ဖြစ်တတ်ပါတယ်။ စက်ပစ္စည်း၊ စိန်ထည်ပစ္စည်း ပျက်ကိန်း၊ ပျောက်ကိန်း ရှိပါတယ်။ စက်ပစ္စည်း အ၀ယ်မှားတတ်ပါတယ်။ ကျန်းမာရေးမှာ ဆေးသောက်ဆေးစား မှားတတ်ပါတယ်။ စိန်ထည် ပစ္စည်း (၀ယ်ရာ/ရောင်းရာမှာ) လိမ်လည်ခံရကိန်း ရှိတတ်ပါတယ် (ဒီလထဲမှာ စိန်၊ စက်ပစ္စည်း အရောင်းအ၀ယ်ရှောင်ပါ)

ရာဟုသားသမီးများအတွက် ယခုလမှာ မိမိကိုယ်တိုင်က ကံကောင်းနေငြားသော်လည်း မောင်နှမ သားချင်း ကိစ္စ၊ မိတ်ဆွေ အပေါင်းအသင်းကိစ္စများကြောင့် စိတ်အနှောင့်အယှက် ဖြစ်ရဖွယ် ရှိတဲ့ လ, တစ်လ ဖြစ်ကြောင်းပါ။ အခြား ကိစ္စများတော့ ကံမညံ့ပါ။

ယခုလအတွက် နာမည်မှာ - ဗုဒ္ဓဟူး/ရာဟု စ, ပြီး အင်္ဂါဆုံးသူများ ဘေးဥပဒ်သော်၎င်း၊ ကျန်းမာရေးသော်၎င်း ထိခိုက်ဖွယ် ရှိပါတယ်။

ဗုဒ္ဓဟူး/ရာဟု စ, ပြီး  ဗုဒ္ဓဟူး/ရာဟု ဆုံးသူများ ယခုလ – အလုပ်၊ တာဝန် ၊ ၀တ္တရာများ များပြားလွန်းပြီး အလွန် စိတ်ပင်ပန်း၊ ကိုယ်ပင်ပန်း ဖြစ်ရဖို့ ရှိပါတယ်။ ဒီအတွက် နောက်ပိုင်းမှာ အကျိုးကျေးဇူးတော့ ရှိမှာဖြစ်ပါတယ်။

ဗုဒ္ဓဟူး/ရာဟု စ, ပြီး တနင်္လာ၊ ကြာသပတေး၊ သောကြာ ဆုံးသူများ ယခုလအတွက် ကံဇာတာ ကောင်းမွန်မယ်လို့တွေ့ရပြီး   ဗုဒ္ဓဟူး/ရာဟု စ, ပြီး သောကြာ ဆုံးသူများ အထူး ကံကောင်းနိုင်ပါတယ်။

ယတြာ ပြလုပ်လိုသူများအတွက် - မွေးနေ့ ဗုဒ္ဓဟူးနေ့ ညနေပိုင်းတစ်ရက်ရက်မှာ တန်ခိုးကြီး ဘုရားတစ်ဆူရှိ “ရာဟုနံ” ဘုရားတွင် “လိမ္မော်ရည်” တစ်ခွက် နှင့် ယပ်တောင် တစ်ချောင်း ကို ကပ်လှူလိုက်ပါ။ အခက်အခဲမရှိလျှင် ဘုန်းကြီးကျောင်းတစ်ကျောင်းတွင် “ပန်ကာ” တစ်လုံး လှူဒါန်းပေးပါ။

.

(၇)ရက် သားသမီးအားလုံး ဘေးမသီ ရန်မခ ချမ်းသာစွာ ရှိကြပါစေကုန်သော်။

.

ဒေါက်တာတင်ဗိုလ်ဗိုလ် (ကွန်ပျူ- ဗေဒသုခုမ)

.

ဝင်ရောက်ဖတ်ရှုသူပေါင်း=8478

.

အဲဒီ ရက်ပိုင်းတွေက ဘလော့တွေထဲမှာ ညစ်ညစ်ညမ်းညမ်း လျှောက်ဆဲနေတဲ့ ကိစ္စလေး တစ်ခု ဖြစ်ပွားနေချိန်ကပေါ့။ (ကိုဝေသာလီရဲ့ ဆိုဒ်ထဲမှာပါ)။ ကျွန်တော်လည်း ကြိုတင် ကာကွယ်တဲ့ အနေနဲ့ C-box ကို ဖြုတ်ချလိုက်တယ်။ ကြောက်လို့တော့ မဟုတ်ဘူး။ ဒီ စကားလုံးတွေကို “မမြင်ဝံ့၊ မကြားဝံ့” လို့ပါ။ ဒီဝက်ဘ်ပေါ်မှာ ကျွန်တော်တို့ ယောင်္ကျားလေးတွေချည်းဘဲ ရှိတာမဟုတ်ဘူးလေ။ မိန်းကလေး တွေလည်း အများကြီးမဟုတ်လား။ ဒါကြောင့်ပါ။ သမီးချင်း၊ နှမချင်း စာနာစိတ်နဲ့ပါ။

.

ကိုတေးအေးရိပ်လည်း C-box ကို မဖြုတ်ပေမယ့် သံသယဖြစ်ဖွယ်ရှိတဲ့ Proxy တွေကို Ban လိုက်တယ်နဲ့ တူတယ်။ ကျွန်တော်က သူ့ C-box ထဲကို (ခါတိုင်းလိုဘဲ) ၀င်ရေးတော့ ကျွန်တော့်ကို Ban ထားတာ ခံလိုက်ရတယ်။ ကျွန်တော် တော်တော် ဒေါသထွက်သွားတယ်ဗျ။ ဘယ်နှယ့်ဗျာ – ဒီလို ညစ်ညစ် ညမ်းညမ်း အဓိပ္ပါယ်မရှိ လိုက်ဆဲနေတဲ့လူလို့  သံသယ ဖြစ်ဖွယ်စာရင်းထဲမှာ ကျွန်တော်လို လူမျိုး ပါသင့်သလားပေါ့။ ဒေါသထွက်လိုက်တာလေ။ ကျွန်တော် ဆိုတဲ့ အကောင်ကလည်း အသက်သာ ကြီးလာတာ “ထစ်ကနဲ” ဆို ဒေါသ အင်မတန်ထွက်လွယ်တဲ့ လူမျိုးခင်ဗျ။ ဘာရမလဲ။ အီးမေးလ် နဲ့ စာရေးပြီး တေးအေးရိပ်ကို ချဲတော့တာပေါ့။

.

ဒါပေမယ့် အဲဒီတုန်းက ကိုတေးအေးရိပ် ပြောလိုက်တဲ့ စကားတစ်ခွန်းက ကျွန်တော့ ဒေါသကို ပြေပျောက်သွားရုံမက ကိုယ့်ရဲ့အတွေးအမြင်ကိုပါ ပြောင်းသွား စေတယ်ဆိုတာ ၀န်ခံလိုက်ပါတယ်။ သူက ပြောတယ် ။ “ဆရာ ရယ် . . . ဆရာမှန်း သိရက်နဲ့ ကျွန်တော် Ban ပါ့မလား၊ ကျွန်တော်လည်း စိုးရိမ်စိတ် ကြီးပြီး Ban လိုက်တာ ဆရာ့ Proxy ပါ ရောပါသွားတာဖြစ်မှာပါ .  . တဲ့။ နောက်စကား တစ်ခွန်းက “ကျွန်တော်တို့ ဗေဒင်ဘလော့ဂ် ဈေးတန်းလေးထဲမှာ ဒီလူ ဒီလူတွေလောက်ဘဲ ရှိတာ ကျွန်တော် လုပ်ပါ့မလား .  . တဲ့။

.

ဒီစကားက ကျွန်တော့်စိတ်ကို လုံးဝ ပြေသွားရုံမက ဆက်ပြီး စဉ်းစားစရာတွေပါ ဖြစ်လာပါတယ်။ ဟုတ်ပါတယ်။ မြန်မာ ဘလော့ဂ်ဆိုဒ်တွေ အမျိုးမျိုး ရှိကြတဲ့ အထဲမှာ ကျွန်တော်တို့ ဗေဒင်ဘလော့ဂ် အုပ်စုက လူအနည်းဆုံး။ အင်အား အနည်းဆုံး။ တခြား ဘလော့ဂ်တွေဆိုရင် သူ့ဟာနဲ့သူ ၀ိုင်းရေးကြတာ ပုံလို့။  နည်းပညာပိုင်း ကြည့်ကြည့်၊ ဘာသာရေးပိုင်း ကြည့်ကြည့်၊ Information ပိုင်း ကြည့်ကြည့်၊ အနုပညာပိုင်း ကြည့်ကြည့် ဘလော့ဂ်တွေကို ပုံလို့  . . ခဲလို့။

.

ကျွန်တော်တို့ ဗေဒင်ဘလော့ဂ်ဂါ အုပ်စုကတော့ ခု, ချတွက်ကြည့်။ လူ (၁၀)ယောက်တောင်မှ မပြည့်တတ်ပါဘူးဗျာ။ ကိုတေးအေးရိပ်၊ ကိုရန်းဂန်း၊ ဝေသာလီ မောင်ဖုန်း၊ ကိုပခန်း၊ ကိုအုပ်စိုး၊ ကိုချမ်းမြေ့ဦး၊ ဇွဲတင်ဝင်း၊ ဆရာဘဲလားလေဘာတီ ၊ ကျွန်တော် . . . ဒီလူတွေလောက်ဘဲ ရှိတာလေ။ ကိုဂျေဂျူဝိုင်တို့၊ ကိုအောင်ပိုင် တို့ ပါထည့်တွက်မှ (၁၀)ယောက် ၀န်းကျင်ဘဲ ရှိတာ။ အခု အသစ်ဝင်လာတာတဲ့ “ကိုမောင်မောင်မြင့်” တို့၊ “ကို K ” တို့ပါ ထည့်တွက်ရင်တောင်မှ တခြား ဘလော့ဂ် တွေနဲ့ ယှဉ်ရင် တကယ့် လူနည်းစုလေးပါ။

.

ကိုတေးအေးရိပ် ပြောသလို ဒီလောက် လက်တစ်ဆုပ်စာ လောက်ဘဲ ရှိတဲ့ ဗေဒင်ဘလော့ဂါတွေဟာ တစ်ယောက် နဲ့ တစ်ယောက် အမှားရှိခဲ့ရင်တောင် သည်းခံ ခွင့်လွှတ်သင့်ပါတယ်။ စည်းလုံး သင့်ပါတယ်။ တော်ကြာ ဗေဒင်ဆရာ၊ ဗေဒင်ဘလော့ဂါ ဆိုတဲ့ လူစားမျိုးတွေက ဒီလိုဘဲလားကွာလို့ လူပြောစရာ ဖြစ်နေပါ့မယ်။

.

