# ဇန်န၀ါရီလ(၂၀၁၀)
ယခုလ ဇန်န၀ါရီလဟာ ၂၀၁၀ ခုနှစ်ရဲ့ ပထမဆုံးလ လည်းဖြစ်ပါတယ်။ ဒီလထဲမှာ ထူးခြားတာက (၇)ရက်သားသမီးများအနက် “ဗုဒ္ဓဟူး နဲ့ ရာဟု သားသမီး” များသာ လွတ်လွတ်ကျွတ်ကျွတ် ကောင်းမွန်ပြီး ကျန်နေ့သားမီးများမှာ အကောင်း နဲ့ အဆိုး ဒွန်တွဲ နေကြမယ့် လ, ဖြစ်ပါတယ်။ ဒါပေမယ့် ကောင်းအား/ဆိုးအား ပြင်းထန်မှုတော့ သိပ်မရှိလှပါဘူး။ သက္ခတ်အညံ့ထဲမှာ ရှိမနေသူများ သာမန် အညံ့လောက်ပါဘဲ။ သက္ခတ်ကောင်းမှာ ရောက်နေရင်တော့ အညံ့တောင်မှ သိပ်မရှိနိုင်ပါဘူး။
ပြီးခဲ့တဲ့ ဒီဇင်ဘာလတုန်းက (၇) ရက်သားသမီးများအတွက် ကောင်းအား/ဆိုးအား အလွန်ပြင်းထန်မယ်လို့ ရေးခဲ့တဲ့အတိုင်း ဒီဇင်ဘာလထဲမှာ ကမ္ဘာအ၀ှမ်း ကပွဲရုံမီးလောင်မှု၊ ရထားဗုံးကွဲမှု၊ အသေခံဗုံးခွဲမှု များကြောင့် အစုလိုက် အပြုံလိုက် သေကြေ ပျက်စီးမှုတွေ ဖြစ်ခဲ့တာကို သတိထားမိကြမယ် ထင်ပါတယ်။
နောက်ပြီး ဒီဇင်ဘာလဟောကိန်းထဲမှာ အကောင်းဆုံးနေ့သားသမီးအဖြစ် အင်္ဂါသားသမီး ကို သတ်မှတ်ပေးထားပါတယ်။ ပေးထားတဲ့အတိုင်း “သက္ခတ်” ကောင်းထဲမှာ ရောက်နေတဲ့ အင်္ဂါသားသမီးအတော်များများ ကောင်းကြတာကို တွေ့ရပါတယ်။ အထူးခြားဆုံးကတော့ “သောကြာ” သက္ခတ်ထဲမှာရောက်နေတဲ့ အင်္ဂါသားဖြစ်တဲ့ “ဆရာကြီး ဒေါက်တာဒဂုန်” ဟာ ဒီဇင်ဘာလ ထဲမှာဘဲ နိုင်ငံတော်က ချီးမြှင့်ခဲ့တဲ့ “အမျိုးသားစာပေဆုကြီး” ကို ဆွတ်ခူးနိုင်ခဲ့ပါတယ်။ စာရေးဆရာ သက်တမ်း အနှစ်(၄၀) ကျော်အတွင်း မှာ ပထမဆုံးအကြိမ်ဆွတ်ခူးနိုင်တာဖြစ်လို့ ထူးခြားလှပါတယ်။ ဒါကြောင့် ယေဘူယျတော့ ယေဘူယျပါဘဲ။ ဒါပေမယ့် လူအများစုနဲ့ သက်ဆိုင်နေတာကို တွေ့ရပါလိမ့်မယ်။
.
ယခုလ(ဇန်န၀ါရီလ) ၇ရက်သားသမီး ကံဇာတာ အကျဉ်းချုပ်
= ကြာသပတေးသားသမီး (အလွန်ညံ့)
= စနေ သားသမီး (အကောင်း/အညံ့ ဒွန်တွဲနေ၊ အညံ့များ)
= တနင်္ဂနွေ၊ တနင်္လာ၊ အင်္ဂါ၊ သောကြာ သားသမီး (ကောင်း/ဆိုး သင့်ရုံ)
= ဗုဒ္ဓဟူး ၊ ရာဟု သားသမီး (အလွန်ကောင်း) ဆိုပြီးတော့ တွေ့ရပါတယ်။
.