ကိုယ်က မှန်တယ် ၊ သူက မှားတယ် ဆိုပြီး ငြင်းကြတဲ့ ကိစ္စတွေမှာ ကျွန်တော် လေ့လာကြည့်သလောက်ကတော့ “လူ နှစ်ယောက် မျက်နှာချင်းဆိုင်ပြီး စာရွက်ပေါ်မှာ ရေးထားတဲ့ “အက္ခရာ” တစ်ခုကို တစ်ယောက်က “ဂ,ငယ် – ကွ” ၊ တစ်ယောက်က “ ပ,စောက် – ကွ” ဆိုပြီး ငြင်းနေကြသလိုပါဘဲ။ သူ့ဖက်သူတော့ အမှန်ချည်းပါဘဲ။ ဘယ်သူမှ မမှားပါဘူး။

.

ဒီတော့ ဒီဗေဒင် ဘလော့ဂါဈေးတန်းလေးထဲမှာရှိကြတဲ့ ညီအစ်ကို အချင်းချင်း ညီညီညွတ်ညွတ် နေကြတာ၊ ဆိုးတိုင်ပင် ကောင်းတိုင်ပင် နေကြတာ ပိုမကောင်းဘူးလားကွာ။ သူလည်း သူ့အယူ အဆနဲ့ ၊ ကိုယ်လည်း ကိုယ့် အယူအဆ နဲ့ ၊ သူ့ဟာသူ ယုံကြည်ရာ လုပ်နေ၊ ရေးနေကြတာဘဲ . . . ဆိုပြီး သဘောထားကြီးကြီး နဲ့ နားလည်ပေးနိုင်ကြရင် သိပ်ကောင်းမယ်လို့ ယူဆမိပါတယ်။

.

ကျွန်တော် ဒီဘလော့ဂ် နယ်ပယ်ထဲကို မရောက်ခင်  ဗေဒင်ပညာခရီးလမ်းကို လျှောက်ခဲ့စဉ်ကာလကလည်း ဗေဒင်ဆရာတွေ ဒီလိုဘဲ ငြင်းခုန်နေကြတာ ခဏခဏ တွေ့ရပါတယ်။ စိတ်လည်း အတော်မချမ်းသာစရာ ကောင်းတဲ့ ကိစ္စပါဘဲ။ ကိုယ့်ဟာနဲ့ကိုယ်တော့ မှန်တယ်လို့ ထင်ကြသူ ချည်းပါဘဲ။ အများဆုံး ငြင်းကြတာတော့ “ကျမ်း” ကိစ္စပါဘဲ။ ဒီဆရာရဲ့ ကျမ်းက မှန်တယ်၊ ဟို ဆရာရဲ့ ကျမ်းက မှားတယ်။ ဒီပညာက မှားတယ်၊ ဟို ပညာက မှန်တယ်။ ဒါပါဘဲ။

.

ဒီတော့ ကျွန်တော် ဖတ်ဖူး၊ မှတ်ဖူး၊ အတွေးနက်ခဲ့ဘူးတဲ့ စကားလေး တစ်ခုကို ပြောချင်ပါတယ်။ ဒီစကားကို ပြောခဲ့သူကတော့ “နေလ၀ိဇ္ဇာ ဆေးပညာ” “ပုဂ္ဂလပညတ် ဆေးပညာ” ရယ်လို့ လျှမ်းလျှမ်းတောက်ခဲ့တဲ့ ဆေးပညာရပ်ရဲ့ ဖခင်ကြီးတစ်ဦး ဖြစ်သူ “အိုင်ကလောင် ဓာတ်ဆရာကြီး ဆရာလှိုင်” ပြောခဲ့တဲ့ စကားပါ။ သူထံမှာ ပညာလိုက်စားနေတဲ့ တပည့်တွေကို ဆုံးမခဲ့တာပါ။

.

အဲဒီ စကားလေးကတော့   “ကျမ်းလျှောက်လျှင် မဆုံး၊ ကျမ်းပေါက်လျှင် တစ်လုံး” တဲ့။ သေသေချာချာ ဖတ်ပြီး စဉ်းစားကြည့်နော်။

.

သိပ်ကို အဓိပ္ပါယ်ရှိပြီး နက်နဲလှတဲ့ စကားတစ်ခုပါ။ ဒီစကားဟာ မြန်မာ့ ဆေးပညာရပ် တစ်ခုတည်းမှ မဟုတ်ပါဘူး။ နယ်ပယ် အသီးသီးက အတတ်ပညာ အားလုံးနဲ့ သက်ဆိုင်ပါလိမ့်မယ်။ လူတွေဟာ တကယ့် ပညာရပ်အစစ်ဟာ “ကျမ်း”တွေထဲမှာသာ ရှိမယ်ထင်ပြီး “ကျမ်း” ပြဿနာ တက်နေတာပါ။ ဒီ ကျမ်းတွေ နောက်ကိုသာ လိုက်နေကြမယ်ဆိုရင် ဘယ်တော့မှ ဆုံးမှာ မဟုတ်ပါဘူး။ ဒါပေမယ့် တကယ် သဘောပေါက်သွားရင်တော့ ကိုယ်သိသွားတဲ့ ၊ သဘောပေါက်သွားတဲ့ “ပေါက်,လုံးလေး တစ်လုံး” ဟာ ကျမ်းအားလုံးကို ဖတ်စရာ မလိုတော့အောင် ဖြစ်သွားပါလိမ့်မယ်။

.

ဗုဒ္ဓဘာသာနယ်ပယ်မှာ လူသိများတဲ့ စကားလေး တစ်ခုရှိပါတယ်။ အဲဒါက “ရဟန္တာ” ဖြစ်သွားရင် ပိဋကတ် (၃)ပုံကို အလိုလို အာဂုံ ဆောင်နိုင်ပြီး ဖြစ်သွား တယ် တဲ့။ ဘုရားဟော ဟုတ်/မဟုတ် ကျွန်တော် သေသေချာချာ မသိပါ။ ဒါပေမယ့် ဒီစကားလေး မှန်တယ်ဆိုတာကို သက်သေပြ လိုက်တဲ့ ရဟန်း (၂)ပါးတော့  ပေါ်ထွန်းလာပါတယ်။ “စွန်းလွန်း ဆရာတော်ကြီး ဦးက၀ိ” နဲ့ “သဲအင်းဂူ ဆရာတော်ကြီး ဦးဥက္ကဌ” တို့ပါ။

.

ဒီအရှင်မြတ် (၂)ပါးရဲ့ အကြောင်းကလည်း အများသိပြီးတဲ့ အတိုင်းပါ။ (၂)ပါးစလုံး “ငယ်ဖြူ” မဟုတ်ကြပါဘူး။ “တောထွက်” တွေပါ။ အသက်ကြီးမှ ရဟန်းပြုကြသူတွေပါ။ (၂)ပါးလုံး စာပေကျမ်းဂန် လုံးဝမတတ်ကြပါဘူး။ ဒီ(၂)ပါးစလုံး “ရဟန္တာ၊ ရဟန္တာ” လို့ နာမည်ကြီးလွန်းလာတော့ နိုင်ငံကျော် စာတတ်ပေတတ် ဆရာတော်ကြီးတွေက ခေါ်ယူ စစ်ဆေးကြပါတယ်။ ဗုဒ္ဓရဲ့ ပိဋကတ် (၃)ပုံထဲက တကယ့် ခက်ရာ ခက်ဆစ်တွေကို မြန်မာစကား နဲ့ မေးမြန်း စစ်ဆေး ကြပါတယ်။ သူတို့ နားလည်သလို ဖြေသွားကြပေမယ့် “တစ်လုံး တစ်ပါဒ မျှ” ကျမ်း နဲ့ မလွဲပါဘူး။ ကျမ်းတတ် အကျော်အမော် ဆရာတော်ကြီးတွေ လက်ခံ လိုက်ရပါတယ်။ ပိဋကတ်(၃)ပုံ ကို “ပေါက်မြောက်” သွားတယ် ဆိုတာ လက်ခံလိုက်ရပါတယ်။

ဒီ အရှင်(၂)ပါးလုံးကလည်း သူတို့ တကယ် ပေါက်မြောက်ခဲ့တာအမှန်ပါ ဆိုတာကို “ခန္ဓာ နဲ့ သက်သေပြ” ခဲ့ကြပါတယ်။ “သဲအင်းဂူ ဆရာတော်ကြီး” က ခန္ဓာဝန်ချတော့ “ဓာတ်တော်ကျ” ပြလိုက်ပါတယ်။ “စွန်းလွန်း ဆရာတော်ကြီး” က “ငါ, သေရင် ဒီအတိုင်း ထိုးထားလိုက်” လို့ တပည့်တွေကို မှာခဲ့တာမို့ . . ဒီအတိုင်းဘဲ ထားလိုက်တာ ယနေ့အချိန်အထိ အလောင်းတော်ဟာ မပုပ်မသိုး ရှိနေလျှက်ပါ။

.

ဒါဟာ ကျမ်းကို မလျှောက်ဘဲ ကျမ်းပေါက်သွားတဲ့ ထင်ရှားတဲ့ ဥပမာ တစ်ခုပါ။ ဗုဒ္ဓရဲ့ ဓမ္မပညာ နဲ့ ဘယ်လိုမှ မနှိုင်းယှဉ်သာတဲ့  ဗေဒင်ပညာ၊ ဆေးပညာ၊ အင်းအိုင်လက်ဖွဲ့ ၊ အဂ္ဂိရတ်ပညာ အားလုံးမှာလည်း ဒီလိုပါဘဲ။ ကျမ်း နောက်ကိုသာ လိုက်နေရင် လျှောက်လို့မဆုံး၊ ရှာလို့ မဆုံး ဖြစ်နေမှာပါ။

.

တကယ့် ကျမ်းအစစ်တွေက “ကျမ်းပေါက်သွားခဲ့တဲ့ သူတွေ” စီရင်ခဲ့တာပါ။ ဒီလို “ကျမ်းပေါက်” သွားသူတွေ စီရင်ခဲ့ပေမယ့် “ဖတ်တဲ့လူတိုင်း” ကျမ်းမပေါက် နိုင်ပါဘူး။ ဘ၀ပေါင်းများစွာက ဖြည့်ဆည်းခဲ့တဲ့ ပါရမီလည်းရှိ၊ ဆရာဖြစ်သူနဲ့လည်း ရှေးအဆက်ဆက်က ပဌာန်းဆက် ရှိခဲ့သူသာ “ပေါက်” ပါလိမ့်မယ်။ ဒီလို မရှိခဲ့ရင်တော့ “ကျမ်း အစစ်ကို ဖတ်နေရင်းနဲ့ ကျမ်းပျောက်” နေပါလိမ့်မယ်။

.

တကယ် ကျမ်းပေါက် မပေါက် ဆိုတာကလည်း ကိုယ့်ဟာကိုယ် လျှောက်ပြောနေလို့ မရပါ။ ကြော်ငြာလို့ မရပါ။ အများက ဆုံးဖြတ်ပေးပါလိမ့်မယ်။ ၀ါဒ ဖြန့်ချိ လို့မရပါ။ ခဏဘဲ ရပါမယ်။ သမိုင်းမှာ အမည်တွင်လောက်အောင် “ကျမ်းပေါက်” သွားသူဖြစ်ဖို့ “သမိုင်း” ကဘဲ မော်ကွန်းထိုး ပေးပါလိမ့်မယ်။ ကျမ်းလျှောက် နေသူ အချင်းချင်း ငြင်းခုန် နေကြလို့ အကျိုးမရှိပါ။ အမှန်တရားကို မတွေ့နိုင်ပါ။ အမှန်တရားကို တွေ့ဖို့ ပိုမိုနှောင့်နှေး ကြန့်ကြာ သွားပါလိမ့်မယ်။ ဒါကြောင့် “ကျမ်းပေါက်” အောင်သာ ကြိုးစားကြပါ။  ဒီလို ကြိုးစားကြရင်းနဲ့ အချင်းချင်း ကူညီ စောင့်ရှောက် ပေးကြတာမျိုး ဖြစ်စေချင်ပါတယ်။

.

သူလည်း သူ့နည်းသူ ပေါက်အောင်ကြိုးစားတာ ၊ ကိုယ်လည်း ကိုယ့်နည်းကိုယ် ပေါက်အောင် ကြိုးစားတာမျိုးသာ ဖြစ်သင့်ပါတယ်။ နည်းစနစ်ပုံသေ မရှိနိုင်ပါ။ နိဗ္ဗာန် ဆိုသည့် အမှန်တရား(အစစ်) ကို သွားသည့် လမ်းမှာပင် နည်းလမ်းမျိုးစုံ ရှိပါတယ်။ ကမ္မဌာန်း (၄၀)ဆိုတဲ့ လမ်းပေါင်း (၄၀) လောက်ရှိပါတယ်။ သွားနည်း မှန်ရင် ရောက်ကြမှာ ချည်းပါဘဲ။ နည်းလမ်းသည် အဓိက မကျပါ။ “ပေါက်မြောက်” သွားဖို့သာ အဓိက ကျပါတယ်။ ရောက်သွားဖို့က အဓိက ကျပါတယ်။

.

ဒီဆောင်းပါးလေးကို ကျွန်တော်တို့ရဲ့ ဗေဒင်ဘလော့ဂါ ဈေးတန်းလေး စည်ကားသိုက်မြိုက်လာဖို့ ရည်ရွယ်စိတ်နဲ့ ရေးလိုက်ခြင်းသာ ဖြစ်ပါတယ်။ ရှေ့က ရောက်နှင့် နေကြသူများကလည်း နောက်ဝင်လာတဲ့လူကို လက်ကမ်း ကြိုဆိုစေချင်ပါတယ်။ နောက်ဝင်လာတဲ့ သူကလည်း ရှေ့ကရောက်နှင့် နေသူတွေကို (မရည်ရွယ်ဘဲ) တိုက်ခိုက်သလို ဖြစ်မယ့် စကားတွေကို ရှောင်ကျဉ်သင့်ပါတယ် – (တကယ် စိတ်ရင်းမှန်ရင်ပေါ့လေ . . တကယ့်စိတ်ရင်းမှန် နဲ့ ၀င်ရောက်လာတာ မဟုတ်ရင်တော့ လက်ကမ်းကြိုဆိုမည့်သူများဘက်က ငြင်းပယ်ခြင်းကို အပြစ်ဆိုစရာ မရှိတော့ပါ)။ ဒီလိုတော့ မဖြစ်သင့်ပါ။

စာဖတ်သူ မိတ်ဆွေများနှင့် ဗေဒင်ဈေးတန်းလေးမှ ညီငယ်များ ခင်ဗျား။ ဒီကိစ္စမှာ ဆရာကြီးဝင်လုပ်တာ မဟုတ်ဘဲ ကိုယ်က အသက်ကြီးဆုံးမို့ ၀င်ရောက် ဖြန်ဖြေ ပေးခြင်းသာဖြစ်တယ် ဆိုတာ စာဖတ်သူများ နှင့် ညီငယ်များ နားလည်နိုင်ကြမည်ဟု မျှော်လင့်လျှက် ရှိကြောင်းပါခင်ဗျား။

.

အားလုံး ကျန်းမာချမ်းသာကြပါစေ။ ကျေးဇူးတင်ပါသည်။

.

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

ဝင်ရောက်ဖတ်ရှုသူပေါင်း=2138

ပြီးခဲ့တဲ့ တနင်္ဂနွေနေ့က မိတ်ဆွေတစ်ယောက်ရဲ့ ဇနီးသည် ဆုံးပါးသွားလို့ “အသုဘ” သွားမေးဖြစ်တယ်။ အသက်က (၄၈)နှစ်။ ကျွန်တော့်ထက် တစ်နှစ် ငယ်ပါတယ်။ အလုပ်အကိုင်က ဆရာဝန်,မ။ ကင်ဆာရောဂါကို (၁၂)နှစ်ကြာအောင် ကြံ့ကြံ့ခံရင်း နောက်ဆုံး လက်မြှောက် အရှုံးပေး သွားခဲ့ရတာပါ။ သမီးလေး (၃)ယောက် ကျန်ရစ်ခဲ့ပါတယ်။

နောက် (၂)ရက်ကြာတော့ ဂွတ်တလစ်မှာ နေတဲ့ ကျွန်တော့် အဒေါ်တစ်ယောက် ဆုံးပါးသွားပြန်ပါတယ်။ သူကတော့ အသက် မငယ်တော့ဘူးလို့ ပြောရင်လည်း ရပါတယ်။ အသက် (၆၈)နှစ်ပါ။

လေဖြတ်ပြီး အိပ်ယာထဲမှာ (၆)လ လောက် ဝေဒနာ ခံစားပြီးမှ ကွယ်လွန်သွားရတာပါ။ အလွန်ပင်ပန်း ဆင်းရဲပါတယ်။ အိပ်ယာထဲမှာ လ,နဲ့ ချီပြီး လဲလျောင်း နေရတဲ့ အတွက် ဖြစ်ပေါ်လာတဲ့ “အိပ်ယာနာ” (bed sore) တွေကြောင့် အပြင်းအထန် နာကျင်ကိုက်ခဲမှုကို ခံစားပြီး ကွယ်လွန်သွား ရတာပါ။ မြင်ရတာ မသက်သာလွန်းလို့ ဆုံးပါးသွားတာကိုဘဲ ၀ဋ်ကျွတ်သွားတာဘဲလေ လို့တောင် ထင်မိပါသေးတယ်။

ကနေ့ နေ့လယ် (၁၂)နာရီမှာ “အသုဘ” ချပါတယ်။ မရောက်တာ အတော်ကြာနေပြီ ဖြစ်တဲ့ “ရေဝေး” ကို ရောက်ခဲ့ရ ပြန်ပါပြီ။ “ရေဝေး” သုဿန်ရဲ့ မြင်ကွင်းတွေကတော့ အရင်တုန်းကလိုဘဲ ဘာမှ မပြောင်းလဲ သေးပါဘူး။

. . . ကားတွေ တစ်စီးပြီး တစ်စီး ဆိုက်လာမယ် . . .  လိုက်လံပို့ဆောင်သူတွေ မျက်နှာ မသာမယာနဲ့ ကားတွေပေါ်က ဆင်းလာမယ် . . . ဆလွန်းကားပေါ်က မိသားစုဝင်တွေ /ဆွေမျိုးတွေ မျက်ရည်ဖြိုင်ဖြိုင် နဲ့ ဆင်းလာကြမယ် . . . ပြင်ဆင်ထားတဲ့  “ကွယ်လွန်သူ” ရဲ့ ရုပ်အလောင်းကို တစိမ့်စိမ့် ကြည့်ကြရင်း နောက်ဆုံးခရီးကို “အငို နဲ့ နှုတ်ဆက်” ကြမယ် . . .  စိတ်မခိုင်တဲ့ သူတွေဆိုရင် အော်ကြ၊ ဟစ်ကြမယ်။ ရင်ဘတ် စည်တီးကြမယ် . . . အပူလုံးဆို့ပြီး “တက်” သွားလို့ ၀ိုင်းပြီး နှိပ်ကြ နှယ်ကြရမယ် . . . နောက်ဆုံးတော့ အလောင်းကို မီးသင်္ဂြိုဟ်စက် ထဲ ထည့်လိုက်မယ် . . . ခေါင်းတိုင်က အငွေ့တလူလူ ထွက်လာမယ် . . . ခဏနေရင် လူတစ်ယောက်ရဲ့ အသွင်သဏ္ဍန် ကနေ “ပြာအိုး” တစ်အိုးအဖြစ် ပြောင်းလဲ ရောက်ရှိသွားမယ် . . . ပြီးရင် ကျန်ရစ်သူ မိသားစု / ဆွေမျိုး နဲ့ လိုက်ပါ ပို့ဆောင်သူတွေ ပြန်ကြမယ် . . . နောက်ထပ် ကားတွေ တစ်စီးပြီး တစ်စီး ဆက်ရောက်လာမယ် . . .

ဒီမြင်ကွင်းတွေကတော့ “ရေဝေး” ကို ဘယ်အချိန်ရောက်ရောက် မပြောင်းလဲနိုင်တဲ့ မြင်ကွင်းတွေပါ။ လူတစ်ယောက်ရဲ့ ဘ၀ခရီး အဆုံးသတ် မြင်ကွင်းတစ်ခု ပါ။ လူ့ဘ၀ရဲ့ နောက်ဆုံးခရီးကို “အငို နဲ့ နှုတ်ဆက်” ကြရတဲ့ မြင်ကွင်းပါ။ လူတန်းစားအမျိုးမျိုး၊ အသက်အရွယ် အစုံစုံ သာပြောင်းလဲ နေလိမ့်မယ်။ အားလုံးကတော့ လူ့ဘ၀ရဲ့ အပြန်ခရီးကို “အငို နဲ့ နှုတ်ဆက်” ကြတဲ့ ပွဲပါဘဲ။

.