နောက်ပြီး နာမည် တွဲလုံးအရ ကောင်းကျိုး/ဆိုးကျိုး အထူးပြုနိုင်တဲ့ နာမည်အတွဲတွေကတော့ -
.
နာမည်တွဲလုံး အလိုက် ကံဇာတာ အဆိုး/အကောင်း
= ဗုဒ္ဓဟူး စ , ဗုဒ္ဓဟူး ဆုံး နာမည်ပိုင်ရှင်များ (အလွန်ကောင်း)
= ဗုဒ္ဓဟူး စ , တနင်္ဂနွေ ဆုံး နာမည်ပိုင်ရှင်များ (ရှေ့ပိုင်း ကောင်း/လကုန်ပိုင်း ညံ့)
= စနေ စ , ဗုဒ္ဓဟူး ဆုံး နာမည်ပိုင်ရှင်များ (အောင်မြင်ရေး ကောင်း/အိမ်ထောင်ရေးညံ့/ရန်များ)
= စနေ စ , စနေ ဆုံး နာမည်ပိုင်ရှင်များ (အောင်မြင်ရေး ကောင်း/အတွင်းရန် အပြင်ရန် ရှိ)
= အင်္ဂါ စ , ဗုဒ္ဓဟူး ဆုံး နာမည်ပိုင်ရှင်များ (အစောပိုင်း ညံ့/လ,လယ်နောက်ပိုင်း ကောင်း)
= တနင်္လာ စ , ဗုဒ္ဓဟူး ဆုံး (သို့) ဗုဒ္ဓဟူး စ , တနင်္လာ ဆုံး နာမည်ပိုင်ရှင်များ (အကောင်း/အညံ့ ရော)
= ဗုဒ္ဓဟူး စ , သောကြာ ဆုံး (သို့) သောကြာ စ , ဗုဒ္ဓဟူး ဆုံး နာမည်ပိုင်ရှင်များ (အကောင်း/အညံ့ ရော)
= တနင်္ဂနွေ စ , သောကြာ ဆုံး (သို့) သောကြာ စ , တနင်္ဂနွေ ဆုံး နာမည်ပိုင်ရှင်များ (ကောင်းအား/ဆိုးအား ရော/ပြင်းထန်)
= တနင်္ဂနွေ စ , တနင်္လာ ဆုံး (သို့) တနင်္လာစ , တနင်္ဂနွေ ဆုံး နာမည်ပိုင်ရှင်များ (အလွန်ညံ့)
= အင်္ဂါစ , ကြာသပတေး ဆုံး (သို့) ကြာသပတေး စ , အင်္ဂါ ဆုံး နာမည်ပိုင်ရှင်များ (အလွန်ညံ့)
= ကြာသပတေး စ , ကြာသပတေး ဆုံး နာမည်ပိုင်ရှင်များ (အလွန့်အလွန်ညံ့)
= တနင်္လာ စ , တနင်္လာ ဆုံး နာမည်ပိုင်ရှင်များ (အလွန့်အလွန်ညံ့)
မှတ်ချက်။ ။ အထက်ပါ နာမည်တွဲလုံးများတွင် မပါဝင်သော နာမည်ပိုင်ရှင်များ၏ အကောင်း/အဆိုးမှာ အပြာရောင်ဖြင့် ပြထားသော (၇)ရက် သားသမီး အကောင်း/အဆိုးအတိုင်း ယူရမည်။ မွေးနံကောင်းပြီး နာမည်ညံ့လျှင် သော်၎င်း၊ နာမည် ညံ့ပြီး မွေးနံကောင်းလျှင်သော်၎င်း “အကောင်း/အဆိုး မျှ၍” ယူရမည်။
.