လူ့ဘ၀ကို အလာတုန်းကတော့ ဒီလိုမဟုတ်ခဲ့ပါဘူး။ အားလုံးက အပြုံးပန်းတွေနဲ့ ကြိုဆိုခဲ့ကြတယ် မဟုတ်လား။ ကိုယ့်ရဲ့ မိခင်၊ ဖခင်၊ အဖိုး ၊ အဖွား ၊ ဦးလေး အဒေါ် တို့ရဲ့ ပီတိ ရွှန်းဝေနေတဲ့ အပြုံးပန်းတွေနဲ့ ကျွန်တော်တို့တစ်တွေ အကြိုဆိုခံခဲ့ကြရပါတယ်။ လူ့ဘ၀ထဲကို ရောက်လာခဲ့ကြတဲ့ သူတွေ အားလုံးလောက်ပါဘဲ။ သိပ်ပျော်စရာကောင်းလှတဲ့ “အလာ ခရီး” ပေါ့ဗျာ။

အပြန်ခရီးကတော့ လိုက်ပါ နှုတ်ဆက်သူတွေ များလှပေမယ့် ပျော်စရာတော့ မကောင်းလှ ပေဘူးပေါ့ဗျာ။ အားလုံးဟာ မျက်နှာ ညှိုးညှိုးငယ်ငယ် နဲ့ ချည်းပါဘဲ။

“မသာတစ်ခေါက် ၊ ကျောင်း ဆယ်ခေါက်” ဆိုတဲ့ ဆိုရိုးစကားလေးကို သိကြမှာပါ။ “အသုဘ” ကို တစ်ခေါက် လိုက်ပို့လိုက်တာဟာ “ဘုရားကျောင်းကန်” ကို (၁၀)ခေါက် သွားရတာလောက် ကုသိုလ်ရပါတယ် တဲ့။ ငယ်ငယ်တုန်းက လူကြီးတွေ ပြောကြတာပါ။ သြော် ဟုတ်လားပေါ့။ ငယ်ငယ်ကတော့ ဒီလိုဘဲ သိခဲ့ပါတယ်။

ကျွန်တော်တို့ ဗုဒ္ဓဘာသာ မြန်မာလူမျိုးတွေကလည်း “ကုသိုလ်” ဆိုတာကို တော်တော် ခုံမင်နှစ်သက်ကြပါတယ်။ လူ့ဘ၀ထဲ ရောက်လာကြပြီ ဆိုတာနဲ့ “နေဖို့ဘဲဖြစ်ဖြစ်” ၊ “သေဖို့ဘဲ ဖြစ်ဖြစ်” ကုသိုလ်တော့ များများတော့ ရအောင်လုပ်ရမယ်လို့ ထင်မြင် ယူဆကြပါတယ်။ ဒါကြောင့် လှူကြတယ်၊ တန်းကြတယ် ၊ ဥပုဒ်သီတင်း ဆောက်တည် ကြတယ်၊ အဓိဌာန် ၀င်ကြတယ် ၊ ဇီဝိတ ဒါန (ငါးလွှတ်၊ ငှက်လွှတ်) တွေ လုပ်ကြတယ်၊ တရား အားထုတ်ကြတယ် ၊ အသုဘတွေ လိုက်ပို့ကြတယ်။ ကုသိုလ် ရအောင်လို့ တဲ့။

အမှန်ကတော့ “မသာတစ်ခေါက် ကျောင်းဆယ်ခေါက်” ဆိုတာ ကုသိုလ်ယူဖို့ ပြောတာ မဟုတ်ပါဘူး။ “သံဝေဂ” ရနိုင်အောင် လို့ပါ။ ထိတ်လန့် နိုင်ကြအောင်လို့ပါ။ သြော် – ငါလည်း  တစ်နေ့မှာ  ဒီနေရာကို ဒီလို အဖြစ်မျိုးနဲ့ ရောက်ရမှာဘဲ၊ ဒီနေရာ၊ ဒီအခန်း ၊ ဒီ ကုတင်ပေါ်မှာ လဲလျှောင်း ရမှာ ဧကန်မုချဘဲ။ ကိုယ့်ကိုယ်ကို “ငါ” ထင်နေတဲ့ ဘ၀ကနေ “ငါ” မဟုတ်တဲ့ အရိုးပြာအိုး တစ်အိုး အဖြစ်နဲ့ နိဂုံး ချုပ်ရမှာပါလား . . လို့ သံဝေဂတရား ဖြစ်ပေါ်မှသာ “ကျောင်းကန်ဘုရား ဆယ်ခေါက်သွားသလောက်” အကျိုးရှိမှာကို ဆိုလိုတာပါ။

ဒါပေမယ့် (ကျွန်တော်ထင်ပါတယ်) . . အသုဘ ပို့သူ (၁၀၀)မှာ , ဒီလို နှလုံးသွင်းတဲ့သူ တစ်ယောက် မရှိလောက်ပါဘူး။  “လူ” ဆိုတဲ့ သတ္တ၀ါဟာ အင်မတန် “အတ္တ” စိတ် ကြီးမားသလို၊ အင်မတန်လည်း “မျှော်လင့်ချက်” ကြီးမားတဲ့ သတ္တ၀ါမျိုးဘဲဗျ။

အခုနေ ကမ္ဘာကြီးကို ဂြိုဟ်သိမ်ဂြိုဟ်မွှား တစ်ခုက ၀င် “ဆောင့်” လိုက်လို့ ကမ္ဘာ့လူဦးရေ သန်းပေါင်း (၆၀၀၀)ဟာ အားလုံးနီးပါး သေကြေပျက်စီး လိမ့်မယ်။ လူ (၁၀၀)လောက်ဘဲ အသက်ရှင် ကျန်မယ်လို့များ ဆိုခဲ့ရင် အဲဒီ ကျန်ခဲ့တဲ့ လူဦးရေ (၁၀၀)ထဲမှာ ကိုယ်တော့ ပါမှာဘဲ မျှော်လင့်ကြတဲ့သူချည်းပါဘဲ။

ထိန်ပင်၊ ရေဝေး စတဲ့ သုသာန်တွေကို ရောက်လို့ ငါလည်း ဒီနေရာကို လိုက်ပို့ခံရမယ်၊ ဒီနေရာမှာ လဲလျောင်းရလိမ့်မယ်၊ ဒီနေရာမှာ မီးသင်္ဂြိုဟ် ခံရလိမ့်မယ် ဆိုတာ “စိတ်ကူးထဲမှ သေသေချာချာ ပုံဖော်ပြီး” များ တွေးမိဘူးပါရဲ့လားဗျာ။ အသုဘစင်ပေါ်မှာ ငြိမ်သက်စွာ လဲလျောင်းနေတဲ့ ကိုယ့်ကို လူအများက ဘေးကနေ ၀ိုင်းပြီး ကြည့်နေတာ/ . . ပြီးရင် မီးသင်္ဂြိုဟ်စက်ထဲ ထိုးသွင်းခံလိုက်ရတာ/ “ငါ” ဆိုတာ ဒီလောကကြီး ထဲကနေ အပြီးအပိုင် ကွယ်ပျောက်သွားတာ/ ဒါတွေကို ပုံဖော်ပြီး မြင်ယောင် ကြည့်ဘူးပါသလား?

ဟာကွာ “နိမိတ်မရှိ ၊ နမာမရှိ” လို့ဘဲ ပြောကြလိမ့်မယ်။ ကျွန်တော်ကတော့ ခဏ ခဏ တွေးကြည့်မိ ဘူးတယ်။ ဒီလို တွေးကြည့်ရတာ စိတ်တော့ မသက်သာ စရာပေါ့ လေ။ ဒါပေမယ့် ဒါဟာ လုံးဝ မလွဲချော်နိုင်တဲ့ အမှန်တရား တစ်ခုဘဲ မဟုတ်လား။

လူတို့ရဲ့ ဘာသာစကားမှာ “သေခြင်း”(Death) ဆိုတဲ့ စကားလုံးလောက် နားခါးတဲ့ စကားလုံး သိပ်ရှိမယ် မထင်ပါဘူး။ သိပ်ကို  နားခါးပါတယ်။ သူငယ်ချင်းတစ်ယောက် ကို ကြည်စယ် ကြည့်စမ်းပါ။ “ညက အိပ်မက်ထဲမှာ မင်း သေသွားတယ် လို့ အိပ်မက် မက်တယ်ကွာ” လို့ ပြောကြည့်။ ပြီးရင် သူ့မျက်နှာကို အကဲခတ် ကြည့်။ ဘယ်လို ဖြစ်သွားမယ်လို့ ထင်ပါသလဲ ?

ကျွန်တော်တို့ ဗေဒင်သမားတွေလည်း လူတွေကို ဗေဒင်ဟောတဲ့ နေရာမှာ “သေခြင်း” တရားနဲ့ ပက်သက်လာရင် အတော် သတိထားပြီး ပြောရပါတယ်။ ဒီ စကားလုံးက လူတိုင်း ကြောက်ကြတယ်လေ။ “သေ” ဆိုတာ မပြောနဲ့ဦး။ ဒီနှစ် ခင်ဗျား ကျန်းမာရေးကို သတိထား လို့ ပြောလိုက်ရင်တောင်မှ အနည်းနဲ့ အများ တုန်လှုပ် သွားကြတာချည်းပါဘဲ။

သူ့ဟာသူ ရာထူးဘယ်လောက် ကြီးကြီး၊ ငွေကြေး ဘယ်လောက် ချမ်းသာ ချမ်းသာ ၊ ဘယ်လောက် နာမည်ကျော်ကြား ကျော်ကြား ၊ မတုန်လှုပ်တဲ့သူ မရှိပါဘူး။ “ခင်ဗျား သေကိန်း ရှိတယ်” လို့ တည့်တည့် ပြောချလိုက်ရင်တော့ မျက်ဖြူပါ လန်သွားမလား မသိပါဘူး။ (ဒီလိုတော့ တစ်ခါမှ မပြောဘူးပါဘူး ၊ သေခြင်းတရားကိုလည်း ဘုရားမှ တစ်ပါး ဘယ်သူမှ တပ်အပ်သေချာ မသိနိုင်ပါဘူး)