တနင်္ဂနွေ သားသမီးများ
တနင်္ဂနွေ သားသမီးများကတော့ ယခုလမှာ အကောင်း ရှိသလို အညံ့လည်း ရှိပါတယ်။ အလုပ်အကိုင် တိုးတက်ခြင်း၊ နာမည် ကောင်းထွက်ခြင်း၊ လူမှုဆက်ဆံရေး နှင့် အပေါင်းအသင်းနယ်ပင် ကျယ်ပြန့်ခြင်းများရှိပါတယ်။ စာပေ၊ စာနယ်ဇင်း၊ သတင်းဆက်သွယ်ရေး၊ ကြော်ငြာ၊ ၀န်ဆောင်မှု၊ အကျိုးဆောင်လုပ်ငန်းများ လုပ်နေသူများ လုပ်ငန်းနဲ့ ပက်သက်ပြီး အကျိုး ကျေးဇူးများ ခံစားရတတ်ပါတယ်။ ဒါပေမယ့် အကြီးအကဲ၊ ဆရာသမားများနှင့် ပက်သက်ပြီး စိတ်ဆင်းရဲရဖွယ် ရှိပါတယ်။ ဘာသာရေးနဲ့ ပက်သက်ပြီး ကြံရွယ်ထားမှုများ မအောင်မြင်ခြင်း၊ နှောင့်နှေးကြန့်ကြာခြင်းများ ဖြစ်တတ် ပါတယ်။ ၀မ်းဗိုက်နှင့် ပက်သက်သော ရောဂါဝေဒနာများ ခံစားရတတ်ပါတယ်။ ငွေကြေးပျောက်ဆုံးခြင်း၊ စက်ပစ္စည်းများ ပျက်စီးခြင်းများကြောင့် စိတ်အနှောက်အယှက် ဖြစ်ရဖွယ် ရှိပါတယ်။ ရပ်ဝေးနေ ဆွေမျိုးများ အလည်လာ တည်းခိုခြင်းကြောင့် စိတ်ပင်ပန်းရဖွယ် ရှိပါတယ်။ ဒါပေမယ့် သိပ်ဆိုးဝါးတဲ့ လ, တော့လည်း မဟုတ်ပါဘူး။ အကောင်း/အဆိုးတွေဟာ သင့်ရုံလောက်ပါဘဲ။
ယတြာပြုလိုသူများအတွက် ပေါင်မုန့် ထောပတ်သုတ် ကို အိမ်ကဘုရားမှာ ကပ်လှူလိုက်ပါ။ ဗုဒ္ဓ ဘာသာမဟုတ်သူများအတွက် ကိုယ့်ရဲ့ ဆရာသမားတစ်ဦးဦးကို ဒန်ပေါက်ထမင်း တစ်ထုပ် ပါဆယ် လက်ဆောင်ဝယ်ပေးလိုက်ပါ။
.
တနင်္လာ သားသမီးများ
တနင်္လာ သားသမီးများကတော့ ယခုလမှာ စိတ်ဖိစီးမှု၊ လူပင်ပန်းမှု များတတ်ပါတယ်။ မလုပ်ချင်တဲ့ တာဝန်ဝတ္တရား တွေကို ယူနေရတတ်ပါတယ်။ သက္ခတ်အညံ့များအတွင်း ရောက်နေသူ ၀န်ထမ်းများ ကိုယ်မသွားချင်တဲ့ အရပ်၊ မလုပ်ချင်တဲ့ အလုပ်နေရာများကို ပြောင်းလဲရဖွယ် ရှိပါတယ်။ သောကြာ သက္ခတ်များအတွင်း ရောက်နေသူများ နိုင်ငံခြား ခရီး၊ ဘုရားဖူး ခရီးရှည်များ ထွက်ရတတ်ပါတယ်။ အိမ်တွင်းရေး စိတ်ပူပန်စရာတွေ ဖြစ်နိုင်ပါတယ်။ အိုးအိမ်၊ အကြီးအကဲ များနဲ့ ပက်သက်ပြီး စိတ်ပူပင်စရာတွေ ပေါ်တတ်ပါတယ်။ ငွေကြေး ပျောက်ဆုံးခြင်း၊ အလဟသ ဆုံရှုံးသွားခြင်းမျိုး ဖြစ်ရဖွယ် ရှိပါတယ်။ ကျန်းမာရေး ညံ့နေတတ်ပြီး အမျိုးသမီးများမှာ အမျိုးသမီးရောဂါများကြောင့် စိတ်အနှောင့်အယှက် ဖြစ်ရဖွယ် ရှိပါတယ်။ ကျောက်အရောင်း အ၀ယ်၊ ကားအရောင်းအ၀ယ်၊ ငွေကြေးအရောင်းအ၀ယ် လုပ်နေသူများ ဒီလထဲမှာ ပြဿနာ နှင့် ဆုံရှုံးမှုများ ကြုံရဖွယ်ရှိပါတယ်။ တနင်္လာသားသမီးများအတွက် ငွေနဲ့ ပက်သက်ပြီး တော်တော် ခေါင်းကိုက် ရမယ့် လ, တစ်လ ဖြစ်ပါတယ်။
ယတြာ လုပ်လိုသူများအတွက် ဒီလ ယတြာက နဲနဲထူးဆန်းတယ်။ အဲဒါကတော့ ဒီလ, တစ်လ,လုံး “မုသား” ပြောဆိုခြင်းကို လုံးဝ ထိန်းသိမ်းလိုက်ပါ ။ ရယ်စရာ မောစရာအနေနဲ့တောင် လိမ်မပြောပါနဲ့။ ဒီတစ်လ ထဲပါ။ ဗုဒ္ဓဘာသာရော၊ ဗုဒ္ဓဘာသာ မဟုတ်သူ များ အားလုံးအတွက်ပါ။ လုပ်ကြည့်ပါ။ အကျိုးထူးပါလိမ့်မယ်။
.
အင်္ဂါ သားသမီးများ
အင်္ဂါ သားသမီးများကတော့ ယခုလမှာ နာမည်ကြီးခြင်း၊ ဂုဏ်သတင်းကြီးခြင်း၊ မိမိစွမ်းဆောင်ချက်များ အောင်မြင်ခြင်း၊ မင်းစိုးရာဇာအကြီးအကဲ နှင့် အထက်လူကြီးများ၏ အကူအညီကို ရရှိခံစားရခြင်းများ ဖြစ်နိုင်ပါတယ်။ လူလည်း ပင်ပန်း မယ်။ စိတ်လည်း ပင်ပန်းမယ်။ အနားမယူနိုင်လောက်အောင် အလုပ်များမယ်။ ဒါပေမယ့် ရန်သူရှိတယ်။ ကိုယ့်ရဲ့ ဂုဏ်သတင်းကို အပုပ်ချမယ့် သူတွေ ရှိနေတယ်။ အုပ်ချုပ်ရေး၊ စစ်ဘက်၊ အင်ဂျင်နီယာ၊ ဆေးဝါးလုပ်ငန်း၊ သတ္တုလုပ်ငန်း၊ ပြန်လည် ပြုပြင်မွမ်းမံရတဲ့လုပ်ငန်း၊ ၀န်ဆောင်မှုလုပ်ငန်းများ လုပ်နေသူများ အကျိုးများလိမ့်မယ်။ လူမျိုးခြားရဲ့ အကူအညီ ကို ရမယ်။ နိုင်ငံရပ်ခြားမှာ သွားရောက် အလုပ်လုပ်နေသူများ ပိုမိုကံကောင်းမယ်။ ခရီးတို၊ ခရီးရှည်များ ထွက်ရန် ရှိတယ်။ နိုင်ငံခြားကို ထွက်မည့်သူများ ထွက်ရမယ်။ ဒီလမှာ အတွင်းရန် အပြင်ရန်ကို အထူးသတိပြုပါ။ အိမ်ထောင်ရှိသူများ အိမ်ထောင်ရေး ပြဿနာ ကြီးမားတတ်ပါတယ်။ ကောင်းအား/ဆိုးအား သိပ်တော့ မပြင်းထန်လှပါ။
ယတြာပြုလိုသူများအတွက် နွားနို့တစ်ဖန်ခွက် ကို အင်္ဂါနေ့ဖြစ်စေ၊ စနေနေ့ဖြစ်စေ ဘုရားမှာ ကပ်လှူလိုက်ပါ။ ဗုဒ္ဓဘာသာ မဟုတ်သူများအတွက် အသက်ကြီးသူတစ်ယောက်ယောက်ကို နာနတ်သီးဖြစ်စေ၊ နာနတ်သီးဖျော်ရည်ဖြစ်စေ ပေးကမ်း လှူဒါန်းလိုက်ပါ။
.
ဗုဒ္ဓဟူး သားသမီးများ
ဗုဒ္ဓဟူး သားသမီးများကတော့ ယခုလဟာ ထူးထူးခြားခြား အောင်မြင်တိုးတက်မှုတွေ ရရှိနိုင်မယ့် လ, ဖြစ်ပါတယ်။ နာမည် ဂုဏ်သတင်း အလွန်ကျော်ကြားမယ်။ လူမှုဆက်ဆံရေးများ အောင်မြင်မယ်။ စီးပွားရေးလုပ်ငန်းတွေ အရှိန်မြင့်မားစွာ တိုးတက်မယ်။ ငွေကြေးကံလည်း အလွန်ကောင်းနေပါတယ်။ ၀န်ထမ်းများ ရာထူးတက်နိုင်တဲ့ လ, ဖြစ်တယ်။ အိုးအိမ် ၀ယ်ယူဖို့ ပြင်ဆင်နေသူများ ဒီလထဲမှာ အိုးအိမ်၊ တိုက်ခန်းများ ၀င်ကိန်း ရှိပါတယ်။ လူအများနဲ့ ဆက်ဆံလုပ်ကိုင်နေရတဲ့ ဘယ်လုပ်ငန်း မဆို တိုးတက်ကောင်းမွန်မယ်။ အနုပညာရှင်များ အလွန်အောင်မြင်ကျော်ကြားတတ်ပြီး ဘွဲ့တံဆိပ်၊ ဆု များ ရရှိတတ်ပါတယ်။ (ဒီလ,ထဲမှာ အကယ်ဒမီ ဆုများပေးမယ်ဆိုရင်တော့ ဗုဒ္ဓဟူးသားသမီး (သို့) ဗုဒ္ဓဟူးနံနဲ့ အမည်မှည့်ထားသူများ အကယ်ဒမီဆု များ ဆွတ်ခူးရရှိဖို့ အလွန် အခြေအနေ ကောင်းနေပါတယ်) ဒါပေမယ့် ဒီလမှာ လက်အောက်လူ များအတွက် စိတ်ဆင်းရဲရမယ်။ စိတ်သောက များရမယ်။ လုပ်ငန်း ကြီးလုပ်သူများ လက်အောက် ၀န်ထမ်းများနှင့် ပြဿနာဖြစ်မယ်။ လူအိုလူမင်း၊ ကျန်းမာရေး မကောင်းသော ဆွေမျိုးများကြောင့် စိတ်ရှုပ်ရမယ်၊ စိတ်ပူပန်ရမယ်။ ကျန်တာတော့ “အားလုံး ကောင်းပါသည်ခင်ဗျား” လို့ ဆိုနိုင်ပါတယ်။
ယတြာပြုလိုသူများအတွက် မွေးနေ့ဗုဒ္ဓဟူးနေ့မှာ သံဃာတစ်ပါးကို “ဖိနပ်” တစ်ရံ လှူဒါန်းလိုက်ပါ။ ဗုဒ္ဓဘာသာ မဟုတ်သူ များအတွက် မိမိစီးနေသော ဖိနပ်အဟောင်းတစ်ရံကို တောင်းရမ်းစားသူတစ်ဦးအား ပေးကမ်းလိုက်ပါ။
.