ဒီနေရာမှ ပြောရမယ် ဆိုရင် – လူတစ်ယောက်ဟာ ရာထူး၊ ဂုဏ်သိန် ၊ ဓန ဥစ္စာ ၊ ကျော်ကြားမှု စတဲ့ အရာတွေကို များများ ပိုင်ဆိုင်ထားလေလေ သေရမှာကို ပိုကြောက်လေလေ ဆိုတာကို သွားတွေ့ရတယ်ဗျ။ ဒေါ်လာ တစ်ဘီလီယံ လောက် ချမ်းသာတဲ့ သူဌေးကြီးတစ်ယောက် နဲ့ လမ်းဘေးက တစ်ကောင်ကြွက် သူတောင်းစား တစ်ယောက် ဘယ်သူက သေခြင်းတရားကို ပိုကြောက်သလဲ မေးရင် သူဌေးက ပိုကြောက်တယ်လို့ ဖြေရမှာဘဲဗျ။ ကိုယ့်ရဲ့ ပိုင်ဆိုင်မှုတွေ အရမ်းကြီးမားလေလေ သေရမှာ ကြောက်လေလေ ပါဘဲ။ လမ်းဘေးက တစ်ကောင်ကြွက် သူတောင်းစားကတော့ သူ့ဘ၀က နေလည်း မထူး၊ သေလည်း မထူး ဘ၀လေ။

ဒါလည်း အရမ်းပြောတာ မဟုတ်ပါဘူး။ ကိုယ့်ဆီကို ဗေဒင်လာမေးတဲ့ လူတွေကို ကြည့်ပြီး အတွေ့အကြုံအရ ပြောတာပါ။

တွေးကြည့်ရင် လူတွေရဲ့ ဘ၀က အရမ်းသနားဖို့ ကောင်းပါတယ်။ လူဆိုတာ မွေးဖွားလာပြီး တစ်နေ့ကျရင် သေကြရမှာဘဲ ဆိုတာ သိနေပါရက်နဲ့ သေခြင်း ကို ထိတ်လန့် နေကြရတဲ့ ဘ၀။ သေခြင်း တရားကို နေ့စဉ်နဲ့ အမျှ တိုက်ခိုက်နေကြရတဲ့ ဘ၀။ သေတော့ သေကြမှာဘဲ . . ဒါပေမယ့် စောစော မသေ အောင် နည်းမျိုးစုံနဲ့ အားထုတ်နေကြရတဲ့ ဘ၀။ ဘယ်လို အားထုတ်ထုတ်/ငြင်းဆန်ဆန် ၊ နောက်ဆုံးတော့လည်း မရဏမင်းရဲ့ လက်တွင်းကို သက်ဆင်းကြ ရတော့တာပါဘဲလေ။

သေခြင်းသေ , သက်တမ်းစေ့အောင် နေလိုက်ရရင် တော်သေးတာပေါ့လို့လည်း တွေးတတ်ကြတယ်။ ဒါပေမယ့် သက်တမ်းစေ့ အောင် နေရတော့ကော ကျေကျေနပ်နပ်ကြီး သေချင်ကြသလား။ ကိုယ့်ကိုယ်ကို ပြန်မေးကြည့်စမ်းပါ။

ကျွန်တော့်တို့ အဖွားဘဲ ကြည့်။ သူ အသက် (၇၀)လောက်က ပြောဘူးတယ်။ ငါ နောက်ထပ် (၅)နှစ်လောက် နေရရင် တော်ပါပြီ တဲ့။ နေရပါတယ်။ အသက် (၇၅)နှစ်ကျတော့ တစ်ခါ ဒီအတိုင်းဘဲ ပြောပြန်တယ်။ နောက်ထပ် (၅)နှစ်လောက် နေရရင် တော်ပါပြီ တဲ့ ။ လုပ်ပြန်ရော။ ပြောကြပါစို့ဗျာ။ နောက် (၅) နှစ် , (၅) နှစ် နဲ့ သက်တမ်းတိုး သွားလိုက်တာ အသက် (၉၀)အထိ ရောက်သွားပါတယ်။  ဒါတောင်မှာ အသက် (၉၀)မှာ နောက် (၅)နှစ်လောက် ဆိုတာ ပြောသေးတာဘဲဗျ။ ဒါပေမယ့် ဒီတစ်ခါတော့ နေမသွားလိုက်ရပါဘူး။ အသက် (၉၂)မှာ ဆုံးသွားပါတယ်။

ကျန်ခဲ့တဲ့ သူတွေကတော့ ပြောကြပါတယ်။ ဒီ အသက်လောက် ဆိုရင်တော့ “သေပျော်ပါပြီ” တဲ့။ ဆိုလိုတာက လူ့ဘ၀မှာ နေရတာ “တန်” သွားပြီပေါ့ဗျာ။ ဒါပေမယ့် အဖွားကွယ်လွန်ချိန်မှာ ကျွန်တော် အနားမှာ ရှိပါတယ်။ အဲဒီမှာ ကျွန်တော် သေသေချာချာ သိလိုက်တာက အဖွားဟာ အသက် (၉၂)နှစ် အထိ နေသွားရမယ့် သူ မသေချင်သေးဘူးဆိုတာ ကျွန်တော် သိလိုက်ပါတယ်။ သူ မသေချင်သေးဘူး။ စကား မပြောနိုင်တော့ပေမယ့် သူ့မျက်နှာမှာ မသေချင်သေး ဘူးဆိုတာ အထင်းသား ပေါ်နေပါတယ်။

ကျွန်တော်တို့တစ်တွေ အသည်းအသန် မကျန်းမမာ ဖြစ်ပြီး ပြန်လည် “နလံပြန်ထ” လာတဲ့ အခါများမှာ ပြောကြတဲ့ စကားလေး ရှိတယ် မဟုတ်လား။ “ဒီတောင်တော့ ကျော်သွားပါပြီ” တဲ့။ ဒါပေမယ့် လူတွေ အားလုံး မေ့နေကြတဲ့ အချက်က လူတိုင်း လူတိုင်းမှာ “လုံးဝ မကျော်လွှားနိုင်တဲ့ တောင်တစ်လုံး” စီတော့ ရှိနေကြတယ် ဆိုတာပါဘဲ။

ဒီတော့ ကျွန်တော်တို့ဟာ မွေးဖွားလာပြီးရင် တစ်နေ့ သေကြမှာဘဲ ဆိုတာကို လက်မခံချင်ပေမယ့်လည်း လက်ကို လက်ခံရတော့မှာဘဲ မဟုတ်လားဗျာ။ ကြောက်နေလို့ ဘာအကျိုးရှိမလဲ။ ကြောက်နေတော့ကော အသေက လွတ်ဦးမှာလား။ ဒီတောင်က လွတ်ရင်လည်း နောက်ထပ် နောက်ထပ် တောင် တစ်လုံးကတော့  စောင့်နေဦးမှာ ဘဲလေ။

“လူဟာ သေမျိုးမို့ ဘယ်အသက်အရွယ်မှာဘဲ သေရ သေရ ၊  ငါ , သေခြင်းတရားကို ကျေကျေနပ်နပ်ကြီး လက်ခံပြီး သေလိုက်မယ်” လို့ ယတိပြတ် ဆုံးဖြတ် ထားတာဟာ အကြောက်တရားကို လျော့နည်း စေပါတယ်။ အမှန်ကို အမှန် အတိုင်း ၊ အရှိကို အရှိ အတိုင်း လက်ခံလိုက်တာဟာ “ဘူတံ ၊ ဘူတော ပဿတိ” ဆိုတဲ့ ဗုဒ္ဓရဲ့ တရားတော် နဲ့လည်း ညီညွတ်ပါတယ်။

ကျွန်တော် စိတ်အပျက်ဆုံး ကိစ္စ တစ်ခု ရှိပါတယ်။ အဲဒါက ကိုယ်သေရမယ့် အချိန်မှာ “ပြုံးပြီး မသေနိုင်ဘဲ” “မဲ့ပြီး သေရမယ့်” အဖြစ်ကိုပါ။ တစ်ချို့လူတွေ သိပ်အားကျဖို့ကောင်းတယ်။ သေခြင်းတရားကို ပြုံးပြုံးလေး ရင်ဆိုင် သွားလိုက်တာများ။ ကွယ်လွန်ချိန်ပြီးမှာတောင် သူတို့မျက်နှာပေါ်က အပြုံးရိပ်ဟာ ကွယ်ပျောက် မသွားခဲ့ပါဘူး။ တချို့ကျပြန်တော့လည်း ထိတ်လန့် ကြောက်ရွံ့ခြင်း ကြီးစွာနဲ့ ကွယ်လွန်သွားရပုံများ- သေပြီးချိန်မှာတောင် မျက်နှာမှာ “ထိတ်လန့်နေတဲ့” ပုံရိပ် ကို ဖုံးဖိလို့ မရပါဘူး။

ဒါတွေဟာ ဘာကြောင့် ဖြစ်ရတာလဲ ဆိုတော့ နံပါတ် (၁)က – သေခြင်းတရားကို လက်မခံလိုဘဲ အတင်း ငြင်းဆန်နေတာကြောင့် တကြောင်း။ နံပါတ် (၂)က “ဘ၀တိုတိုလေးထဲ နေရခိုက်” မှာ ကိုယ်ပြုခဲ့တဲ့ အပြစ် ဒုစရိုက်တွေက များလွန်းကြောင့် တကြောင်း ဆိုတာ သွားတွေ့ရပါတယ်။ ဒီအချက် နှစ်ခုကလည်း တစ်ခုနဲ့ တစ်ခု ဆက်စပ် နေတယ်ဗျ။

သေရမှာကို နှလုံးသားထဲက သိပြီး လက်ခံထားတဲ့လူဟာ “လောဘလည်း နည်းသွားတယ်၊ ဒေါသလည်း နည်းသွားတယ် ၊ ကိုယ်ကျိုး အတ္တလည်း နည်းသွား ပါတယ်”။ “လူ့ဘ၀ရဲ့ အချည်းအနှီး ဖြစ်ပုံ” (နောက်ဆုံးတော့ ဘာမှ မဟုတ်ပုံ) ကို သိလိုက်ရတဲ့အတွက်  “မာန်မာန” ထောင်လွှားမှုကိုလည်း နည်းပါးသွားစေပါတယ်။

သေရမှာကို သဘောတရားအရသာ သိပြီး နှလုံးသားထဲက လက်မခံနိုင်သူကတော့ “လောဘကြီးစရာ ရှိရင်လည်း လွှတ်ကြီးတော့မှာပါ။ ဒေါသကြီးစရာ ရှိရင်လည်း လွှတ်ကြီးတော့မှာပါ။ မာန ထောင်လွှားစရာ ရှိရင်လည်း မိုးထိအောင် ထောင်လွှားတော့မှာပါ။ ခွင့်လွှတ်ခြင်းဆိုတဲ့ သဘောတရား၊ ကိုယ်ခြင်း စာနာခြင်းဆိုတဲ့ သဘောထား တွေလည်း ကွယ်ပျောက်လာနိုင်စရာ ရှိပါတယ်။ (ငါ မသေနိုင်သေးဘူးလို့ ထင်နေတော့ တာကိုး)

တကယ်တော့ သေခါနီး အချိန်မှာ လူတစ်ယောက် အထိတ်အလန့်ဆုံး ဖြစ်စေတဲ့ ကိစ္စက “သေခြင်း” ကိစ္စထက် “လူ့ဘ၀မှာ နေစဉ်တုန်း ကိုယ်ပြုခဲ့တဲ မတရားမှုတွေ သက်သေလာခံခြင်း” က ပိုပြီး    အင်အားကြီးမားပါတယ်။ ကျွန်တော်ဟာ “သေမင်း တံခါးပေါက်” အနားကို အကြိမ်ကြိမ် ရောက်ခဲ့ဘူးသူမို့ ဒါကို ကြုံတွေ့ ခံစားဖူးသူပါ။ ကျွန်တော်ရေးခဲ့တဲ့ ဆောင်းပါးတစ်ပုဒ်ဖြစ်တဲ့ “၀ဋ်” ဆိုတဲ့ ဆောင်းပါးမှာ သေမင်းနိုင်ငံ တံခါးဝကို ရောက်ချိန်မှာ ကိုယ်လုပ်ခဲ့တဲ့ မတရားမှုတွေကို မြင်လာတာကို ရေးထားပါတယ်။  မဖတ်ရသေးသူများ ဖတ်ချင်လျှင် ဒီနေရာကို နှိပ်လိုက်ပါ။

ဒီအချိန်မှာ ကိုယ်ဘယ်လိုမှ မတွေးဘဲနဲ့  “ကိုယ်လုပ်ခဲ့တဲ့ ကောင်းမှုရော၊ မကောင်းမှုပါ” (စိတ်အာရုံထဲမှာ) တဖျတ်ဖျတ်နဲ့ ပေါ်လာတဲ့ ကိစ္စဟာ အတော်လည်း ထူးဆန်းလှပါတယ်။ အတော်လည်း တုန်လှုပ်မိခဲ့ရပါတယ်။  ကိုယ်တွေ့ပါ။ ဒီကိစ္စဟာ ကိုယ်ပြုခဲ့တဲ့ အကုသိုလ် ကြီးမားရင် ကြီးမားသလောက် “မဲ့ရွဲ့ တွန့်လိမ်ပြီး” အရုပ်ဆိုးစွာ သေဆုံးခြင်းကို ဖြစ်စေနိုင်ပါတယ်။

ဒီတော့ မိတ်ဆွေတို့ . . ရေ။ ကျွန်တော်တို့ဟာ “သေမျိုး” တွေ ဖြစ်လို့ တစ်နေ့ သေကြရမှာကို (အသက်အရွယ် မရွေး၊ သေနိုင်တာကို) နှလုံးသား ထဲကနေ ကျေကျေနပ်နပ်ကြီး လက်ခံလိုက်ကြရင် ပိုမကောင်းပေဘူးလား။ ဘယ်အသက်မှာမဆို ရုတ်တရက် သေနိုင်တာမို့ “နေရာတကာမှာ ကိုယ့်အတွက်၊ ကိုယ့်မိသားစု အတွက် ချည်းသာ” ရှေ့တန်းချင်တဲ့ စိတ်ကလေးကို အသာနောက်ဆုတ်ပြီး “ငါ မသေခင် လူ့လောကကြီးအတွက် ဘာတွေလုပ်ပေးနိုင်ခဲ့မလဲ” ဆိုတာ တွေးကြည့်ရင် ပိုမကောင်းဘူးလားဗျာ။

“လူ့လောကကြီး” ဆိုတဲ့ စကားလုံးကြီး ပါနေလို့ သိပ်ခက်ခက်ခဲခဲလည်း ထင်မနေနဲ့ဦး။ သိပ် အခက်ကြီး မဟုတ်ပါဘူး။ တိုတောင်းတဲ့ ဘ၀ခရီးတစ်ကို အတူလျှောက်လှမ်း နေကြသူချင်း “ကိုယ့်လောက်မှ ကံမကောင်းသူ” “ကိုယ့်ထက် အင်အားနည်းပါးသူ” “ကိုယ့်ထက် နွမ်းပါးချို့တဲ့သူ” တွေကို ကိုယ့်ရဲ့ ပိုင်ဆိုင်မှုထဲကနေ “တစ်စိတ် တစ်ဖဲ့လောက်” ကူညီပေးတာဟာ လူ့လောကကြီး အကျိုးကို ဆောင်ရွက်ပေးနေတာဘဲ မဟုတ်လားဗျာ။ ငွေအားဘဲဖြစ်ဖြစ်၊ ကာယအားဘဲ ဖြစ်ဖြစ် ၊ ဉာဏအားဘဲ ဖြစ်ဖြစ် တစ်ခုခုပေါ့။

အရိုးရှင်းဆုံး ပြောရရင်  ဘတ်(စ်)ကားစီးနေရင်းနဲ့ ကိုယ်ဝန်ဆောင်တွေ၊ အဖိုးအဖွားအရွယ်တွေ တက်လာရင် ကိုယ်ထိုင်နေတဲ့ နေရာလေး ဖယ်ပေးခြင်း လောက်ဟာလည်း (မပြောပလောက်ပေမယ့်) လူ့လောက အကျိုးကို ဆောင်ခြင်းပါဘဲ။ လိုရင်း အချုပ်ကတော့  “အတ္တ” မကြီးဖို့၊ “ငါ , တကော မကော” ဖို့၊ “တစ်ကိုယ်ကောင်း မဆန်ဖို့” ၊ “ဝေမျှပေးဖို့” ၊ “ကြင်နာသနားတတ်ဖို့” ပါဘဲ။

ရစရာရှိပြီဟေ့ ဆိုရင်  ရှေ့ဆုံးကတက်ပြီး ကိုယ့်အိတ်ထဲ အကုန်ကျုံးထည့်ချင်တတ်တဲ့ “လူ့ စရိုက်” ကလေးကို နဲနဲ ပြုပြင်ပြီး သေလမ်းကို သွားနေကြတဲ့ “ဘ၀တူ အချင်းချင်း” အားကြီးသူက အားနည်းသူကို ကူညီဖေးမ ပေးကြမယ်ဆိုရင်ဖြင့် ဘယ်လောက်များ ကောင်းလိုက် လိမ့်မလဲဗျာ။

ဒီလို သေခြင်းတရားကို ကျေကျေ နပ်နပ် လက်ခံပြီး လူ့လောကအကျိုးကို ကိုယ်စွမ်းသလောက် (မသေခင်) အကျိုးပြုခဲ့မယ်ဆိုရင် ကွယ်လွန်ချိန်မှာ လူတိုင်းမှာမတွေ့နိုင်တဲ့ အပြုံးပန်းကလေး နဲ့ ခင်ဗျားရဲ့ နောက်ဆုံး အချိန်ကို နှုတ်ဆက်ထွက်ခွာနိုင်ပြီပေါ့ဗျာ။ ဒီတော့မှ ကျန်ရစ်ခဲ့တဲ့ သူတွေမှာလည်း “အငို နဲ့ နှုတ်ဆက်” ကြရပေမယ့် ရင်ထဲမှာတော့ အပြုံးပန်းတွေနဲ့ ၀မ်းမြောက်ကျန်ရစ် ခဲ့ကြမှာ မဟုတ်ပါလားဗျာ။

ဒါလေးကတော့ လူတိုင်း “မလွဲမသွေ” ကြုံဆုံကြရမယ့် “သေခြင်းတရား” နဲ့ ပတ်သက်ပြီး ကျွန်တော့်ရဲ့ ကိုယ်ပိုင် ခံစားချက် နဲ့ အတွေးအမြင်လေး တွေပါ။  ကိုယ်တိုင်လည်း ဒီလို အပြုံးနဲ့ သေနိုင်အောင် ကြိုးစားအားထုတ်လျှက်ပါ။

.

လမ်းခွဲမှာ ၀မ်းမနည်းကြပါစေနဲ့ဟု ဆုတောင်းပေးလိုက်ပါသည် ခင်ဗျား။ ကျန်းမာလို့ ချမ်းသာကြပါစေ။

.

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)

ဝင်ရောက်ဖတ်ရှုသူပေါင်း=2847

မိမိကိုယ်တိုင် မြင်မသွားခဲ့ရသော မြန်မာနိုင်ငံ လွတ်လပ်ရေးအတွက် လန်ဒန်မြို့တွင် အရေးဆိုခဲ့စဉ်က . .

.

(၆၃)နှစ်တောင်မှ ကြာညောင်းခဲ့ပါပြီ။ ဒီနေ့ ဒီရက် လွန်ခဲ့တဲ့ (၆၃)နှစ်ဆီက မြန်မာတစ်မျိုးသားလုံးအတွက် လုံးဝ အစားထိုးလို့ မရတဲ့ ဆုံးရှုံးမှုကြီး တစ်ခု ဖြစ်ခဲ့ပါတယ်။ ဒီကိစ္စတော့ ဗိုလ်ချုပ်အောင်ဆန်း နဲ့ နိုင်ငံခေါင်းဆောင်ကြီးတွေ တစ်ဖွဲ့လုံး လုပ်ကြံသတ်ဖြတ် ခံလိုက်ရတာပါဘဲ။ တစ်မျိုးသားလုံး ဖြေမဆည် နိုင်အောင် ကြေကွဲဝမ်းနဲ ခဲ့ရပါတယ်။

ဒါပေမယ့် ဒီဆောင်းပါးမှာ သမိုင်းဖြစ်ရပ်ကို ရေးသားမှာ မဟုတ်ဘဲ အာဇာနည်ခေါင်းဆောင်ကြီး “ဗိုလ်ချုပ်အောင်ဆန်း” ရဲ့ နာမည် နဲ့ ကံကြမ္မာ တို့ကို မြန်မာ့ရိုးရာ ဗေဒင်ပညာရပ် နဲ့ ဂဏန်းဗေဒင်(Numerology) ရှုထောင့် များမှ သုံးသပ်တင်ပြလိုခြင်းသာ အဓိက ဖြစ်ပါတယ်။

“ပေါက်ဖေါ်” လို့ ခေါ်ကြတဲ့ “ဖြစ်ရပ်တစ်ခုကို (ပြီးခါမှ) ဗေဒင် ပညာနဲ့ သုံးသပ်ကြတာဟာ အထင်ကြီးစရာ မဟုတ်ပေမယ့် ဒီလို အတိတ်က ကိစ္စတွေကို များများလေ့လာ သုံးသပ် နိုင်မှ အမှားနည်းပြီး အမှန်များလာနိုင်မှာဖြစ်ပါတယ်။ အတိတ်ဟာ အနာဂါတ် အတွက် ဆရာကောင်းဘဲ မဟုတ်ပါလားဗျာ။

.