ကြာသပတေး သားသမီးများ
ကြာသပတေး သားသမီးများအတွက် ယခုလဟာ အညံ့များလိမ့်မယ်။ Pressure များမယ်။ Stress များမယ်။ တာဝန်ကြီး မယ်။ တစ်ချို့ အလုပ်အကိုင် တိုးတက်တာ၊ ရာထူးတိုးတာ ရှိပေမယ့် ၀န်နဲ့အား မမျှဘဲ ဖြစ်နေမယ်။ ကိုယ်လုပ်နိုင်တာ ထက် တာဝန်က ပိုကြီးနေမယ်။ အလုပ်တွေ မနိုင်မနင်းဖြစ်နေမယ်။ နဂိုကတည်း “တစောင်းစေး နဲ့ မျက်ချေး” ဖြစ်နေတဲ့ အိမ်ထောင်ရေးများ ဒီလထဲမှာ အလွန်အန္တရာယ်ကြီးတယ်။ လင်မယား နှစ်ယောက်လုံး ကြာသပတေးသားသမီးတွေ ဖြစ်နေရင် အလွန်ဆိုးဝါးတဲ့ အိမ်ထောင်ရေးပြဿနာတွေ ဖြစ်နိုင်တယ်။ ရုတ်တရက် ရှောင်တခင် ကျန်းမာရေး ညံ့တာတို့၊ ထိခိုက်ဒဏ်ရာ ရတာတို့ ဖြစ်နိုင်တယ်။ ငွေကြေးအစုအပုံဝင်ကိန်းရှိတယ်။ ဒါပေမယ့် အဲဒီငွေကြေးဟာ ပြဿနာမကင်း တဲ့ ငွေကြေးဖြစ်နေပြီး နောက်က အမှုအခင်းတွေ ဆက်တိုက်ဝင်ရောက်လာနိုင်တယ်။ (၀န်ထမ်းများ “လာဘ်ငွေ” သတိပြုပါ)။ ကားလုပ်ငန်း၊ ငွေကြေး ရောင်းဝယ်မှုလုပ်ငန်း၊ ကျောက်လုပ်ငန်းလုပ်ငန်းတွေ လုပ်နေသူများ ပြဿနာကြီးတွေ၊ အဆုံးအရှုံးတွေ အများကြီး ဖြစ်နိုင် ပါတယ်။ ဒီလထဲမှာ ကောင်းတာလို့ ယူဆတာမှန်သမျှ အဆိုးနောက်က ကပ်ပါလာနိုင်တာကို သတိ ကြီးကြီးထားပါ။
ယတြာပြုလုပ်လိုသူများအတွက် ဒီလမှာ မိမိပိုင်ငွေကြေး ပမာဏ ခပ်များများကို လူမှုရေး၊ ကယ်ဆယ်ရေး လုပ်ငန်းတွေမှာ လှူဒါန်းလိုက်ပါ။ ကြာသပတေးသားသမီးများအတွက် ယခုလအကောင်းဆုံး ယတြာဟာ “ဂုဏ်ပကာသန” မပါတဲ့ လူမှုရေး အလှူတွေ များများလုပ်ပါ။ ကိုယ့်စိတ်ထဲမှာ နှမြောစိတ် ဖြစ်လောက်တဲ့ ငွေပမာဏ အထိအောင် လှူပစ်ပါ။ အဆိုးတွေ သက်သာခွင့် ကြုံပါလိမ့်မယ်။ ဘယ်သာသာဝင်မဆို လုပ်နိုင်ပါတယ်။ ပကာသနတော့ မပါပါစေနဲ့။
.
သောကြာ သားသမီးများ
သောကြာ သားသမီးများအတွက် ဒီလဟာ အကောင်း/အဆိုး သိပ်ပြီး ပြင်းပြင်းထန်ထန် မဖြစ်နိုင်ပါ။ သင့်တင့်လျှောက်ပတ် တဲ့ လ, ဖြစ်ပါလိမ့်မယ်။ စစ်ဘက်၊ စက်မှုလက်မှု၊ ဆေးဝါးဘက် ဆိုင်ရာမှာ လုပ်ကိုင်နေသူများတော့ ရာထူး၊ဂုဏ်ထူး တက်ပြီး အကောင်းအား များနိုင်ပါတယ်။ အချို့ သက္ခတ်ညံ့သူများ နာမည် ဂုဏ်သတင်း ထိခိုက်စရာ ကြုံနိုင်ပေမယ့် သိပ် အဆိုးကြီးလည်း မဟုတ်ပါ။ ခရီးတို သွားလာရမှု များတတ်ပါတယ်။ ငွေကြေးကိစ္စနဲ့ ပက်သက်ပြီး အရှုပ်အရှင်း ပြဿနာတွေ ၀င်နိုင်ပါတယ်။ ဒါပေမယ့် အများစုကတော့ သိပ်ပြီး အကောင်း/အဆိုး ထူးခြားမယ့် လ, မဟုတ်ပါဘူး။ သောကြာ သားသမီးများအတွက် ဒီလမှာ ဟောစရာ သိပ်မရှိပါ။
ယတြာပြုလုပ်လိုသူများအတွက် အိမ်ကဘုရားမှာဘဲ “သစ္စာပန်း” လှလှများကို ဝေဆာနေအောင် မပြတ်တန်း ကပ်လှူပေးပါ။ ဗုဒ္ဓဘာသာဝင် မဟုတ်သူများအတွက် ဒီလိုဘဲ နေအိမ်ဧည့်ခန်းမှာ သစ္စာပန်းများ အလှထိုးထားပါ။
.