ဗိုလ်ချုပ်အောင်ဆန်းဟာ ၁၉၁၅ခု၊ ဖေဖေါ်ဝါရီလ (၁၃)ရက် (စနေနေ့) မှာ ဖွားမြင်ခဲ့ပါတယ်။ “ရာဇ”ဖွား ဖြစ်ပါတယ်။ သူ့ရဲ့ မဟာဘုတ် က (၂)ကြွင်းမဟာဘုတ် ဖြစ်ပါတယ်။

(၂)ကြွင်း မဟာဘုတ်တို့ရဲ့ ယေဘူယျ ဉာဉ်တွေအတိုင်း ဗိုလ်ချုပ်ဟာ ငယ်ငယ်ကတည်းက -

- ခေါင်းမာတယ်။ တစ်ယူသန်တယ်။ ကိုယ့်ကိုယ်ကို အလွန်အမင်း ယုံကြည်တယ်။ ဆုံးဖြတ်ချက် ပြတ်သားတယ်။ သူများရဲ့ အကြံပေးစကားတွေကို မနာခံတတ်ဘူး။ ပတ်ဝန်းကျင်ကို ဂရုသိပ် မစိုက်ဘူး။ အနေအထိုင် ဖြစ်သလို နေထိုင်တတ်တယ်။ အ၀တ်အစားကို သပ်သပ်ရပ်ရပ် မ၀တ်ဘူး။ သူများကို အလွန်ကူညီတတ်မယ်။ မရှိ ရှိတာ နဲ့ ကူညီမယ်။ လက်အောက်ငယ်သားအပေါ် (အပြောကြမ်းတတ်)ပေမယ့် အလွန်ငဲ့ညှာ သနားတတ်တယ် . . . ဆိုတဲ့ ဂုဏ်ပုဒ်တွေ ရှိပါတယ်။

ဗိုလ်ချုပ်ရဲ့ ခေါင်းမာတဲ့ စရိုက် နဲ့ ကိုယ့်ကိုယ်ကို ယုံကြည်လွန်ခြင်း ဆိုတဲ့ စိတ်ထားတွေကြောင့် လုံခြုံရေး အစောင့်အရှောက်ရယ် လို့ ဟုတ်တိ ပတ်တိ မထားခဲ့ တာဟာ ရန်သူတွေကို အလွန်လွယ်ကူစွာ လုပ်ကြံနိုင်စေဖို့ ဖန်တီးပေးသလို ဖြစ်ခဲ့ပါတယ်။

နောက်ပြီး ရာဇဖွား။ ဘယ်အကြွင်းဘဲဖြစ်ဖြစ် ရာဇဖွားမှန်ရင် “ထက်မြက်ခြင်း၊ ပြတ်သားခြင်း၊ ကိုယ်စွမ်းကိုယ်စ မြင့်မားခြင်း၊ တုန်းတိုက်တိုက် ကျားကိုက်ကိုက် ပြုလုပ်တတ်ခြင်း၊ သူရသတ္တိနဲ့ ပြည့်စုံခြင်း” စ,တဲ့ သဘာဝတွေ ရှိပါတယ်။

.

နောက်ပြီး သင်္ချာဗေဒ (ဂဏန်းဗေဒင်) ရှုထောင့်က ကြည့်တောလည်း (13)ရက် ဆိုတော့ (4) ဂဏန်း သမား။ “(4)ဂဏန်း သမားများ အကြောင်း တစေ့တစောင်း” ဆောင်းပါးမှာ ကျွန်တော်ရေးခဲ့သလိုဘဲ (4)ဂဏန်းဟာ တော်တော်ဆန်းကြယ်တဲ့ ဂဏန်းတစ်ခုပါ။ (4) ဂဏန်းသမားတွေဟာ လူ့လောကထဲမှာ တော်တော်ထင်ပေါ်ကျော်ကြားကြတာ များပါတယ်။ အရည်အချင်းလည်း ရှိကြတယ်။ ပါးနပ်တယ်။ သိလွယ်တတ်လွယ်တယ်။ အတိတ် ပါရမီဓာတ်ခံ တစ်ခုခု ရှိတတ်တယ်။

ဖေဖေါ်ဝါရီလ (13)ရက်နေ့ဟာ သာယနစနစ်မှာ တနင်္ဂနွေ “ကုံ” ရာသီမှာ တည်ရှိနေတာကြောင့် ဗိုလ်ချုပ်ဟာ “ကုံ” ရာသီဖွား ဖြစ်ပါ တယ်။ “ကုံ” ရာသီရုပ်ဟာ “ရေထမ်းသမား ရေအိုးထဲမှ ရေများကို သွန်လောင်းချနေတဲ့ ပုံ” ဖြစ်ပါတယ်။ ဒီရာသီခွင် ရုပ်ပုံကို သရုပ်ဖော်ကြည့်ရင် ကုံရာသီသမားတွေဟာ -

“စွန့်လွှတ်ခြင်း၊ အနစ်နာခံခြင်း၊ မိမိလုပ်သမျှ ကိုင်သမျှ အချည်းအနှီးဖြစ်ခြင်း၊ သဲထဲရေသွန် ဖြစ်ခြင်း၊ မိမိပြုလုပ်ခဲ့သော်လည်း မိမိပြန်မခံစားရခြင်း၊ အဆုံး သတ်မကောင်းလှခြင်း စတဲ့ အဓိပ္ပါယ် ဖွင့်ဆိုချက်တွေရှိတဲ့ ရာသီဖြစ်ပါတယ်။ ဒါကြောင့် “ကုံ” ရာသီဖွား (13)ဂဏန်းသမားဖြစ်တဲ့ ဗိုလ်ချုပ်အောင်ဆန်းဟာ မိမိရဲ့ ကြိုးပမ်း အားထုတ်မှု များရဲ့ အသီးအပွင့်များကို မြင်ပင် မမြင်လိုက်ရဘဲ ၀မ်းနည်း ကြေကွဲဖွယ်ရာ ကွယ်လွန် သွားရခြင်းမျိုး ဖြစ်ပါတယ်။

“ကုံ” ရာသီဟာ ခေတ်သစ် သင်္ချာဗေဒမှာ “ယူရေးနပ်စ်ဂြိုဟ်(4)ဂဏန်း” ပိုင်တဲ့ “ကသစ်” အိမ် ဖြစ်လို့ သူ့ပိုင်တဲ့ အိမ်မှာ သူရပ်တည်တဲ့ (13)ဂဏန်းဟာ ဒီနေ့မှာ မွေးဖွားတဲ့ လူတစ်ယောက်ကို အလွန်ထက်မြက်တဲ့ စွမ်းရည်၊ အရည်အချင်းတွေကို ဖြည့်ဆည်းပေးလိုက်တာ မဆန်းလှပါဘူး။ ဒါပေမယ့် ကံမကောင်းတဲ့ အချက်တစ်ချက်က “သူ” ဟာ “စနေ” သား ဖြစ်နေပြန်တယ်။ (4)ဂဏန်း ပိုင်တဲ့ ယူရေးနပ် ဂြိုဟ် နဲ့ စနေဂြိုဟ် တို့ဟာ တကယ့် ကမ္ဘာရန်တွေ ဖြစ်ပါတယ်။

ဒီလို (4)ဂဏန်းသမားတစ်ယောက်ဟာ ရန်ဂြိုဟ်ဖြစ်တဲ့ စနေနေ့မျိုးမှာမွေးဖွားလာရင် သူတို့ရဲ့ ဘ၀တစ်လျှောက်လုံးဟာ တည်ငြိမ် အေးချမ်းမှု မရှိတော့ဘဲ “ပဋိပက္ခ” ဖြစ်စဉ်တွေ နဲ့ အမြဲလိုလို ရင်ဆိုင်နေရသူတွေ ဖြစ်ပါတယ်။ သူတို့ဟာ အရာရာကို အလွယ်တကူ နဲ့ ရလေ့မရှိဘဲ “တိုက်ယူမှ ရသူတွေ” ဖြစ်တယ်။ အိမ်ထောင်ရေး အဆင်မပြေမှုတွေကိုလည်း ရင်ဆိုင်ရလေ့ရှိတယ်။

Numerology ပညာအရ ဗိုလ်ချုပ်ကို “သတ်” လိုက်တဲ့ ဂြိုဟ်ဟာ (13)ဂဏန်း ဖြစ်တယ်လို့ တစ်ချို့က ယူဆကြပါတယ်။ မဟုတ်ပါဘူး။ “သေမင်း” လို့ အဓိပ္ပါယ်ရှိပြီး လူအများ ကြောက်ကြတဲ့ (13)ဂဏန်းဟာ အခြားသူများကိုတော့ “သတ်ချင်သတ်မယ်” ။ ကိုယ့်မွေးဂဏန်း ပိုင်ရှင်ကိုတော့ သတ်လေ့မရှိပါဘူး။

Numerology ပညာအရ ဗိုလ်ချုပ်ကို အသေသတ်လိုက်တာကတော့ “သင်္ချာဗေဒပညာ” ရဲ့ လျှို့ဝှက်ချက်တစ်ခုဖြစ်တဲ့ “Current of Destiny” ကြောင့် ဖြစ်ပါတယ်။ ဗိုလ်ချုပ်ဟာ 1915 ခုနှစ်မှာ မွေးဖွားတော့ သူ့ရဲ့ Current က (16)ဂဏန်း ဖြစ်နေပါတယ်။ တကယ်တော့ “Current of Destiny” ဆိုတာ “တားရော့” ပညာပါဘဲ။ တားရော့ဗေဒင်မှာ (16)ဆိုတဲ့ ဂဏန်းဟာ လူတစ်ယောက် မျှော်စင်ပေါ်ကနေ မိုးကြိုးပစ်ခံရပြီး ပြုတ်ကျလာတဲ့ နိမိတ်ပုံပါ။

ဒီ နိမိတ်ပုံဟာ မျှော်စင်ဆိုတဲ့ အထွဋ်အထွပ်ကို ရောက်နေတဲ့ လူတစ်ယောက်ကို မိုးကြိုးပစ်ချခံလိုက်ရတာဆိုတော့ “အမြင့်ဆုံးကို ရောက်နေစဉ်မှာ ပြုတ်ကျခြင်း၊ မီး လျှပ်စစ် , ပေါက်ကွဲစေတတ်သော ပစ္စည်းများကြောင့် ဒုက္ခတွေ့ခြင်း ၊  ရုတ်တရက် အငိုက်မိ တိုက်ခိုက်ခံရခြင်း၊ မမျှော်လင့်သော ကံကြမ္မာဆုံး ဗြုန်းကနဲ ကျရောက်ခြင်း၊ သဘာဝ ဘေးအန္တရာယ်များနှင့် ကြုံတွေ့ခြင်း များကို ဆိုလိုပါတယ်။

ဒါကြောင့် “Current of Destiny” (16) ဖြစ်နေခြင်း ၊ ကုံရာသီ (အသက်တိုတတ်သောရာသီ)တွင် မွေးဖွားခြင်း၊ စနေ နှင့် (4)ဂဏန်း ရန်ကျနေခြင်း စသော အချက်တွေ ပေါင်းဆုံသွားတဲ့အခါ  ဗိုလ်ချုပ်ဟာ ဥပစ္ဆေဒကကံ နဲ့ ကွယ်လွန်သွားရခြင်း ဖြစ်ပါတယ်။

နောက်တစ်ခုက ဗိုလ်ချုပ်အောင်ဆန်းရဲ့ နာမည် ကိစ္စ ။ ငယ်နာမည်က “မောင်ထိန်လင်း” တဲ့ ။ ဒါပေမယ့် ဒီနာမည်က မတွင်ဘူး။ တက္ကသိုလ် ကျောင်းသားဘ၀မှာတော့ “ကိုအောင်ဆန်း” “သခင်အောင်ဆန်း” လို့ လူသိများလာတယ်။ နောက် ရဲဘော်သုံးကျိပ်အဖွဲ့ ခေါင်းဆောင်ဖြစ်လာတော့ “ဗိုလ်တေဇ”။

ဒီနေရာမှာ ကံတရားရဲ့ ထူးဆန်းမှုလေး တစ်ခုရှိပါတယ်။ ကျန်တဲ့ ရဲဘော်သုံးကျိပ်ဝင် အားလုံးနီးပါးလောက်ဟာ သူတို့ ရဲဘော်သုံးကျိပ် ၀င်တုန်းက နာမည် တွေဖြစ်ကြတဲ့ “ဗိုလ်နေ၀င်း၊ ဗိုလ်ဗလ၊  ဗိုလ်လက်ယာ၊ ဗိုလ်စင်္ကြာ၊ ဗိုလ်ကျော်ဇော . . စတဲ့ နာမည်တွေကို ဆက်ယူကြပြီး ဒီ နာမည်တွေဟာ ဘ၀တစ်လျှောက်လုံး အတည်ဖြစ် သွားခဲ့ကြပါတယ်။

ဗိုလ်ချုပ်ကတော့ “ဗိုလ်တေဇ” ဆိုတဲ့ နာမည်ကို ဆက်မယူဘဲ မူလ “ဗိုလ်အောင်ဆန်း” ဆိုတဲ့ နာမည်ကိုဘဲ ပြန်သုံးခဲ့ပါတယ်။  ဗိုလ်ချုပ်တစ်ယောက်ဘဲ ထူးထူးခြားခြား မူလနာမည်ကို ပြန်သုံးဖြစ်သွားပါတယ်။ ဒါဟာ ကံတရားတစ်ခုလို့ ဆိုနိုင်မလားခင်ဗျာ ?

မဟာဘုတ်သမား အတော်များများ သိကြတဲ့ အတိုင်း ဗိုလ်ချုပ်ဟာ (၂)ကြွင်းဖွား ဖြစ်လေတော့ “အောင်ဆန်း” ဆိုတဲ့ နာမည်ဟာ “အထွန်း+ပုတိ” ပက္ခတ် မိနေပါတယ်။ ပက္ခတ်တွေအကြောင်း ကျွန်တော်သေသေချာချာ လေ့လာကြည့်တော့ “ပက္ခတ်” တစ်ခု နဲ့ တစ်ခု အဆိုးပေးမှုခြင်း သိပ်မတူကြတာကို သွားတွေ့ရပါတယ်။ အောက်မှာ ကြည့်ပါ။

.

အခု ဗိုလ်ချုပ်အောင်ဆန်း မိထားတဲ့ “ပက္ခတ်” က အထွန်း+ပုတိ ပက္ခတ် ဖြစ်ပါတယ်။ ဒီပက္ခတ်ဟာ လုပ်ကြံသတ်ဖြတ်မှုဆိုတဲ့ ကိစ္စကို အတော်အားပေးတာကို တွေ့ရပါတယ်။ ကမ္ဘာ့သမိုင်းမှာ လုပ်ကြံသတ်ဖြတ်ခံခဲ့ရတဲ့ ခေါင်းဆောင်အတော်များများဟာ ဒီ ပက္ခတ်မျိုး ညိနေကြတာ များပါတယ်။ ထင်ပေါ်ကျော်ကြားသူတစ်ဦးမှာ ဒီလို ပက္ခတ်မျိုး မိနေခဲ့ရင် စိုးရိမ်စရာ ကိစ္စတစ်ခုပါ။ သာမန်လူတောင်မှ ဒီပက္ခတ်မျိုးဟာ ကိုယ့်ကို အလုပ်ပြုတ်၊ စီးပွားပျက်အောင် လုပ်ကြံ ဂျောက်တွန်းခံရတာမျိုး ကြုံရနိုင်ပါတယ်။

ဗိုလ်ချုပ်ဟာ ရဲဘော်သုံးကျိပ်ဝင်ဘ၀က နာမည်ဖြစ်တဲ့ ဗိုလ်တေဇ ဆိုတဲ့ နာမည်ကို ယူပြီး “ဗိုလ်ချုပ်တေဇ” လို့သာ အမည်တွင် ခဲ့ရင်တော့ ဒီကံကြမ္မာဟာ လွတ်ကောင်းလွတ်လိမ့်မယ်လို့ မျှော်လင့်လို့ ရနိုင်ပါတယ်။ ဒါပေမယ့် ကံတရားက ဒီလို ခွင့်ပြုခဲ့ဟန် မတူပါဘူး။

နောက်တစ်ခုက “သက္ခတ်” ။ ဗိုလ်ချုပ်ဟာ အသက် (၃၃)ထဲမှာ လုပ်ကြံခံရတာဖြစ်ပါတယ်။ စနေသား ဖြစ်လို့ “စနေ” သက္ခတ်ပါ။ ဒုက္ခပေးတဲ့ “အင်္ဂါ၊ ဗုဒ္ဓဟူး၊ စနေ” လို့ ကျွန်တော် မကြာခဏ ရေးခဲ့သလို “စနေ” သက္ခတ်ဟာ ကိုယ်ပိုင်တဲ့ သက္ခတ်ဖြစ်ပေမယ့် အလွတ် မပေးပါ။ ငဲ့ညှာမှု မရှိပါ။

ဒီလိုဆို အရင့်အရင် “စနေ” သက္ခတ်တွေတုန်းကလည်း ဖြစ်ပါလား ? လို့ ဆိုစရာ ရှိပါတယ်။ ဒီလိုပါ။ အနီးဆုံး အသက်ဖြစ်တဲ့ အသက် (၂၅)နှစ်ဟာလည်း စနေ သက္ခတ် ပါဘဲ။ ဒါပေမယ့် အဲဒီတုန်းက “ဂြိုဟ်စားကာလ” က “ကြာသပတေးဂြိုဟ်စား” ဖြစ်တယ်။ ကြာသပတေးဟာ မရဏဂြိုဟ်ဖြစ်ပေမယ့် စနေနဲ့ ဆက်သွယ်မှု မရှိဘူး။ နောက် (၃၃)နှစ်ကျတော့ “ရာဟုဂြိုဟ်စား” ကာလ ဖြစ်လာ တယ်။ ရာဟုဟာ ဗိုလ်ချုပ်ရဲ့ မဟာဘုတ်တိုင်မှာ “သိုက်” မှာ ရှိနေတယ်။ အဲဒီတော့ ဒီရာဟုဟာ မွေးနံ လည်းဖြစ် “သက္ခတ်”လည်းဖြစ် တဲ့ “စနေ” ဂြိုဟ်နဲ့ ပက္ခတ် မိမနေဘူးလားခင်ဗျာ။ အောက်ကပုံကို ကြည့်ပါခင်ဗျာ။

.

ဒါကြောင့် နာမည်ပက္ခတ် မိထားတဲ့လူတွေ အကြောက်ရဆုံး အချိန်/ကာလဟာ “ဂြိုဟ်စားကာလကြီး” နဲ့ “သက္ခတ်” တို့ အပြန်အလှန် ပက္ခတ်ကျတဲ့ နှစ်ပိုင်းတွေ ဖြစ်တာကို (ဒီသုတေသနအပြီး) နောက်ပိုင်း ဆက်လေ့လာတဲ့ သုတေသနများအရ တွေ့ရှိရပါတယ်။

ဒါကြောင့် ဗိုလ်ချုပ်အောင်ဆန်း ကျဆုံးကွယ်လွန်ခဲ့ရခြင်းဟာ မြန်မာတစ်မျိုးသားလုံးအတွက် လုံးဝအစာထိုးလို့ မရတဲ့ ဆုံးရှုံးမှုကြီး ဖြစ်တာမှန်ပေမယ့် ကံတရားရဲ့ အလိုအတိုင်း ဖြစ်ကို ဖြစ်ရမယ့် ကိစ္စတစ်ခုမို့သာ ဗိုလ်ချုပ်ဟာ ဒီလို နှစ်၊ လ၊ ရက်မျိုးမှာ မွေးပြီး ဒီလို နာမည်မျိုးကို မှည့်မိခြင်းလို့လည်း ယူဆနိုင်ပါတယ်။ ဖြေသိမ့် ကြည့်တာပေါ့လေ။

ဒါကတော့ Numerology ပညာ နဲ့ မဟာဘုတ် ပညာတို့ပေါင်းစပ်ပြီး ပြန်လည်လေ့လာသုံးသပ် ထားတဲ့ ဗေဒင်ဆောင်းပါး တစ်ခုပါ။ ဒီထက် အဆင့်မြင့်မြင့် “နက္ခတ်ဗေဒင်ပညာ” နဲ့ သုံးသပ်တင်ပြထားတာကို ဖတ်ချင်ရင်တော့ “ဆရာ ဘဲလားလေဘာတီ” ရေးထားတဲ့ “ဗိုလ်ချုပ်အောင်ဆန်းနှင့်အကြောင်းတရား” ဆိုတဲ့ ဆောင်းပါးလေးဆီကို လင့်ခ် သွားပြီး ဖတ်ကြည့်လိုက်ပါ။ ဒီနေရာကို နှိပ်ပြီး သွားလိုက်ပါ။

.

ဖတ်ရှုသူအပေါင်း ပြန်ပြောင်းအောက်မေ့ လွမ်းဆွတ်နိုင်ကြပါစေ။

.

ဒေါက်တာတင်ဗိုလ်ဗိုလ် (ဗေဒ-သုခုမ)