စနေ သားသမီးများ
စနေ သားသမီးများကတော့ ဒီလမှာ ထူးထူးခြားခြားအောင်မြင်တိုးတက်မှုတွေလည်း ရနိုင်တယ်။ ထူးထူးခြားခြား အညံ့ တွေလည်း ကြုံနိုင်တယ်။ အကောင်း/အဆိုးတွေ အားပြိုင်နေမယ့် လ, ဖြစ်တယ်။ သက္ခတ်ကောင်းရင်တော့ အကောင်း များလိမ့်မယ်။ သက္ခတ်ညံ့ရင်တော့ အဆိုးများလိမ့်မယ်။ ၀န်ထမ်းများ ရာထူး၊ လစာ တိုးတက်နိုင်တယ်။ ဂုဏ်ပြုချီးမွမ်း ခံရမှုများ ဖြစ်နိုင်တယ်။ နာမည်အလွန်ကျော်ကြားတတ်တယ်။ လူအများနှင့် ဆက်ဆံ လုပ်ကိုင်နေရသော လုပ်ငန်းများ၊ အနုပညာရှင်များ အထူးအောင်မြင်ကျော်ကြားမယ်။( ဒီလမှာ အကယ်ဒမီဆုများ ပေးခဲ့မယ်ဆိုရင် စနေသားသမီး(သို့) စနေနံနဲ့ မှည့်ထားတဲ့ သူများ အကယ်ဒမီဆုများ ရရှိနိုင်တယ်)။ ညံ့တာကတော့ ဒီလထဲမှာ ရန်အတိုက်အခိုက်များမယ်။ မလိုမုန်းထားသူတို့ လုပ်ကြံ နာမည်ဖျက်တာ ခံရမယ်။ အိမ်ထောင်ရေး ပဋိပက္ခတွေ ရှိနိုင်တယ်။ ဒီလမှာ စနေသားသမီးများ ဖြစ်တတ်တာကို ပထမဆုံး အကောင်းရှေ့ကလာပြီး နောက်က အဆိုးတွေ ကပ်ပါလာတတ်တယ်။ ကျန်းမာရေး ပြဿနာတော့ ထွေထွေထူးထူး မရှိပါ။ ဒါပေမယ့် စိတ်လှုပ်ရှားရမှု အလွန်များမယ့် လ, ဖြစ်ပါတယ်။ တစ်လလုံး စိတ်ဓာတ် တက်လိုက် , ကျလိုက် ဖြစ်နေတတ်ပါတယ်။
ယတြာပြုလုပ်လိုသူများအတွက် စနေနေ့နံနက် (၁၀)နာရီဝန်းကျင်မှာ မိမိအိမ်မှာဘဲ ရှိတဲ့ဘုရားကို ရေသပ္ပါယ်ပေးပါ။ သောက်တော်ရေချမ်း မပြတ်ကပ်လှူပေးပါ။ မိမိ မလုပ်နိုင်လျှင် ကိုယ်စား လုပ်ပေးနိုင်ပါသည်။ ဒီတစ်လလုံး (၂)ကြိမ်ခန့် ပြုလုပ်ပေးပါ။ ဗုဒ္ဓဘာသာမဟုတ်သူများ သောက်ရေသန့်ဗူး လှူဒါန်းခြင်းကို (မည်သူ့ကိုမဆို) ပြုလုပ်ပေးနိုင်ပါတယ်။
.
ရာဟု သားသမီးများ
ရာဟု သားသမီးများကတော့ ဒီလမှာ ဗုဒ္ဓဟူးသားသမီးများ ကောင်းသလိုဘဲ သူလည်း အတော်ကံကောင်းမယ့် လ, ဖြစ်ပါတယ်။ သက္ခတ်ကောင်းများမှာ ရောက်နေသူများ ဗုဒ္ဓဟူးသားသမီးများမှာ ခံစားရမယ့် အကျိုးများအတိုင်း ခံစားရပါလိမ့်မယ်။ သက္ခတ် ညံ့ရင်တော့ အဆိုး/အကောင်း ပုံမှန်လောက်ဘဲ ရှိနေပါမယ်။ နာမည်နဲ့ လုပ်စားနေသူများတော့ နာမည်အလွန်ကြီးမယ့် လ, ဖြစ်ပါတယ်။ နာမည်ကြီးမှု အပိုင်းမှာ ဗုဒ္ဓဟူးသားသမီးများထက် ပိုကောင်းပါတယ် ။ ရာထူး၊ ဂုဏ်ထူးများရရှိခြင်း၊ ဆုတံဆိပ်များ ရရှိခြင်း၊ ၀န်ထမ်းများ လစာနှင့် ရာထူးတိုးတက်ခြင်းများ ဖြစ်နိုင်ပါတယ်။ (ရာဟု သားသမီး အနုပညာရှင်များ ယခုလမှာ အကယ်ဒမီဆုများ မျှော်မှန်းနိုင်ပါတယ်)။ အိမ်မှာ အနားမနေရဘဲ အပြင်ထွက်ရမှု၊ ခရီးသွားလာရမှုများ အလွန်များနေမယ်။ အိုးအိမ်ဆောက်လုပ်ရေးလုပ်ငန်းများ၊ ရွှေနဲ့ တန်ဖိုးကြီး သတ္တုများနှင့် ပက်သတ် တဲ့လုပ်ငန်းများ လုပ်ကိုင်နေသူများ အလွန် အကျိုးများမယ်။ လူထုဆက်သွယ်ရေးလုပ်ငန်းများ၊ သတင်း နှင့် စာနယ်ဇင်း လုပ်ငန်း လုပ်သူများ အထူးအကျိုးများမယ်။ ကျန်းမာရေးနဲ့ မတော်တဆ ထိခိုက်မှု ရှိနိုင်ပါတယ်။
ယတြာပြုလုပ်လိုသူများအတွက် ဘုရားမှာ “အုန်းသီးစိပ်၊ အုန်းသီးဖျော်ရည်၊ အုန်းသီးနဲ့ လုပ်သော မုန့် များကိုသာ မကြာ ခဏ ကပ်လှူပေးပါ။ ရာဟုသားသမီးများ ယခုလမှာ “ဘုန်း,ကြီးလိုလျှင်၊ အုန်းသီးကိုသာ” ကပ်လှူပေးကြပါ။ ဗုဒ္ဓဘာသာ မဟုတ်သူများ ကလေးငယ်များကို အုန်းသီးသကြားလုံးများ မကြာခဏ ဝေငှပေးပါ။ ကိုယ်တိုင်လည်း စားပါ။
.
မှတ်ချက်။ ။ အထက်ပါ (၇) ရက် သားသမီး ဟောကိန်းများသည် ယေဘူယျ သဘောသာ ဆောင်ယူပါသည်။ ပိုမိုအရေး ကြီးသည်မှာ မိမိရောက်ရှိနေသော “သက္ခတ်” (သက်ရောက်ကိန်း) အပေါ်တွင် မူတည်ပါသည်။ သက္ခတ် ကောင်းလျှင် ကောင်းကျိုးကို ပိုမိုခံစားရမည်ဖြစ်ပြီး ဆိုးကျိုးကို လျော့နည်းခံစားရမည်ဖြစ်ပါသည်။ သက္ခတ် ညံ့လျှင် ဆိုးကျိုးကို ပိုမိုခံစားရမည် ဖြစ်ပြီး ကောင်းကျိုးကို လျော့နည်း ခံစားရမည်ဖြစ်ပါသည်။ ထိုအချက်ကို သတိပြုပါ။
.
(၇)ရက်သားသမီးအားလုံး ကိုယ်ကျန်းမာခြင်း၊ စိတ်ချမ်းသာခြင်းများဖြင့် ပြည့်စုံနိုင်ကြပါစေသော်။
.
ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)
ဝင်ရောက်ဖတ်ရှုသူပေါင်း=470
Date: January 10, 2010
